Fréttablaðið - 22.09.2012, Page 92

22. september 2012 LAUGARDAGUR
popp@frettabladid.is
„Það þarf að lífga upp á
þetta hverfi því þarna er
lítið útsýni. Vonandi veitir
þessi mynd fólki innblást-
ur,“ segir listakonan Rafa-
ella Brizuela Sigurðardóttir.
Hún er önnum kafin þessa dagana
við að mála risastórt málverk, sem
kallast Draumur hafsins, á hundr-
að fermetra húsgafl á Laugavegi
159. Verkefnið hófst fyrir þremur
vikum og stefnt er á að það klárist
eftir um tvær vikur.
„Bróðir vinar míns á íbúð í þessu
húsi. Hann vildi lífga upp á þennan
stað og spurði hvort ég hefði áhuga
á að hjálpa til. Ég játaði því en fór
svo til Kína og það varð ekkert úr
þessu fyrr en þremur árum seinna
þegar ég kom til baka,“ segir Rafa-
ella.
Um eitt ár fór í að sækja um
styrki fyrir verkefnið, auk þess
sem Stoð útvegaði ókeypis stillansa
og Málning útvegaði málninguna.
Eldur og ís hefur styrkt verkefnið
með léttum veitingum.
Þetta er stærsta veggmynd Rafa-
ellu til þessa. Hún öðlaðist reynslu
af slíkum verkum þegar hún var í
listnámi í Los Angeles og starfaði
undir stjórn aðgerðasinna og lista-
manns sem hefur gert stór slík
verk þar í borg.
Hún hefur fengið aðstoð frá
ýmsum síðan verkið hófst, jafnt
ungum sem öldnum. „Það eru allir
rosalega spenntir og þetta veitir
fólki innblástur. Sumir koma líka
með mat, þannig að þetta hefur
verið alveg yndislegt.“
Rafaella málar á hverjum degi
þangað til sólin sest um hálfníu-
leytið. „Þetta er dálítið erfitt. Ég
fæddist í Mexíkó og er með svo-
lítið suðrænt blóð og skinn, þannig
að mér er rosalega kalt en þetta er
líka mjög spennandi.“
Hugmyndin á bak við listaverk-
ið kemur úr gamalli persneskri
sögu úr bahái-trúnni og einnig úr
íslenskri menningu. „Myndin er
um fiska og haf. Ég hugsa mikið um
sjómennina og það sem Íslendingar
eru búnir að ganga í gegnum.“
Hægt er að fylgjast með fram-
gangi málverksins á Facebook-síð-
unni Draumur hafsins.
freyr@frettabladid.is
VEITIR FÓLKI
INNBLÁSTUR
MEÐ RISAVERKI
DRAUMUR HAFSINS Rafaella Brizuela Sigurðardóttir málar risastórt málverk á
vegg á Laugaveginum. FRÉTTABLAÐIÐ/VALLI
Málverkið sýnir stúlku og mergð fiska sem reynir að sækja næringu í hrafn-
svart hár sem liðast um sjóinn. Málverkið er draumkennt og þar mætast stef
úr íslenskri menningu og þráin eftir hinu fagra og háleita sem býr í innsta
eðli mannsins. Fyrir ofan sjávarborð sér í íslensk fjöll og dali. Markmiðið
með málverkinu er að fegra og lífga upp á efra svæði Laugavegarins og
stuðla að opnu og leitandi hugarfari á kreppu- og erfiðleikatímum. Hér gefst
tækifæri fyrir íbúa samfélagsins og ferðamenn að sjá hvernig steinsteypa
getur orðið að glugga inn í aðra veröld, sem gefur áhorfendum tækifæri til
að staldra við og íhuga.
MEIRA UM MÁLVERKIÐ DRAUMUR HAFSINS
Leikarinn Jesse Tyler Ferguson úr
gamanþáttunum Modern Family hefur
trúlofast kærasta sínum, lögfræð-
ingnum Justin Mikita. Parið sagði frá
gleðifréttunum á vefsíðu samtakanna
Tie the Knot.
„Það er satt, ég bað hann um að gift-
ast mér,“ sagði Ferguson í myndbandi
sem birtist á vefsíðu samtakanna.
„Ég sagði já!“ bætir Mikita við. Parið
hefur verið saman í tvö ár og segist
vona að hjónaband þeirra verði viður-
kennt í öllum ríkjum Bandaríkjanna í
nánustu framtíð.
Trúlofaður
TRÚLOFAÐIR Leikarinn Jesse
Tyler Ferguson bað kærasta
síns, lögfræðingsins Justin
Mikita. NORDICPHOTOS/GETTY