Fréttablaðið - 26.10.2012, Qupperneq 58

26. október 2012 FÖSTUDAGUR38 38
popp@frettabladid.is
Önnur plata hljómsveitarinnar
Nóru, Himinbrim, kemur út í dag.
Platan var meðal annars fjár-
mögnuð í gegnum vefsíðuna
www.pledgemusic.com, þar sem
fólki bauðst að heita á hana og
kaupa fyrirfram. Söfnuninni lauk
þremur vikum fyrr en áætlað var.
Til að fagna býður Nóra í hlust-
unarteiti á Faktorý við Smiðjustíg
klukkan 20.30 í kvöld.
Nóra með Himinbrim
HIMINBRIM Liðsmenn Nóru fagna
útkomu nýrrar plötu á Faktorý í kvöld.
MYND/INGÓLFUR JÚLÍUSSON
Bíó ★★★★ ★
Skyfall
Leikstjórn: Sam Mendes.
Leikarar: Daniel Craig, Javier Bar-
dem, Judi Dench, Ralph Fiennes,
Naomie Harris, Bérénice Marlohe,
Ben Whishaw, Albert Finney, Ola
Rapace.
James Bond fagnar hálfrar aldar
kvikmyndaafmæli sínu í þessum
mánuði og því er gífurlegt húll-
umhæ í kringum frumsýningu
23. myndarinnar um þennan
kvensama breska spæjara, jafn-
vel meira en vanalegt er. Skyfall
nefnist myndin og er sú þriðja í
röðinni þar sem hinn ljóshærði
Daniel Craig skartar smókingnum.
American Beauty-kempan Sam
Mendes er við stjórnvölinn og er
það í fyrsta sinn sem Óskarsverð-
launaleikstjóri spreytir sig á Bond.
Í Skyfall er M gamla rækilega
búin að klúðra málunum og trún-
aðarskjöl leyniþjónustunnar eru
komin í hendur tölvuþrjóta. Í æsi-
legum eltingarleik við ódámana
verður Bond fyrir skoti frá sam-
herja og hrapar fram af brú. Það
lifir hann af en lætur sig engu
að síður hverfa um stundarsakir
og er úrskurðaður látinn. Þegar
höfuðstöðvar MI6 verða svo fyrir
hryðjuverkaárás kemur kappinn
loks úr felum og þá mega bófarnir
fara að vara sig.
Það er farið um víðan völl í þess-
Órakaður og aleinn heima
SKYFALL „Skotheld leikstjórnin og sáraeinfalt en margslungið handritið lyfta henni
upp í úrvalsflokk,“ segir gagnrýnandi um nýju Bond-myndina.
ari tveggja og hálfrar klukku-
stunda löngu mynd. Við sjáum
okkar mann bæði órakaðan og
uppdópaðan, og síðar upp strílaðan
og einbeittan, og þrátt fyrir að
yndislegu klisjurnar séu flestar
til staðar fær áhorfandinn einnig
dágóðan skerf af „öðruvísi“ Bond.
Þá er lokauppgjörið frábrugðið
því sem við eigum að venjast og
minnir um margt á kvikmyndina
Home Alone, en á góðan máta (og
ekki eins hlægilegan).
Craig heldur áfram að blómstra
í hlutverki sínu og glæsilegur
aðalskúrkurinn (Javier Bardem)
er líklega sá mest ógnvekjandi sem
ég man eftir í langan tíma. Tækja-
sjéníið Q er kynnt til sögunnar á ný
og er það vel, en Bond- skvísurnar
fá minna pláss en oft áður, þó það
komi reyndar ekki að sök. Tón-
listin olli mér samt nokkrum von-
brigðum og þá ekki síst titil lagið,
bragðdaufur og rislítill hiphop-
fiðlukokteill í moll, sem söngkonan
Adele flytur þó ágætlega. Þetta er
sérstaklega spælandi í ljósi þess að
undangengin upphafssena er ein sú
æsilegasta í manna minnum.
Hvað um það. Sé allt tekið með
er Skyfall ljómandi vel heppnuð
og skotheld leikstjórnin og sára-
einfalt en margslungið handritið
lyfta henni upp í úrvalsflokk.
Haukur Viðar Alfreðsson
Niðurstaða: Þrælspennandi og
skemmtileg frá upphafi til enda. Ég
bið ekki um mikið meira.
Nýsköpunarvið burðurinn
Music Hack day tengir
saman tónlist og tækni.
Hann er haldinn í fyrsta
sinn á Íslandi um helgina.
„Við erum ekki að tala um hakk í
þeim skilningi að við séum að hakka
okkur inn í eitthvað, heldur að fólk
sé að hakka saman eitthvað nýtt. Við
erum ekki að brjóta nein lög, nema
þá kannski tónlistar-lögin sjálf, þau
verða eflaust brotin töluvert upp,“
segir Karl Tryggvason kíminn.
Karl er einn þeirra sem fara fyrir
Music Hack-deginum í Háskólanum
í Reykjavík um helgina.
Music Hack-dagurinn er alþjóð-
legur nýsköpunarviðburður tengdur
tónlist og tækni. Hann er nú hald-
inn á Íslandi í fyrsta skipti, en sams
konar viðburðir hafa verið haldnir
um allan heim frá árinu 2009.
„Þetta er svo ungt allt saman
og dagurinn enn að mótast. Þessi
viðburður gengur í stuttu máli út
á að leiða saman forritara og lista-
menn til þess að smíða einhverja
nýjung á sviði tónlistar og tækni,“
segir Karl.
Sem dæmi tekur hann regnhlíf
sem eitt sinn var búin til á slíkum
degi og spilar lag í hvert sinn sem
á hana fellur regn. Fólk fær 24 tíma
til að búa til raunverulega afurð úr
hugmyndunum sínum og algengast
er að fólk vinni saman í hópum.
Hóparnir eru yfirleitt settir saman
af fólki úr mismunandi geirum, til
dæmis er þar oft að finna aðila sem
hefur mikið vit á tækni og annan
sem hefur meira vit á tónlist. „Þetta
eru annasamir klukkutímar og þeir
allra hörðustu sofa ekki neitt. Það
er ekki heilbrigðasti lífsstíllinn en
hvað gerir maður ekki fyrir listina,“
segir Karl.
Nú þegar hafa um 100 manns
skráð sig til leiks og síðustu sætin
rjúka út. „Af þessum hundrað sem
eru skráðir eru á milli 60 og 70
útlendingar. Flestir þeirra koma
til landsins sérstaklega til að taka
þátt. Núna er staðan þannig að lítið
pláss er eftir fyrir Íslendingana
sem eiga það til að gera hlutina
alltaf á síðustu stundu,“ segir Karl.
Viðburðurinn verður haldinn
í Háskólanum í Reykjavík frá
morgun deginum og þar til á sunnu-
dag. Á sunnudaginn klukkan 15 er
svo öllum velkomið að kíkja inn og
kynnast afurðum helgarinnar.
- trs
Hakka í 24 annasama tíma
SKIPULEGGJENDURNIR Karl Tryggvason, Andie Nordgren og Johan Uhle standa að
baki Music Hack Day á Íslandi. FRÉTTABLAÐIÐ/ANTON
Miðasala | 568 8000 | borgarleikhus.is
Gói
Baunagrasið
og
Bráðskemmtileg og fyndin leiksýning
fyrir alla fjölskylduna
Fréttatíminn Morgunblaðið
Síðustu
sýningar

ÁRA ER LEIKARINN Jon Heder en hann er hvað
frægastur fyrir túlkun sína á hinum fótfima Napoleoni
Dynamite í samnefndri mynd sem sló í gegn árið 2004.
35
Við erum ekki að
brjóta nein lög, nema
þá kannski tónlistar-lögin
sjálf, þau verða eflaust brotin
töluvert upp.