Fréttablaðið - 27.10.2012, Síða 28

27. október 2012 LAUGARDAGUR28
G
uðmundur Kristinn
Jónsson, eða Kiddi
í Hjálmum, hefur í
nógu að snúast fyrir
þessi jól eins og svo
oft áður. Auk þess að
vera gítarleikari í Hjálmum, Bagga­
lúti, Memfismafíunni og Senuþjóf­
unum starfar hann sem upptöku­
stjóri í Hljóðrita í Hafnarfirði. Sem
slíkur er hann með þeim afkasta­
meiri á landinu og þessa dagana er
hann að stjórna upptökum á fimm
plötum, sem flestar koma út fyrir
jólin. Einnig var hann upptökustjóri
á fyrstu plötu Ásgeirs Trausta, Dýrð
í dauðaþögn, sem hefur selst í yfir
fimm þúsund eintökum á aðeins
einum og hálfum mánuði. Kiddi
hefur jafnframt séð um kynningar­
mál fyrir Ásgeir og reyndar Hjálma
líka ásamt konu sinni Maríu Rut
Reynisdóttur.
Hann er einnig með puttana í
fjölda tónleika sem verða haldn­
ir á næstunni, þar á meðal jóla­
tónleikum Baggalúts, tónleikum
Ásgeirs Trausta og Moses Hightower
í Háskólabíói og tónleikum Hjálma
og Jimi Tenor og Ásgeirs Trausta á
Airwaves. Að auki er Kiddi að ljúka
upptökum á þriðju þáttaröðinni af
Hljómskálanum og tónlistinni sem
fylgir með þessum vinsæla sjón­
varpsþætti.
Aðspurður segist Kiddi einfaldlega
búa sér til tíma þegar hann hefur
sem mest að gera svo allt gangi upp.
„Maður þarf svolítið að forgangsraða
og taka það sem er nauðsynlegt akk­
úrat núna. Annað sem getur beðið
verður aðeins að fá að bíða. Svo er
eitt sem maður þarf að læra, það er
að svara ekki alltaf símanum.“
Hann hefur ekki áhyggjur af því að
þessar miklu annir bitni á gæðunum.
„Það myndi örugglega bitna á gæð­
unum ef ég væri að vinna alltaf fyrir
einhverja aðra. Þetta eru allt svolítið
mín verkefni og þá held ég að gæða­
stjórnunin sé frekar góð hjá mér.“
Hann hefur gaman af því að koma
öðrum á framfæri eins og Ásgeiri
Trausta. „Það er gaman að fá lista­
menn eins og Ásgeir og taka þátt í að
byggja þetta allt saman upp. Það er
mjög skemmtilegt, sérstaklega þegar
vel gengur. Fyrir mig er gaman að
upplifa þetta frá öðru sjónarhorni.
Hjálmar voru einu sinni á þessum
stað. Það kemur alltaf nýr Ásgeir,
Valdimar, Lay Low eða Mugison.“
Sigurður Guðmundsson
og Memfismafían
- Sigurður Guðmundsson og mafían í Havana
(kemur út fyrir jól)
Hún er hljóðrituð í Havana í sögufrægu stúdíói sem heitir Egrem, þar sem Buena Vista Social
Club tók upp sína frægu plötu. Það er alltaf gaman
að blanda saman svona tveimur ólíkum menningar­
heimum.“
Hjálmar og Jimi Tenor
(kemur út í febrúar)
Við ákváðum fyrir síðustu plötu Hjálma, Órar, að fara svolítið aðra
leið en vanalega og gera músíkina ekki
eins hlustendavæna. Í kjölfarið ákváð­
um við að einbeita okkur meira að því
að spila erlendis og fara meira út í
elektróník. Hjálma og Jimi Tenor­plat­
an er rökrétt framhald af því. Það var
gaman að vinna með manni sem hugs­
ar alltaf langt út fyrir boxið. Hann
þorir að taka skrítnar ákvarðanir.“
Ásgeir Trausti
- Dýrð í dauðaþögn (komin út)
Ásgeir, litli bróðir Steina í Hjálmum, kom með demó til mín. Yfirleitt hlusta
ég ekki á demó en ég gaf þessu séns því hann
er bróðir hans Steina og ég var mjög hrifinn
eins og greinilega fleiri. Í fyrstu upptökunum
hóaði ég í fullt af fólki. Svo kom í ljós að hann var
fullfær um að spila á flest sjálfur þannig að þetta
endaði með því að við vorum meira og minna bara
tveir í stúdíóinu.“
Magnús og Jóhann
- Í tíma (komin út)
Það var gaman að vinna með þessum goðsögn­um frá mínum heimabæ, Keflavík. Það var
líka sérstaklega gaman að gera fyrstu plötuna
þeirra sem er á íslensku. Þetta var tekið upp
„live“ í stúdíóinu og ég hlakka til að sjá hvernig fólk
tekur þessu því þarna er mikið af frábærum lögum.“
Megas
- Megas raular lögin sín (kemur út fyrir jól)
Þetta er fjögurra til fimm diska safn og þarna eru um sex ný lög. Við í Senuþjófunum höfum verið að vinna
með Megasi og yfirleitt eigum við eina plötu afgangs.
Þegar við tókum upp (Hugboð um) Vandræði gerðum
við tvær plötur. Eftir hana gaf Megas út strengja­
plötu og aðra GRM­plötu og ég geymdi afgangs­
plötuna á lager. Eitt af lögunum sem við tókum upp
var notað í Hljómskálanum og svo gaf hann tvö út með
GRM. Þau fá að fljóta með á „best­of“­plötunni í okkar
útgáfum.“
Stórsveit Samúels
Samúelssonar
(kemur út fyrir jól)
Þetta er þriðja platan hans Samma. Þegar Tony Allen kom að spila með
Samma leyfði ég honum að æfa uppi í
stúdíói. Það var svo gott sánd að hann
ákvað að taka upp næstu plötu í Hljóð­
rita.“
Hljómskálinn
(komin út)
Þetta er samansafn af lögum sem við höfum unnið í fyrstu tveimur seríunum
hér og þar og úti um allan bæ. Mörg lög hafa
náð mikilli hylli hjá fólkinu í landinu á meðan
lögin sem náðu því ekki náðu hylli gagnrýnenda.
Þannig að líklega hafa öll lögin náð einhverri hylli.“
n SJÖ ÚR HERBÚÐUM KIDDA
Undir
Ægishjálmi
Kidda
Guðmundur Kristinn Jónsson, eða Kiddi í
Hjálmum, er einn af afkastamestu upptöku-
stjórum landsins. Fimm nýjar plötur með
hann við stjórnvölinn koma út á næstunni
auk þess sem hann stjórnaði upptökum á
plötu Ásgeirs Trausta, Dýrð í dauðaþögn.
Freyr Bjarnason spurði hann nánar út í
verkefnin.
Sagan á bak
við sloppinn
„Ég keypti hann þegar ég gerði Oft spurði ég
mömmu [með Sigurði Guðmundssyni og Memfismafí­
unni]. Þetta átti að vera Abbey Road­upptökusloppur.
Það er vald í þessum sloppi. Þegar þú ferð á spítala
og hittir lækna í þessum sloppum þá treystirðu
þessum mönnum. Þú veist ekkert hverjir
þetta eru en leyfir þeim samt að
skera þig.“