Fréttablaðið - 27.10.2012, Page 96

27. október 2012 LAUGARDAGUR60
Ég bíð enn eftir að
einhver slái mig utan
undir og segi mér að þetta
hafi verið draumur.
TOMMY GAINEY
KYLFINGUR
GOLF Golfheimurinn stóð á öndinni
um síðustu helgi þegar óþekktur
og afar óvenjulegur kylfingur að
nafni Tommy Gainey vann mót á
PGA-mótaröðinni. Hann skákaði
mönnum á borð við Jim Furyk og
Davis Love III við á mótinu.
Hann spilaði lokahringinn á
McGladrey Classic-mótinu á 60
höggum og setti vallarmet. Hann
var ekki fjarri því að setja niður
pútt fyrir 59 höggum.
Það er ekkert mjög langt síðan
hinn 37 ára gamli Gainey vann á
færibandi við að pakka einangrun
í hitabrúsa. Efnahagshrunið kost-
aði hann síðan starfið og þá varð
hann að gera eitthvað annað.
Gainey lék hafnabolta á sínum
yngri árum og hann sveiflar golf-
kylfu nánast eins og hafnabolta-
kylfu. Golfkennarar tala látlaust
um rétt grip og rétta sveiflu.
Gainey er sjálflærður og brýt-
ur öll lögmál golfsins með villtri
sveiflu, handahófskenndu gripi og
tvennum hönskum.
Kylfingurinn notar ekki einu
sinni venjulega golfhanska held-
ur blauthanska. Hann púttar líka í
hönskunum og þarf ekki að koma
á óvart að viðurnefni hans sé
„Tommy two gloves“. Hann trúir
heldur ekki á of mikla hreyfingu.
Fer aldrei í ræktina. Honum finnst
næg hreyfing að labba alla þessa
golfhringi.
Þegar hann var að byrja í golf-
inu lék hann á litlum móta röðum
sem eru ekki til lengur. Hann skap-
aði sér þó nafn er hann tók þátt í
raunveruleikaþætti á Golf Chan-
nel. Maðurinn með hafnabolta-
hanskana vakti eðlilega mikla
athygli.
Hann komst inn á PGA-mótaröð-
ina árið 2008 en gekk illa fyrsta
árið. Komst aðeins í gegnum niður-
skurðinn á 5 mótum af 23. Þann-
ig var þetta áfram en honum óx
smám saman ásmegin. Eitt fyrir-
tæki stóð með honum þá og gerir
enn þann dag í dag. Það er fyrir-
tækið þar sem hann stóð við færi-
bandið á sínum tíma.
Tveggja hanska Tommy
dreymdi eflaust um að vinna mót
á PGA-mótaröðinni en það kom
honum á óvart að hafa unnið.
Hann var sjö höggum á eftir efstu
mönnum fyrir lokadaginn. Hann
þurfti svo að bíða í tvo tíma eftir
að Furyk, Love og David Toms
kæmu í hús. Menn sem hafa
unnið 49 sinnum á mótaröðinni,
þrjú stórmót og 17 sinnum verið í
Ryder-liði. Engum þeirra tókst að
ná honum.
„Ja, hérna. Ég veit eiginlega
ekki hvað ég á að segja,“ sagði
Gainey eftir að hafa unnið mótið.
„Ég er að spila við bestu kylf-
inga heims. Menn sem hafa unnið
stórmót en ég hef aðeins unnið í
raunveruleikaþætti. Það er ótrú-
legt að geta sagt núna að ég hafi
unnið PGA-mót. Þvílíkur dagur.
Ég bíð enn eftir að einhver slái mig
utan undir og segi mér að þetta
hafi verið draumur.“
Gainey fagnaði titlinum með því
að skála í bjór. Honum fannst það
meira við hæfi en að opna kampa-
vín. Þetta alþýðlega fas og almenn
hógværð er að gera hann að stór-
stjörnu. henry@frettabladid.is
UNDRIÐ MEÐ HANSKANA
Tommy Gainey er enginn venjulegur golfari. Hann er sjálflærður, hefur mjög
óvenjulega sveiflu og notar tvenna þykka hanska sem eru ætlaðir fyrir golf í
rigningu. Gainey er sönnun þess að allt er hægt í íþróttum.
HANSKARNIR AF Gainey kátur með
bikarinn. NORDICPHOTOS/GETTY
MEÐ ÞYKKA SVARTA HANSKA Gainey veifar hér til áhorfenda sem fögnuðu honum
ákaft um síðustu helgi. NORDICPHOTOS/GETTY
Skotnýtingin
Ólafur: mörk (skot)
Gegn Akureyri: meiddur
Gegn Val: meiddur
Gegn Fram: 4 (6)
Gegn ÍR: 4 (16)
Gegn HK: 5 (9)
Gegn Aftureldingu: 5 (11)
Samtals: 18 (42) - 43%
Róbert:
Gegn Haukum: 4 (11)
Gegn Akureyri: 0 (8)
Gegn FH: 6 (10)
Gegn Val: 7 (19)
Gegn ÍR: 9 (12)
Gegn HK: 4 (12)
Samtals: 30 (72) - 42%
HANDBOLTI Mikils var vænst af
stórskyttunum Ólafi Gústafssyni
úr FH og Framaranum Róberti
Aroni Hostert í vetur. Skal engan
undra þar sem þeir eru báðir afar
efnilegir og komnir með fína
reynslu í efstu deild. Þeim hefur
ekki tekist að standa undir þessum
væntingum hingað til.
Báðir búa þeir yfir gríðar legum
hæfileikum og það er mat margra
að þeir hafi fulla burði til þess að
vera yfirburðamenn í deildinni.
Menn sem skora um tíu mörk í
leik. Það er ekki að gerast hjá
þeim.
Ólafur var meiddur framan af
tímabili og hefur lítið gert síðan
hann kom til baka. Ekki skorað
meira en fimm mörk í leik sem
telst ekki mikið fyrir öfluga skyttu
eins og Ólaf. Hann hefur haft hægt
um sig í sumum leikjum og þegar
hann skýtur mikið gengur fátt upp.
Engu að síður var hann verðlaun-
aður með landsliðssæti í vikunni.
Verður það að teljast áhugavert.
Róbert Aron hefur átt skraut-
lega leiki. Besti leikurinn hans
var gegn ÍR þar sem hann skor-
aði níu mörk í tólf skotum. Aðrir
leikir hafa verið slakir hjá honum
og skotnýtingin ekki til fyrir-
myndar. Ekkert mark í átta skot-
um gegn Akureyri og sjö mörk í
heilum nítján skotum gegn Val eru
dæmi um það.
Sem betur fer fyrir þá félaga
er nóg eftir af tímabilinu og mörg
tækifæri til þess að sýna að þeir
geti staðið undir þeim væntingum
sem til þeirra eru gerðar. Þeir geta
mikið betur. - hbg
Tvær efnilegustu skyttur landsins ekki að standa undir væntingum í N1-deildinni:
Stórskyttur skjóta púðurskotum
BYRJA RÓLEGA Róbert og Ólafur bítast hér í leik. Er beðið eftir því að þeir sýni hvað
þeir geta. FRÉTTABLAÐIÐ/ANTON
FÓTBOLTI Pepsi-deildarlið Þórs frá
Akureyri fékk fínan liðsstyrk í
gær er tveir af betri leikmönn-
um 1. deildarinnar síðasta sumar
sömdu við félagið.
Athygli vekur að Bosníumaður-
inn Edin Beslija sé farinn norður,
en hann kemur frá Víkingi Ólafs-
vík sem einnig tryggði sér þát-
tökurétt í Pepsi-deildinni næsta
sumar. Þar hefur þessi 25 ára
leikmaður verið í algjöru lykil-
hlutverki síðustu ár.
Það er langt síðan Þór hafði sam-
band við hinn 24 ára gamla Dana
Mark Tubæk, en hann lék með BÍ/
Bolungarvík. Svo langt að Þór var
sektað af KSÍ fyrir að hafa sam-
band við leikmanninn meðan hann
var enn samningsbundinn BÍ.
„Við erum brenndir frá því
við vorum síðast í efstu deild og
reynum að læra af því. Ég ætla
því að hafa liðið mitt klárt fyrir
áramót,“ sagði Páll Viðar Gísla-
son, þjálfari Þórs, en hann er mjög
ánægður með liðsstyrkinn.
„Þeir voru tveir af öflugustu
mönnum 1. deildarinnar síðasta
sumar að mínu mati. Þeir styrkja
okkur því klárlega. Þeir eru ekk-
ert dýrari en íslenskir leikmenn og
við teljum okkur vera að fá mikið
fyrir peninginn. Það kostar samt
að vera með alvöru lið.“
Þór er enn að reyna að semja
við Chukwudi Chijindu en óljóst
er hvað verður um það. Sá skoraði
fimm mörk í níu leikjum í fyrra.
Náist ekki samningar við hann
verður reynt við annan framherja.
Páll segir að Þór sé í viðræðum við
tvo íslenska leikmenn þess utan.
- hbg
Edin Beslija og Mark Tubæk sömdu við Þór:
Ætla að hafa liðið mitt
klárt fyrir áramót
SAFNAR LIÐI Páll Viðar er farinn að safna liði og er engan veginn hættur.
FRÉTTABLAÐIÐ/PJETUR