Fréttablaðið - 08.11.2012, Blaðsíða 48
8. nóvember 2012 FIMMTUDAGUR36
bio@frettabladid.is
36
Spennumyndin Argo verð-
ur frumsýnd í kvikmynda-
húsum annað kvöld. Myndin
er byggð á sannsögulegum
atburðum.
Argo segir frá atburði sem átti
sér stað í Teheran árið 1979.
Hinn 4. nóvember það ár her-
tóku íranskir hermenn banda-
ríska sendiráðið og héldu starfs-
mönnum þess í gíslingu. Innrásin
var gerð í hefndarskyni vegna
stuðnings Banda ríkjanna við
keisarann Reza Pahlavi sem hafði
verið steypt af stóli nokkru áður.
Sex starfsmönnum sendiráðs-
ins tókst þó að komast undan og
földu þeir sig í kanadíska sendi-
ráðinu. Bandarísk stjórnvöld
lögðu á ráðin um hvernig mætti
koma sexmenningunum heim og
ákváðu að dulbúa sérsveitarmenn
sem kvikmyndagerðarfólk sem
væri við tökur á kvikmynd í Íran.
Ben Affleck leikur sérsveitar-
manninn Tony Mendez, sem var
Besta kvikmynd Afflecks
ALLT Í ÖLLU Ben Affleck framleiðir og leikstýrir spennumyndinni Argo. Hann fer einnig með aðalhlutverk myndarinnar.
LEIKUR FLO Fyrirsætan fyrrverandi, Agyness Deyn, fer með hlutverk Flo í breskri
endurgerð dönsku myndarinnar Pusher. Danska myndin, í leikstjórn Nicolas Winding
Refn, sló eftirminnilega í gegn árið 1996. Deyn hefur sagt skilið við tískubransann
og hyggst einbeita sér að kvikmyndaleik héðan af.
Heimildarmyndaklúbbur Bíó Paradís stendur fyrir heimildarmynda-
hátíðinni Bíó:Dox sem fram fer dagana 9. til 15. nóvember. Þema
hátíðarinnar er list og sýndar verða fimm heimildarmyndir sem gefa
áhorfandanum innsýn í líf ólíkra listamanna.
Þær heimildarmyndir sem verða sýndar á hátíðinni nefnast Jiro
Dreams of Sushi, Wonder Women: The Untold Story of American
Superheroines, Marina Abramovich: The Artist Is Present, Woody
Allen: A Documentary og Searching for Sugar Man. Þrjár síðast-
nefndu myndirnar voru sýndar á kvikmyndahátíðinni Riff í október
og komust þá færri að en vildu. Hver mynd verður sýnd nokkrum
sinnum á meðan á Bíó:Dox stendur og hægt er að nálgast upplýsingar
um sýningartíma á vefsíðu Bíó Paradís.
Heimildarmyndum
hampað í Paradís
HEIMILDAHÁTÍÐ Bíó:Dox-heimildarmyndahátíðin hefst í Bíó Paradís annað kvöld.
Searching for Sugar Man verður meðal annars sýnd á hátíðinni.
★★★★ ★
SKYFALL
Þrælspennandi og skemmtileg frá
upphafi til enda. Ég bið ekki um
mikið meira.
★★★★ ★
SUNDIÐ
Heiðarleg, grípandi og að mestu vel
gerð heimildarmynd um áhugavert
og vel til fundið viðfangsefni.
★★★★ ★
HREINT HJARTA
Afslöppuð mynd um forvitnilegan
mann.
★★★★ ★
PURGE
Ekki fyrir alla, en eftirminnileg og
gríðarlega vel leikin.
fenginn til að stýra björgunar-
aðgerðinni. Mendez hafði áður
starfað sem teiknari og hönn-
uður hjá fyrirtækinu Martin
Marietta en hjá CIA fékkst hann
oftast við skjalafals og búninga-
hönnun. Affleck lætur sér ekki
nægja að fara með aðalhlutverk
myndarinnar heldur leikstýrir
henni einnig. Hann tók myndina
upp á venjulega filmu og stækk-
aði síðan hvern ramma til að ná
þeirri myndupplausn sem sjá
mátti í kvikmyndafilmum frá átt-
unda áratugnum. Affleck fram-
leiðir jafnframt myndina ásamt
leikurunum Grant Heslov og
George Clooney.
Með önnur hlutverk í myndinni
fara Bryan Cranston, sem er þekkt-
astur fyrir hlutverk sitt úr sjón-
varpsþáttunum Breaking Bad, John
Goodman, Alan Arkin, Tate Donov-
an, Victor Garber og Clea Duvall.
Myndin hefur fengið glimrandi
góða dóma víðast hvar og á vefsíð-
unni Rottentomatoes.com fær hún
95 prósent í einkunn. Gagnrýnend-
ur segja myndina vera í hópi bestu
kvikmynda ársins og telja nokkuð
víst að hún muni keppa til Óskars-
verðlaunanna í byrjun næsta árs.
■ Kvikmyndin sem CIA sagðist vera að framleiða í Íran árið 1979 bar titilinn
Lord of Light og var handritið byggt á skáldsögu Roger Zelazny.
■ Affleck vildi fá Brad Pitt í hlutverk Tony Mendez en þar sem Pitt var upp-
tekinn í öðrum verkefnum tók Affleck sjálfur að sér hlutverkið.
■ Myndin var sýnd á alþjóðlegu kvikmyndahátíðinni í Toronto og var þá
gagnrýnd fyrir það að hafa gert minna úr hlutverki kanadíska sendi-
herrans. Sá lék stórt hlutverk í því að vernda og aðstoða bandaríska
sendiráðsstarfsfólkið.
VILDI FÁ PITT Í AÐALHLUTVERKIÐ
Smart verslun fyrir konur
Sími 572 3400
Tom Hanks, Halle Berry, Hugh
Grant og Susan Sarandon eru
ágætis hópur til að vekja áhuga
á stórmyndinni Cloud Atlas, sem
er frumsýnd á morgun. Myndin
er byggð á metsölubók Davids
Mitchell og segir frá því hvernig
hegðun einstaklings getur haft
áhrif í fortíð, nútíð og framtíð.
Fylgst er með því hvernig einni sál
er breytt úr morðingja í hetju og
hvernig góðmennska getur hvatt
til byltingar. Myndin hefur hlotið
gríðarlega góðar viðtökur og þykir
einstaklega tilfinningaþrungin og
mögnuð.
Á morgun verður Disney-teikni-
myndin Wreck-it Ralph einnig
frumsýnd. Henni var afar vel tekið
vestanhafs og fór beint á toppinn
þar um helgina. Aðal persónur
myndarinnar eru mörgum kunn-
ar en um er að ræða heimsfræga
tölvuleikjakaraktera á borð við
Maríó, Pacman-draugana og
drekann Bowser. Aðal persónan
er þó Ralph sem er vondi kall-
inn í tölvuleiknum Fix-it Felix jr.
Honum er farið að leiðast hlut-
skipti sitt og dreymir um að verða
hetjan. Einn daginn ákveður hann
því að gera eitthvað í málinu og
setur þá allan tölvuleikjaheiminn á
annan endann. John C. Reilly, Jane
Lynch og Ed O‘Neill eru meðal
þeirra sem ljá persónum myndar-
innar rödd sína.
- trs
KVIKMYNDARÝNI
Helgin full af stórmyndum
ALLT HEFUR ÁHRIF Tom Hanks og Halle Berry fara með aðalhlutverkin í stórmyndinni
Cloud Atlas sem segir frá því hvernig hegðun einstaklings getur haft áhrif í fortíð,
nútíð og framtíð.