Fréttablaðið - 15.11.2012, Blaðsíða 12

15. nóvember 2012 FIMMTUDAGUR12
MENNTAMÁL Félagsmenn í Félagi
framhaldsskólakennara (FF) kol-
felldu samkomulag ríkisins, FF og
Félags stjórnenda í framhaldsskól-
um í allsherjaratkvæðagreiðslu
sem lauk á mánudag. Tæplega 75
prósent félagsmanna neituðu sam-
komulaginu.
Um er að ræða viðbót við núgild-
andi kjarasamning framhaldsskóla-
kennara síðan í fyrra, sem gildir til
marsloka 2014. Viðbótin er liður í
innleiðingu nýrra framhaldsskóla-
laga sem voru samþykkt árið 2008.
Katrín Jakobsdóttir, mennta- og
menningarmálaráðherra, býst ekki
við því að niðurstaðan muni fresta
innleiðingu laganna, en áætlað er
að þau verði innleidd að fullu árið
2015.
„Auðvitað eru þetta ákveðin von-
brigði. Þetta var gluggi sem opnað-
ist í samningum sem gilda til árs-
ins 2014 og okkur gafst færi á að
endurskoða þá,“ segir Katrín. „Ég
vonaði að þetta gæti orðið liður í að
bæta kjör kennara sem eru sannar-
lega ekki nægilega góð á Íslandi.
En ég er ekki að sjá fyrir mér að
lögunum verði frestað frekar.“
Steinn Jóhannsson, skólameist-
ari Fjölbrautaskólans við Ármúla,
er ósammála menntamálaráðherra.
„Þetta mun án efa seinka inn-
leiðingu laganna,“ segir hann. „Það
eru vonbrigði að samkomulagið
náðist ekki, en það kemur mér ekki
á óvart miðað við umræðurnar síð-
ustu vikur.“ Í ljósi þess að samn-
ingurinn var felldur munu fram-
haldsskólakennarar ekki taka þátt
í vinnu við nýjar námskrár, sem er
einn liður í innleiðingu laganna.
„Þeirra stærsta vinna er að þróa
nýjar áfangalýsingar í samræmi
við ný lög. Við vonuðumst eftir því
að fjármagn myndi skila sér svo
kennarar fengju borgað, en því
miður vitum við ekkert hvað gerist
núna,“ segir hann. „Ég er spennt-
ur að heyra hvað ríkisvaldið mun
gera.“
Aðalheiður Steingrímsdóttir, for-
maður Félags framhaldsskólakenn-
ara, segir niðurstöðuna ekki koma
á óvart. Bullandi óánægja fram-
haldsskólakennara með laun og
kjaramál skýri að hluta til afstöðu
þeirra.
„Við vorum margsinnis búin að
ítreka að ef innihaldið yrði rýrt
yrðu viðtökurnar ekki góðar,“
segir hún. „Nú hafa kennarar talað
og þetta er niðurstaðan.“
Aðalheiður segir ríkisvaldið
þurfa að hafa frumkvæði að því að
boða til samningafunda á ný.
„Héðan í frá munum við undir-
búa harða kjarasamninga fyrir
árið 2014. Við munum koma þeim
skilaboðum til kennara að þeir taki
ekki að sér vinnu við að þróa nýjar
námsbrautir, nema það sé skýlaust
greitt samkvæmt ákvæðum.“
sunna@frettabladid.is
Við munum koma
þeim skilaboðum
til kennara að þeir
taki ekki að sér
vinnu við að þróa
nýjar námsbrautir,
nema það sé skýlaust greitt
samkvæmt ákvæðum.
AÐALHEIÐUR STEINGRÍMSDÓTTIR,
FORMAÐUR FÉLAGS
FRAMHALDSSKÓLAKENNARA
FRAKKLAND, AP Svikahrappur-
inn Thierry Tilly hlaut í fyrra-
dag átta ára fangelsisdóm fyrir
að hafa svikið
nærri 750 millj-
ónir króna út
úr auðugri fjöl-
skyldu í Frakk-
landi.
Hann taldi
Vedrines-fjöl-
skyldunni trú
um að samsæri
frímúrara væri
í gangi gegn henni og líf fjöl-
skyldunnar væri í hættu.
Árum saman læsti fjölskyldan
sig inni á sveitasetri sínu, seldi
eigur og afhenti svikahrappnum,
sem í heil níu ár komst upp með
svikamylluna. - gb
Dómsúrskurður í Frakklandi:
Svikari fær átta
ára fangelsisvist
THIERRY TILLY
GAMAN Í AFGANISTAN Stúlka rólar sér
í skemmtigarði í borginni Jalalabad í
Afganistan. FRÉTTABLAÐIÐ/AP
UMHVERFISMÁL Magnús Jóhann-
esson ráðuneytisstjóri verður
fyrsti framkvæmdastjóri fasta-
skrifstofu Norðurskautsráðsins.
Þetta var ákveðið á fundi emb-
ættismannanefndar Norður-
skautsráðsins í Svíþjóð í gær.
Magnús er ráðuneytisstjóri í
umhverfisráðuneytinu og hefur
gegnt því starfi í tuttugu ár.
Hann var áður siglingamála-
stjóri.
Magnús var valinn úr hópi 36
umsækjenda og hefur líklega
störf í Tromsö í Noregi í febrú-
ar næstkomandi. - þeb
Magnús til Norðurskautsráðs:
Viðurkenning á
störfum Íslands
VÍSINDI Ekkert bendir til þess að fyr-
irbæri utan úr geimi muni koma til
með að tortíma lífi á jörðinni fyrir
árslok og sögur um yfirvofandi
heimsendi 21. desember næstkom-
andi eiga ekki við rök að styðjast.
Þetta kemur fram á vef NASA,
geimferðastofnunar Bandaríkjanna,
en vísindamenn stofnunarinnar fóru
nýlega yfir ýmis álitamál sem upp
hafa komið síðustu misseri.
Ein sú lífseigasta er að reiki-
stjarna að nafni Nibiru muni rekast
á jörðina í desember og granda öllu
lífi, á sama tíma og fornu dagatali
Maya lýkur.
NASA bendir hins vegar á að árið
2003 hafi sömu spár verið á lofti en
þeim hafi svo verið breytt í ljósi
þess að heimurinn fórst ekki. Ekk-
ert fyrirbæri stefni nú á jörðina.
Þá steðji lífi á jörð engin hætta
af nokkurs konar uppröðun reiki-
stjarnanna í sólkerfinu eða umpól-
un segulsviðs jarðar, ef svo ólíklega
vildi til að það ætti sér stað innan
nokkurra þúsunda ára.
Þegar allt kemur til alls, segja
NASA-menn, eru fullyrðingar og
kenningar á floti í bókum, bíómynd-
um og á vefsíðum alfarið án raka.
Jarðarbúar geti því andað rólega. - þj
Vísindamenn NASA kveða niður bábiljur um yfirvofandi tortímingu jarðar:
Enginn heimsendir er í nánd
ÓHULT, Í BILI Vísindamenn NASA segja
engar vísbendingar um að líf á jörðu
muni tortímast fyrir árslok, jafnvel þótt
til lengri tíma sé litið. MYND/NASA
VINNUMARKAÐUR Atvinnuleysi í
október mældist 4,5 prósent sam-
kvæmt því sem fram kemur í
Vinnumarkaðsrannsókn Hagstofu
Íslands.
Atvinnuleysi í september var
fimm prósent, en í október í fyrra
mældist það sjö prósent.
Í tölum Hagstofu kemur fram
að í síðasta mánuði hafi að jafnaði
verið 178.500 manns á vinnumark-
aði. Af þeim voru 170.400 starfandi
og 8.100 án vinnu og í atvinnuleit.
Atvinnuþátttaka mældist 79,5% og
hlutfall starfandi 75,9%. - þj
Tölur Hagstofu Íslands:
Atvinnuleysi
4,5% í október
Nýtt kjarasamkomulag við
ríkið kolfellt af kennurum
Framhaldsskólakennarar kolfelldu samkomulag ríkisins og FF. Niðurstaðan vonbrigði, segir menntamála-
ráðherra. Skólameistari býst við frekari frestun á innleiðingu laga. Skýrist af bullandi óánægju með kjör.
Framhaldsskólakennarar um
nýju samningana:
„Reynið ekki aftur að bjóða okkur
annað eins.“
Gylfi Þorkelsson
„Það hlýtur að teljast til tíðinda
að heil starfsstétt skuli þurfa að
semja sérstaklega um að fá greitt
fyrir yfirvinnu.“
Guðríður Arnardóttir
„Kennarar verða að vera stað-
fastir, hafna samningstilboðinu
og láta ekki glepjast af hræðslu-
áróðri.“
Guðjón Ragnar Jónasson
Af netinu
NÝ LÖG SÖGÐ Í UPPNÁMI Skólameistari
Fjölbrautaskólans við Ármúla segir
niðurstöðuna seinka innleiðingu nýrra
laga um framhaldsskóla enn frekar.
FRÉTTABLAÐIÐ/VALLI
Niðurstöður
Nei Já Auðir
seðlar
1.639 á kjörskrá
Kjörsókn 66%
74%
22,3%
3,7%
www.volkswagen.is
Volkswagen Jetta Highline
Komdu og reynsluaktu Volkswagen Jetta
Fullkominn
fjölskyldubíll
Jetta Highline er ríkulega búinn staðalbúnaði
á hagstæðu verði. Má þar meðal annars
nefna 16” álfelgur, leðurklætt fjölrofa stýri,
nálgunarvara í stuðurum, ESP stöðugleika-
stýringu, þokuljós, hita í sætum, rafstýrða
upphitaða spegla og margt fleira.
Volkswagen Jetta Highline
kostar aðeins frá
3.850.000 kr.