Fréttablaðið - 15.11.2012, Blaðsíða 26

26 15. nóvember 2012 FIMMTUDAGUR
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is og Trausti Hafliðason trausti@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is DÆGURMÁL: Kjartan Guðmundsson kjartan@frettabladid.is FÓLK OG SÉRBLÖÐ: Elín Albertsdóttir elin@365.is og Vera Einarsdóttir vera@365.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
greinar@frettabladid.is
FRÁ DEGI TIL DAGS
HALLDÓR
Steinunn
Stefánsdóttir
steinunn@frettabladid.is
SKOÐUN
Ég hef spáð mikið í auglýsingu Stöðv-ar 2, þar sem Pétur Jóhann Sigfús-
son leikur „Tong Monitor“, mann sem á að
vera af asískum uppruna og talar framandi
íslensku með hreim.
Auglýsingin vakti athygli fólks og marg-
ir telja hana vera særandi í garð asísks
fólks á Íslandi en aðrir bara saklaust grín.
Sjálfum finnst mér auglýsingin (eða leikur
Péturs) ekki vera fyndin og hafa vond áhrif
á íslenskt þjóðfélag. Af hverju?
Í fyrsta lagi er framburður hins íslenska
tungumáls fólki af asískum uppruna mjög
erfiður. Hreimurinn stafar ekki af van-
rækslu við íslenskunámið heldur er fram-
burðurinn okkur einfaldlega erfiður. Við
erum, og nú tala ég ef til vill fyrst og
fremst fyrir sjálfan mig, ekki stolt af því
að tala íslensku með hreim. Starfs míns
vegna býðst mér oft að koma í útvarpsþætti
og tala en ég skammast mín alltaf hve
lélega íslensku ég tala.
Samt tala ég í útvarpi sé mér boðið það
vegna þess að það er hluti af starfi mínu.
Ég myndi þó verða dapur ef einhver gerði
grín að framburðinum mínum. Grín líkt og
með „Tong Monitor“ er því ógn fyrir fólk
sem talar og verður, t.d. starfs síns vegna
eða bara almennra samskipta, að tala
íslensku með hreim.
Í öðru lagi, þá eru í áhorfendahópi Stöðv-
ar 2 börn og unglingar. Hvað hugsa þau
þegar auglýsingin er sýnd? Skilaboðin frá
hinum íslenska fjölmiðli eru skýr: „Ah, við
megum gera grín að innflytjendum með
því að herma eftir íslenskunni þeirra.“
Þetta er vondur boðskapur.
Ég tel að í þjóðfélaginu séu einhver sið-
ferðisleg viðmið. Varðandi grín í fjölmiðl-
um þá vil ég segja þetta: Gerið grín að
þeim sem geta svarað fyrir sig. Að gera
grín að fólki sem getur ekki svarað fyrir
sig er í mínum huga það sama og einelti.
Hvernig getur sérhver manneskja af asísk-
um uppruna svarað fyrir „hið opinbera
grín“ Stöðvar 2?
Ég er undrandi á að Stöð 2 skuli ekki
hafa séð fyrir hvaða áhrif auglýsingin
myndi hafa. Ég óska þess að fjölmiðlafólk
læri af þessari reynslu.
Grín eða einelti?
Samfélags-
mál
Toshiki Toma
prestur
innflytjenda
Að gera grín að fólki
sem getur ekki svarað
fyrir sig er í mínum huga það
sama og einelti.
Talað gegn eigin skoðun
Vigdís Hauksdóttir, þingmaður
Framsóknarflokksins, hefur tjáð sig
töluvert um það undanfarið að henni
finnist forgangsröðun á Alþingi út
í hött. Ríkisstjórnarflokkarnir setji
smotterí eins og stjórnarskrá á odd-
inn á meðan önnur brýnni mál
fyrir heimilin í landinu sitji á
hakanum. Vigdís er þó ekki
með málefni heimilanna í
huga í fyrirspurnum sínum.
Þær lúta nefilega, líkt og
svo margar frá henni, að
Evrópusambandinu.
Segi málaskrá eitt-
hvað um forgang
þingmanna, er ESB aðalforgangsmál
Vigdísar, ekki málefni heimilanna.
Ítarlegar spurningar
Vigdís spyr einnig, ásamt Ásmundi
Einari Daðasyni, um námskeið um
samband Íslands og Evrópu. Sú
spurning er í sjö liðum og það
ansi hreint ítarlegum. Þar
er til dæmis spurt hvort
tiltekið námskeið hjá
Endurmenntun HÍ sé
„niðurgreitt af Evrópu-
stofu og/eða ESB um
rúmlega 80%?“ Hér
spyr fólk sem
veit svarið.
Fjórða áfallið
Helgi Hjörvar, þingmaður Sam-
fylkingarinnar, talaði um slæma
stöðu lántakenda á þingi í gær. Fólk
sem keypti eignir á síðustu árum fyrir
hrun hafi orðið fyrir þremur áföllum;
fasteignaverð hrapaði, verðtryggð lán
fóru upp úr öllu valdi og kaup-
máttur fór niður. Jón Gunn-
arsson, þingmaður Sjálfstæðis-
flokksins, var snöggur að bæta
fjórða áfallinu við: Hinni tæru
vinstri stjórn. Ástandið væri
henni mest að kenna.
kolbeinn@frettabladid.is
Slagur við Dróma
Af hverju fáum við fyrrum viðskiptavinir Spron og Frjálsa
fjárfestingabankans ekki banka eins og aðrir Íslendingar??
Nú er tækifærið, stöndum saman.
„Þrotabú er ekki staður
fyrir eðlilega bankastarfsemi“

Samstöðufundur í dag fimmtudaginn
15. nóvember kl. 17:00 að Reykjavíkurvegi 64,
(2.hæð) Hafnarfirði.
Fundarstjóri:
Ólafur Ísleifsson
Facebook : slagur við dróma
slagurviddroma@gmail.com
A
llir stundi nám og vinnu við sitt hæfi, er heiti skýrslu
með tillögum um samþættingu menntunar og atvinnu
sem kynnt var nú í vikunni. Skýrslan er unnin af starfs-
hópi sem skipaður var af forsætisráðuneytinu og titillinn
vísar til skilaboða stjórnarskrárinnar um rétt borgar-
anna til menntunar og fræðslu.
Meðal tillagna starfshópsins má nefna að námstími í grunn- og
framhaldsskóla verði styttur, áhersla verði lögð á einstaklingsmiðað
nám, að samfella milli skólastiga verði aukin og einnig ráðgjöf til
ungs fólks um menntun og atvinnu. Þá er lagt til að verk- og tækni-
námi verði gert hærra undir höfði á öllum skólastigum.
Allt eru þetta vel þekkt og meira og minna áður fram sett mark-
mið. Vilji stendur til að auka fjöl-
breytni í grunnmenntun og að
skólakerfið mæti betur þörfum
atvinnulífsins til skemmri og
lengri tíma litið.
Engu að síður er staðan sú að
þorri nemenda í framhaldsskólum
stundar nám á bóknámsbrautum
þrátt fyrir að rannsóknir sýni að
áhugi þeirra stendur ekki síður til
verknáms og brottfall úr framhaldsskólanámi er óvíða meira en
hér á landi. Ekki er fráleitt að tengja þetta tvennt saman, þ.e. að
of margir nemendur stundi nám sem höfðar ekki nægilega vel til
þeirra og flosni af þeim sökum upp frá námi.
Ástæður þess að ekki hefur tekist sem skyldi að byggja upp verk-
og tækninám í nægilega miklum mæli eru margar og flóknar. Verk-
legt nám er til dæmis mun dýrara en bóknám, bæði í stofnkostnaði
og rekstri.
En það er ekki bara skortur á framboði sem stendur í vegi fyrir
því að ungt fólk mennti sig meira á verklega sviðinu. Ekki hefur
tekist að skapa verklegu námi sama sess og bóklegu þannig að ung-
mennunum sjálfum og ekki síður foreldrum þeirra virðist mörgum
ekki þykja annað fullnægjandi en bóklegt stúdentspróf. Þetta er
hugarfarsleg hindrun sem miklu skiptir að hreyfa við.
Meðan ekki tekst að gera verk- og tæknigreinar eftirsóknarverðar
mun ekki takast að laða fleiri til náms í þeim greinum, sama hversu
mikið námsframboðið er.
Það er mikilvægt fyrir atvinnulífið í landinu að hægt sé að sækja
menntun sem nýtist því sem best. Það er þó ekki síður mikilvægt
fyrir hvert og eitt ungmenni að eiga þess kost að stunda nám sem
getur veitt aðgang að góðum og gefandi störfum í framtíðinni.
Margt hefur breyst frá því að fólk menntaði sig til ákveðins starfa
sem það lagði svo stund á starfsævina á enda, jafnvel á sama vinnu-
staðnum. Í nútímasamfélagi er algengara að fólk færi sig ekki bara
milli vinnustaða heldur einnig starfsgreina.
Ungt fólk þarf þannig að eiga þess kost að leggja grunn að fjöl-
breyttri starfsævi í grunnnámi sínu. Því hlutverki sinnir skólakerfið
að mörgu leyti vel. Með meiri fjölbreytni í námsframboði og meiri
sveigjanleika myndi það þó uppfylla betur stjórnarskrárákvæðið
um að öllum sé tryggður í lögum réttur til almennrar menntunar
og fræðslu við sitt hæfi.
Menntun og fræðsla við hæfi:
Meiri breidd og
meiri sveigjanleiki