Fréttablaðið - 15.11.2012, Page 60

15. nóvember 2012 FIMMTUDAGUR44 44
menntun@frettabladid.is
Samfélagið snýst
um að kynin vinni
saman og skólinn þarf að
endurspegla það. Ég vil ekki
bara að börnin mín kunni
að lesa og reikna, þau eiga
líka að læra að verða góðir
borgarar.
Breski skólastjórinn John Morris
hefur í nokkur ár miðlað af reynslu
sinni til reykvískra kennara. Morris
sem hefur náð góðum árangri í
kennslu drengja segir ekki vænlegt
að skilja kynin að í skólum, strákar og
stelpur þurfi að læra að vinna saman í
skólum eins og í samfélaginu.
Upphaf samstarfs Johns Morris, skólastjóra
barnaskólans Ardleigh Green Junior í Essex
á Bretlandi, við íslenska skóla hófst þegar
kennarar í Vesturbæjarskóla sóttu skóla
hans heim til þess að kynna sér aðferðir sem
þróaðar höfðu verið í skólanum til að bæta
námsárangur drengja. Í Ardleigh Green hafði
náðst góður árangur í því að minnka mun á
milli drengja og stúlkna í námi.
„Við höfum reyndar einblínt á bæði kynin
og um leið og við höfum náð árangri með
drengi hafa stúlkurnar líka bætt sig,“ segir
Morris. „Það henta ekki endilega sömu
aðferðir strákum og stelpum og það er mik-
ilvægt að gera sér grein fyrir því. Stund-
um þarf að brjóta niður lærdómsferlið til
þess að ná betur til strákanna, gefa þeim
tíma til að fanga hugtökin og þekkinguna,
fagna lærdómsferlinu og einblína ekki bara
á árangurinn. Strákar þurfa hvatningu
rétt eins og stelpur.“ Þrátt fyrir að strákar
og stelpur séu ólík og þurfi stundum ólíka
nálgun á námsefni segir Morris að sitt mat
sé að ekki sé vænlegt að skilja kynin að í
námi: „Samfélagið snýst um að kynin vinni
saman og skólinn þarf að endurspegla það.
Ég vil ekki bara að börnin mín kunni að lesa
og reikna, þau eiga líka að læra að verða
góðir borgarar og lifa í samfélagi þar sem
bæði kynin vinna saman,“ segir Morris og
bætir við að miklu máli skipti að krakkar
læri að læra.
„Meginþáttur lærdómsstefnunnar í
mínum skóla er að leggja áherslu á grunn-
þættina, ensku og stærðfræði. Við viljum að
börn séu skapandi og fái að njóta sín, en til
þess að þau geri það þurfa þau að ná góðum
tökum á þessum grunnþáttum. Og hér er mik-
ilvægt að færa þeim hæfileikana til að læra.
Við viljum að börnin okkar verði þrautseig,
ábyrg, útsjónarsöm, hugsandi og tilbúin til
að læra. Með því að flétta þessu öllu saman
þá ná börn að blómstra. Ég tala gjarnan um
að börn þurfi bæði rætur og vængi, þau þurfi
traustan grunn til þess að geta flogið.“
Morris hefur miðlað sinni reynslu og
þekkingu sem skólamaður til íslenskra
kennara í nokkur ár. „Um 200 kennarar í
reykvískum skólum hafa heimsótt okkur í
Ardleigh Green og fjórtán skólastjórar. Við
ræðum þá við kennarana um hina bresku
nálgun á menntun og um leið fáum við tæki-
færi til að kynnast því sem hér er gert vel,
og ég verð að segja að ég er fullur aðdáunar
á skólastarfi hér á landi. Þrátt fyrir niður-
skurð er geysilega mikill metnaður og það
er einkar gaman að sækja íslenska skóla
heim.“
Morris segist geta lært margt hér á landi
um leið og hann miðlar sinni reynslu til
BÖRN ÞURFA RÆTUR OG VÆNGI
John Morris var valinn skólastjóri ársins í London og
Austur-Englandi á þessu ári. Hann segir heiðurinn hafa
verið mikinn og óvæntan. „Ég var tilnefndur af fyrr-
verandi nemanda en kerfið hjá okkur er þannig að allir
geta tilnefnt til verðlaunanna og svo er dómnefnd sem
fer yfir tilnefningarnar.“ Morris er skólastjóri í skólanum
Ardleigh Green Junior sem er fyrir börn á aldrinum sjö
til ellefu ára. Skólinn, sem er í Essex, hefur náð afburða
árangri eins og fram kemur í opinberu mati Ofsted. Hann
er í hefðbundnu millistéttarhverfi en fjölmargir nem-
endur utan hverfis sækja líka í skólann, ekki síst þeir sem
þarfnast sérstaks stuðnings.
SKÓLASTJÓRI ÁRSINS
íslenskra kennara. „Útikennslan hér þykir
mér til að mynda til fyrirmyndar og kennsla
skapandi greina er mjög langt komin, þar
eruð þið framar okkur. Hins vegar má segja
að við séum komin lengra með kennslu
grunngreinanna, stærðfræði og móður-
máls.“
Morris segir athyglisvert fyrir hann að
sækja íslenska skóla heim. „Byggingarnar
hér eru margar svo nýjar og flottar. Það er
líka gaman fyrir mig að upplifa hið óform-
lega andrúmsloft sem hér ræður ríkjum, hér
er enginn í skólabúningum og fornöfnin eru
notuð í samskiptum. Skólinn sem ég stýri
er enn í sömu byggingu og hann var í þegar
hann var reistur árið 1945. Við hins vegar
stöndum mun betur í tækjakosti en íslensk-
ir skólar. Og ég tel það mjög mikilvægt að
skólar séu vel búnir tölvum. Við erum að
mennta börn fyrir störf sem við þekkjum
ekki enn, og því er það mikil áskorun að
dragast ekki aftur úr í tæknimálum þannig
að börnin okkar geti tekist á við framtíð-
ina.“ sigridur@frettabladid.is
Í GÓÐRA KRAKKA HÓPI John Morris sótti meðal annars Sæmundarskóla í Grafarholti heim í heimsókn sinni til
Reykjavíkur á dögunum. FRÉTTABLAÐIÐ/GVA
Mímir, félag stúdenta í íslenskum
fræðum, stendur fyrir hátíðar-
dagskrá í tilefni af degi íslenskr-
ar tungu þann 16. nóvember
næstkomandi.
Málþingið verður haldið í
Árnagarði við Suðurgötu, í stofu
301 og hefst kl. 17. Dagskráin
inniheldur fjölbreytt fræðileg
erindi, fjallað verður um mál-
vernd innan fjölmiðla frá degi
til dags, nýyrðasmíð, tökusagnir,
íslenska tungu á stafrænni öld og
málnotkun í dægurlagatextum.
Einar Kárason og Dagur Hjart-
arson munu lesa upp úr verkum
sínum auk þess sem Svavar Knút-
ur tekur lagið fyrir hátíðargesti.
Boðið verður upp á léttar veiting-
ar og eru allir velkomnir.
Hátíðardag-
skrá Mímis
UPPLESTUR Einar Kárason skemmtir
gestum í Árnagarði á föstudag.
FRÉTTABLAÐIÐ/VILHELM
Barnabókasetur, rannsóknar-
setur um barnabókmenntir og
lestur barna, ásamt menningar-
húsinu Hofi bjóða upp á yndis-
lestur – lokkandi lestur barna-
bóka fyrir börn á öllum aldri í
Hofi laugardaginn 17. nóvember
kl. 13-16. Barnabókahöfundarn-
ir Kristín Helga Gunnarsdóttir,
Brynhildur Þórarinsdóttir, Þor-
grímur Þráinsson og Kristjana
Friðbjörnsdóttir lesa upp úr nýút-
komnum bókum sínum og rifja
upp bernskulestur sinn.
Freyvangsleikhúsið býður
upp á atriði úr leikritinu Skila-
boðaskjóðunni. Leikarar munu
skemmta og syngja með börnum
og fullorðnum í notalegri kaffi-
húsastemningu sem ríkja mun
í Hömrum í Hofi. Áhugasamir
gestir geta skoðað sýninguna
Yndislestur æsku minnar sem
var fyrsta verkefni Barnabóka-
setursins.
Yndislestur á
Akureyri
Ert þú fjárfestir framtíðarinnar?
Taktu þátt í spennandi Ávöxtunarleik Keldunnar
Keldan vill stuðla að bættu fjármálalæsi þjóðarinnar
og stendur fyrir keppni í ávöxtun sem er opin öllum
landsmönnum, 15 ára og eldri, og þátttakendum að
kostnaðarlausu. Skráning fer fram í gegnum visir.is
og fær hver þátttakandi 10 milljónir Keldukróna til
þess að fjárfesta í mismunandi flokkum.
Vegleg verðlaun
Þeir sem skila bestu ávöxtuninni þegar keppnin
verður gerð upp næsta vor eiga kost á veglegum
verðlaunum. Meðal vinninga er flug fyrir 2 til New
York með Icelandair og 200 þúsund kr. inneign
í sjóði VÍB.
Skráðu þig inn á visir.is
ÍS
L
E
N
S
K
A
/S
IA
.I
S
/K
E
L
6
15
43
1
0/
12
NÁMSKEIÐ Í KVEÐSKAP OG SÖNG verður haldið í gömlu kirkjunni á
Blönduósi 17. nóvember. Kennari er Bára Grímsdóttir og mun hún kenna þátttakendum
að kveða og syngja kvæða- og tvísöngslög sem tengjast Húnavatnssýslum.