Fréttablaðið - 15.11.2012, Blaðsíða 18
15. nóvember 2012 FIMMTUDAGUR18
Á KJÖRSKRÁ
UM 3.000
ÞAR AF NÝIR:
FLOKKSMENN 100
STUÐNINGSMENN 700
SAMTALS 800
FYLGI 2009 28%
3 ÞINGMENN
FRÉTTASKÝRING: Prófkjör Samfylkingarinnar
Suðurkjördæmi
Rekstrar
- vinna með þér
vörur
Arna Ír Gunnarsdóttir .................. 3. sæti
Árni Rúnar Þorvaldsson ............. 2. til 4.
Bergvin Oddsson ......................... 3.
Björgvin G. Sigurðsson ............... 1.
Bryndís Sigurðardóttir ................. 1. til 4
Guðrún Erlingsdóttir .................... 2. til 3.
Hannes Friðriksson ...................... 3.
Kristín Erna Arnarsdóttir ............. 3. til 4.
Oddný G. Harðardóttir ............... 1.
Ólafur Þór Ólafsson ..................... 2. til 3.
Soffía Sigurðardóttir ..................... 3.
Valið verður á lista Sam-
fylkingarinnar um helgina
í Suðurkjördæmi og báðum
Reykjavíkurkjördæmun-
um. Hart verður tekist á
um oddvitasætin í öllum
kjördæmum. Misskiln-
ings virðist gæta varðandi
kynjareglur í Reykjavíkur-
kjördæmunum.
Flokksval Samfylkingarinnar fer
fram í Reykjavík og Suðurkjör-
dæmi um helgina. Í Reykjavík
geta aðeins þeir tekið þátt sem
eru skráðir flokksmenn, en í Suð-
urkjördæmi er nóg að skrá sig á
stuðningsmannalista.
Ljóst er að hörð barátta er um
oddvitasæti á listunum þremur.
Oddný G. Harðardóttir og Björg-
vin G. Sigurðsson takast á um
efsta sætið í Suðurkjördæmi. Í
Reykjavík stendur baráttan á milli
Össurar Skarphéðinssonar, sem
gefur kost á sér í 1. sæti, Sigríðar
Ingibjargar Ingadóttur og Valgerð-
ar Bjarnadóttur, sem gefa kost á
sér í 1. til 2. sæti, og Helga Hjörv-
ar, sem gefur kost á sér í 2. sætið.
Misskilningur um kynjakvóta
Flokksvalið í Reykjavík er sam-
eiginlegt fyrir bæði kjördæmin.
Á fundi fulltrúaráðsins 15. októ-
ber var samþykkt að niðurstaða
flokksvalsins yrði bindandi fyrir
átta efstu sætin, það er fjögur í
hvoru kjördæmi fyrir sig. Fléttu-
listum verður beitt og samþykkt
var að það þýddi að kona leiddi í
öðru kjördæminu en karl í hinu.
Á fundinum komu þau sjónarmið
strax fram að það færi gegn lögum
flokksins að beita fléttulistum á
milli kjördæma. Tillaga um að leit-
að yrði ráðgefandi álits úrskurðar-
nefndar um hvort aðferðin væri
tæk var hins vegar felld naumlega.
Ákvörðuninni var hins vegar
skotið til úrskurðarnefndarinn-
ar, sem komst að því að aðferðin
stangaðist á við lög flokksins.
Þau skilaboð hafa hins vegar
ekki farið hátt. Á heimasíðu
flokksins er frétt frá 15. október
þar sem aðferðin um fléttulista er
útskýrð „þannig að fyrir liggur að
kona leiði í öðru kjördæminu og
karl í hinu,“ eins og segir í frétt-
inni.
Hvergi er að finna staf um álit
úrskurðarnefndarinnar, en í ann-
arri frétt frá 5. nóvember er orða-
laust búið að fella þennan hluta út.
Fréttablaðið hefur heimildir
fyrir því að fjölmargt Samfylk-
ingarfólk telji að reglur kveði
á um konu og karl sem oddvita
hvort í sínu kjördæminu. Jafn-
vel hafi stuðningsmenn fram-
bjóðenda vísað til þess í úthring-
ingum. Svo er hins vegar ekki og
getur sú staða komið upp að tveir
karlar eða tvær konur leiði hvort
sinn listann.
Nýr oddviti í Reykjavík
Líkt og áður segir gefur Jóhanna
Sigurðardóttir ekki kost á sér
á ný. Nýr oddviti verður því í að
minnsta kosti öðru kjördæminu, ef
ekki báðum, allt eftir því hvernig
Össuri gengur.
Sigríður Ingibjörg og Helgi
Hjörvar hafa verið nefnd til sög-
unnar sem mögulegir formanns-
frambjóðendur í janúar. Ljóst er
að útkoman úr prófkjörinu mun
ráða miklu um hvort þau gefi kost
á sér. Helgi býður sig beint fram í
2. sætið og ef hann nær því leiðir
hann annan listann. Sigríður gefur
hins vegar kost á sér í 1. til 2. sæti.
Það gæti reynst tvíbent. Fái hún
mikinn fjölda atkvæða í 1. sæti, en
ekki nóg til að fella Össur, er sá
möguleiki fyrir hendi að hún detti
niður fyrir Helga, fái hann mikinn
fjölda í það sæti sem hann sækist
eftir. Hér er mikið af ef-um, en út
á það ganga fyrir fram pælingar
um pólitík.
Valgerður Bjarnadóttir býður
sig einnig fram í 1. til 2. sætið og
það sem hér var rakið varðandi
Sigríði Ingibjörgu gildir einnig um
hana. Valgerður hefur ekki verið
orðuð við formannsframboð.
Heimildir Fréttablaðsins herma
að Össur muni vera nokkuð örugg-
ur um fyrsta sætið, þó vissulega
geti alltaf brugðið til beggja vona.
Slagurinn um hitt sætið standi á
milli Helga og Sigríðar.
Þrettán í framboði
Auk þeirra fjögurra sem þegar
hafa verið nefnd gefa níu aðrir
kost á sér. Það berjast því 13
manns um þau átta sæti sem eru
í boði.
Ásta Ragnheiður Jóhannesdóttir
mun einnig draga sig í hlé í vor, en
hún skipaði 4. sæti listans síðast.
Þingmennirnir Skúli Helgason og
Mörður Árnason gefa kost á sér á
ný; Skúli í 2. til 3. sæti og Mörður
í 3. sætið. Þar sem um sameigin-
legt prófkjör er að ræða þýðir það
að Skúli býður sig fram í 1. til 2. og
Mörður í 2. sæti.
Björk Vilhelmsdóttir borgar-
fulltrúi gefur kost á sér í 2. til 4.
sæti, sem og Anna Margrét Guð-
jónsdóttir varaþingmaður. Þá
gefur Teitur Atlason kost á sér í
4. til 5. sæti, sem og Arnar Guð-
mundsson, fyrrum aðstoðarmaður
ráðherra.
Svæðin takast á
Tvö gefa kost á sér í fyrsta sæti í
Suðurkjördæmi, þau Björgvin G.
Sigurðsson og Oddný G. Harðar-
dóttir. Björgvin skipaði fyrsta sæti
við síðustu Alþingiskosningar og
Oddný var í öðru sæti. Síðan hefur
mikið vatn runnið til sjávar.
Björgvin var viðskiptaráðherra
2007 til 2009, en sagði af sér í kjöl-
far hrunsins. Hann þótti fá upp-
reisn æru þegar hann vann fyrsta
sætið síðast og er nú formaður
allsherjar- og menntamálanefnd-
ar. Hann var formaður þingflokks-
ins 2009 til 2010, en dró sig þá í hlé
frá þingstörfum á meðan Alþingi
fjallaði um rannsóknarskýrsluna
og mögulegar kærur í framhaldi
af því.
Oddný tók við þingflokksfor-
mennsku af Björgvin og var skip-
aður fjármálaráðherra þegar
Katrín Júlíusdóttir fór í barns-
burðarleyfi. Hún varð þingflokks-
formaður á ný þegar Katrín sneri
aftur og gegnir þeirri stöðu nú.
Oddný er af Suðurnesjum og
nýtur mikils stuðnings þar. Björg-
vin er hins vegar úr uppsveitum
Árnessýslu. Svæðin takast því á
um oddvitann og úrslitin munu
ráðast á því hve vel hvoru gengur
að sækja fylgi á svæði annars.
Róbert Marshall skipaði þriðja
sæti listans síðast, en er nú geng-
inn úr flokknum. Fjölmargir gefa
kost á sér í sæti þrjú og niður úr,
en alls eru ellefu í framboði.
Kjörsókn og kynjamál
Pólitískir spekúlantar hafa gaman
af því að reyna að sjá hegðan kjós-
enda fyrir. Líklega er raunin þó sú
að kjósendur kjósi minna strateg-
ískt en margur heldur, velji frekar
einfaldlega þann eða þá sem við-
komandi líst best á.
Margir heimildarmenn Frétta-
blaðsins nefna kynjamálin þó sem
breytu sem gæti haft áhrif í for-
valinu. Tveir karlar höfðu sigur
í Suðvestur- og Norðausturkjör-
dæmi og líklegt verður að teljast
að karl verði í efsta sætinu í Norð-
vesturkjördæmi. Það gæti haft
áhrif á kjósendur; að tryggja konu
efsta sætið í einhverjum hinna
kjördæmanna.
Þá verður athyglisvert að sjá
hve margir munu taka þátt. Nokk-
uð hefur verið um nýskráningar,
en þátttaka hefur ekki verið góð í
þeim prófkjörum sem þegar hafa
farið fram. Það er raunar ekki
bundið við Samfylkinguna.
Sú skoðun hefur verið viðruð að
kjósendum finnist þeir lítil áhrif
hafa á stefnu sinna flokka, ekki
síst þegar þeir sitja við stjórnvöl-
inn. Því sé viljinn til að hópast á
kjörstað þegar vantar stuðning í
prófkjöri minni en ella.
gefa kost á sér
í þau átta sæti
sem eru í boði í
Reykjavík.
13
Á KJÖRSKRÁ
UM 7.000
ÞAR AF NÝIR:
FLOKKSMENN 800*
FYLGI 2009
REYKJAVÍK NORÐUR
32,9%
4 ÞINGMENN
REYKJAVÍK SUÐUR
32,9%
4 ÞINGMENN
Reykjavík
*Rúmlega
Harður slagur um
þrjú oddvitasæti
SIGRI FAGNAÐ Það ríkti fögnuður á kosningavöku Samfylkingarinnar eftir síðustu
Alþingiskosningar. Flokkurinn bætti við sig þremur prósentustigum og tveimur þing-
mönnum. Jóhanna skilur eftir sig skarð sem margir vilja fylla. FRÉTTABLAÐIÐ/ARNÞÓR
Anna Margrét Guðjónsdóttir ...... 3. til 4. sæti
Arnar Guðmundsson ................... 4. til 5.
Björk Vilhelmsdóttir....................... 3 til 4.
Freyja Steingrímsdóttir ................. 7. til 8.
Helgi Hjörvar ................................... 2.
Hrafnhildur Ragnarsdóttir ........... 5.
Mörður Árnason ............................. 3.
Ósk Vilhjámsdóttir ......................... 6.
Sigríður Ingibjörg Ingadóttir ........ 1. til 2.
Skúli Helgason ............................... 2. til 3.
Teitur Atlason .................................. 4. til 5.
Valgerður Bjarnadóttir .................. 1. til 2.
Össur Skarphéðinsson ................. 1.
Kolbeinn
Óttarsson Proppé
kolbeinn@frettabladid.is