Fréttablaðið - 27.11.2012, Blaðsíða 8

27. nóvember 2012 ÞRIÐJUDAGUR| FRÉTTIR | 8
www.heilsuhusid.is
Lærðu að fyrirbyggja meltingartruflanir, verki og þyngsli í maga, brjóstsviða,
bjúg, þreytu, þyngdaraukningu og aðrar algengar afleiðingar stórhátíða.
Á þessu námskeiði er farið á einfaldan hátt yfir:
• Hvað hjálpar til að efla og auðvelda meltinguna
• Hvaða bætiefni er hægt að nota til að hjálpa meltingunni
• Hvernig er hægt að útbúa auðmeltanlegra og hollara jólasælgæti
• Hvernig er hægt að útbúa og baka hollari jólakökur
Stutt og hnitmiðað námskeið með INGU KRITJÁNSDÓTTUR næringarþerapista.
Staður og stund: Heilsuhúsið Lágmúla 5, kl. 18.30 til 20.00.
Bæklingur með meltingarvænum ráðleggingum og uppskriftum
innifalinn. Verð aðeins 2.900 kr.
Skráning og nánari
upplýsingar: inga@inga.is
og í síma 899 50 20
Námskeið fyrir alla sem vilja láta sér líða vel yfir jólin.
ASKJA · Krókhálsi 11 · 110 Reykjavík · Sími 590 2100 · askja.is
Viðurkenndur sölu- og þjónustuaðili KIA á Íslandi.
www.kia.isÞú finnur „Kia Motors Ísland“
á Facebook
1
2
3
LANDIÐ
Færri fæðingar
1Fæðingum á ljósmæðra-vakt Heilbrigðisstofnunar
Suðurnesja fækkaði á fyrstu
tíu mánuðum ársins miðað
við sama tímabil í fyrra. Frá
þessu segir á vef Víkurfrétta.
Alls hafa fæðst 95 börn það
sem af er ári en í fyrra fædd-
ust 115 börn frá janúar til og
með október. Þá fækkaði einn-
ig fjölda dvalar- og legudaga
á deildinni, sem og viðtölum
á mæðravernd, sem fækkaði
um fjórðung. Rúmanýting á
stofnuninni hefur batnað um
rúm 30% milli ára.
Fá inni í EDEN
2 Borgarfirði eystri hefur verið boðin aðild að evrópska EDEN-
verkefninu, þar sem lítt þekktir
áfangastaðir víða um Evrópu eru
kynntir um álfuna. Frá þessu segir
á vef sveitarfélagsins. Með þessu
verkefni, sem er á vegum Evrópusam-
bandsins, er vakin athygli á „gæðum,
fjölbreytileika og sameiginlegum
einkennum evrópskra áfangastaða“
en áhersla er lögð á ferðaþjónustu í
anda sjálfbærni. Borgarfjörður eystri
hefur síðustu ára unnið mikið að upp-
byggingu ferðamannaiðnaðar, meðal
annars með gerð og markaðssetningu
gönguleiða.
Kvíða Baldursleysi
3 Notkun Breiðafjarðarferjunnar Baldurs í siglingar milli Vestmannaeyja og Landeyjahafnar á meðan Herjólfur er
í slipp kemur á versta tíma fyrir íbúa á sunnanverðum Vest-
fjörðum. Þetta segir Ásthildur Sturludóttir, bæjarstjóri
Vesturbyggðar, í samtali við bb.is. Engar siglingar
verða milli Stykkishólms og Brjánslækjar á meðan
Baldur er syðra, en skrúfur
Herjólfs löskuðust í innsigl-
ingunni í Landeyjahöfn
um helgina. Ásthildur
segir við bb.is að hún
óttist að Herjólfur
verði mun lengur frá
en þá tíu daga sem
Vegagerðin gerir ráð
fyrir.
SPÁNN, AP Flokkar aðskilnaðarsinna
í héraðsþingi Katalóníu fengu góðan
meirihluta í kosningum á sunnudag.
Litlar líkur eru þó á að þessir flokk-
ar geti starfað saman, þar sem þeir
eru hvor af sínum enda hins póli-
tíska litrófs.
Hægri flokkur Arturs Mas, for-
seta héraðsins, fékk 50 þingsæti,
eða tólf sætum færra en síðast.
Flokkur vinstri lýðveldissinna hlaut
21 þingsæti, eða ellefu þingsætum
fleiri en síðast.
Samsteypustjórn hægri- og mið-
flokka hefur undanfarið staðið fyrir
harkalegum niðurskurði vegna
kreppunnar og þar með tapað fylgi
en vinstri lýðveldissinnar hafa
gagnrýnt allar þær aðgerðir og
fyrir vikið aflað sér meira fylgis en
nokkru sinni.
Katalónía, sjálfstjórnarhérað á
norðaustanverðum Spáni, hefur
orðið einna verst úti í efnahags-
þrengingunum síðustu misserin.
Atvinnuleysi í héraðinu er komið
upp í 25 prósent.
Ríkisstjórn Spánar fagnar niður-
stöðum kosninganna, enda hefur
hún verið andsnúin öllum áformum
um stofnun sjálfstæðs ríkis í Kata-
lóníu.
„Kjósendur vilja að stjórnvöld
einbeiti sér að því að takast á við
efnahagsvandann og skapa fleiri
störf,“ sagði Soraya Saenz de San-
tamaria, aðstoðarforsætisráðherra
Spánar.
Mas stjórnar eftir sem áður
stærsta flokki héraðsþingsins, en
þarf nú að fá aðra flokka til liðs við
nýja samsteypustjórn. Þar á hann
ekki aðra kosti en Lýðflokkinn, sem
er hægri-miðjuflokkur, og Sósíal-
istaflokkinn, sem er vinstri-miðju-
flokkur. Báðir þessir flokkar eru
algerlega andvígir öllum aðskilnað-
aráformum, þannig að Mas getur
nú gleymt þeim draumi sínum – að
minnsta kosti þetta kjörtímabil.
gudsteinn@frettabladid.is
Minni líkur
á aðskilnaði
Þrátt fyrir að aðskilnaðarsinnar hafi borið sigur úr
býtum í kosningum í Katalóníu skiptust atkvæðin á
milli flokka sem eiga erfitt með að starfa saman.
FÖGNUÐUR AÐSKILNAÐARSINNA Félagar í flokki vinstri lýðveldissinna fögnuðu
sigri á sunnudagskvöld. NORDICPHOTOS/AFP
© GRAPHIC NEWS
Kosningasigur aðskilnaðarsinna
flokkur Arturs Mas,
forseta Katalóníu
21
(10)
13
(10)
9
(3)
19
(18)
20
(28)
50
(62)
Sósíalista-
flokkurinn Lýðflokkurinn
Borgarar
Vinstri
lýðveldissinnar
Alþýðu-
samstaða
Bandalag græningja og
vinstri valkosts
135 þingsæti
Kosningaþátttaka: 70%
Flokkar
aðskilnaðarsinna
(Niðurstöður þingkosninga 2010 innan sviga)
Samstöðuflokkurinn,
Heimildir: Eleccions al Parlament de Cataluny
Kjósendur vilja að
stjórnvöld einbeiti sér að því
að takast á við efnahags-
vandann og skapa fleiri störf.
Soraya Saenz de Santamaria,
aðstoðarforsætisráðherra Spánar