Fréttablaðið - 27.11.2012, Blaðsíða 12

27. nóvember 2012 ÞRIÐJUDAGUR| FRÉTTIR VIÐSKIPTI | 12
VIÐSKIPTI MP banki hagnaðist um 372 millj-
ónir króna á fyrstu níu mánuðum þessa árs.
Hagnaður af rekstri bankans, fyrir tekju- og
bankaskatt, var 470 milljónir króna. Útlán MP
banka hafa þrefaldast frá miðju síðasta ári.
Þetta kemur fram í níu mánaða uppgjöri bank-
ans sem birt var í gær. Fréttablaðið greindi frá
því í síðustu viku að MP banki ætlaði að auka
hlutafé um tvo milljarða króna. Sú hluthafa-
aukning var samþykkt á hluthafafundi í gær-
morgun. Þriðji ársfjórðungur ársins 2012, sem
lauk í lok september, var sá besti hjá MP banka
frá því bankinn var endurstandsettur á nýjum
grunni í apríl 2011. Hagnaður bankans nam 253
milljónum króna á þeim fjórðungi.
Alls voru hreinar rekstrartekjur MP banka
um þrír milljarðar króna á fyrstu níu mánuðum
þessa árs. Þar af eru hreinar fjárfestingatekjur
bankans um 478 milljónir króna, eða töluvert
hærri en heildarhagnaður hans. Þær tekjur
er tilkomnar að mestu vegna tekna af skulda-
bréfum. Þá skiluðu hlutdeildarfélög bankans,
að mestu Teris og sjóðstýringarfyrirtækið
Gamma, 217,5 milljóna króna tekjum. Hreinar
vaxtatekjur bankans voru 1,3 milljarðar króna
og hreinar þóknanatekjur 983 milljónir króna.
Útlán MP banka til viðskiptavina sinna hafa
aukist úr 7,6 milljörðum króna í 23,6 milljarða
króna frá júnílokum 2011 til loka september
síðastliðins. Aukningin er að mestu tilkomin
vegna þess að fyrrum viðskiptavinir annarra
banka hafa fært sig yfir til MP banka sem
hefur samhliða endurfjármagnað lán þeirra. Þá
hefur tilkoma Lykils, sem er eignaleigu svið MP
banka, einnig aukið útlánin. Ekki fæst þó upp-
gefið hversu stór hlutdeild Lykils er í útlána-
aukningunni.
Eignir MP banka jukust um tæpan helming
á fyrstu níu mánuðum þessa árs og voru 73,2
milljarðar króna í lok september. Eigið fé bank-
ans var 5,4 milljarðar króna á sama tíma.
Tveggja milljarða króna hlutafjáraukning-
in sem samþykkt var í gærmorgun á að auka
útlánagetu MP banka úr tæpum 25 milljörðum
króna í um 50 milljarða króna. Í tilkynningu
vegna aukningarinnar er haft eftir Þorsteini
Pálssyni, stjórnarformanni MP banka, að hún
gefi bankanum fjárhagslega getu til að bjóða
nánast öllum fyrirtækjum landsins fjármögn-
un og taka stærri verkefni að sér en áður. Skúli
Mogensen, stærsti einstaki eigandi MP banka,
hefur þegar staðfest að hann ætli að taka þátt
í aukningunni og verja sína hlutfallslegu eign.
Samkvæmt upplýsingum Fréttablaðsins ætlar
Lífeyrissjóður verzlunarmanna, annar stærsti
eigandi bankans, að gera slíkt hið sama. Búist
er við því að til viðbótar verði horft að mestu
til annarra lífeyrissjóða sem ekki eru þegar í
hluthafahópnum með það fyrir augum að fjölga
í honum. thordur@frettabladid.is
Útlán MP banka þrefaldast
Hagnaður MP banka á fyrstu níu mánuðum ársins var 372 milljónir króna. Fjárfestingatekjur og áhrif hlut-
deildarfélaga stór þáttur af rekstrartekjum bankans. Hlutafjáraukning eykur útlánagetu upp í 50 milljarða.
MP BANKI Til stendur að nota hið nýja hlutafé sem bankinn hyggst afla sér á næstunni til að tvöfalda útlánagetu
hans úr 25 milljörðum króna í 50 milljarða króna.
372
MILLJÓNIR
eru hagnaður
MP banka það
sem af er ári
478
MILLJÓNIR
eru hreinar
fjárfest-
ingatekjur
bankans
5,4
MILLJARÐAR
eru eigið fé
hans
2
MILLJARÐAR
eru það fé
sem sótt
verður í hluta-
fjáraukningu
210
PRÓSENT
eru aukning
útlána hjá MP
banka á rúmu
ári
50
MILLJARÐAR
eru útlána-
geta bankans
eftir aukn-
inguna
Straumur fjárfestingabanki telur
umfjöllun um meinta markaðs-
misnotkun Straums-Burðaráss
fjárfestingabanka, nú ALMC ehf.,
vera villandi og lítur hana mjög
alvarlegum augum. Bankinn
hyggst kanna réttarstöðu sína
vegna þeirrar umfjöllunar. Þetta
kemur fram í yfirlýsingu Péturs
Einarssonar, forstjóra Straums,
sem send var fjölmiðlum í gær.
DV skýrði frá því í gær að
meint markaðsmisnotkun innan
Straums-Burðaráss (síðar ALMC)
á árunum fyrir hrun hefði verið
kærð til sérstaks saksóknara.
Straumur fjárfestingabanki, sem
varð til árið 2010 eftir að nauða-
samningar ALMC voru sam-
þykktir, tengist því máli ekki á
neinn hátt. Í yfirlýsingu Péturs
segir: „Í sumum fréttum hefur
verið vísað í nafnið „Straumur“
og birtar myndir af lógói Straums
fjárfestingabanka hf. sem er allt
annar aðili en sá sem málið bein-
ist að […] allar fréttir með orðinu
„Straumur“ án frekari skýringa
má því skilja þannig að þær bein-
ist að Straumi fjárfestingabanka
hf.“ Straumur krafðist þess að
umfjöllun fjölmiðla um málið
yrði leiðrétt í takt við ofangreint.
- þsj
Óánægja með umfjöllun:
Straumur kann-
ar réttarstöðu
E
N
N
E
M
M
/
S
ÍA
/
N
M
5
5
3
12
siminn.is · 8004000@siminn.is
Vertu með símkerfið
í öruggum höndum
hjá Símanum
Fyrirtæki
Fast mánaðargjald
fyrir aðgang
að IP símkerfi
Símavist hentar flestum gerðum fyrirtækja,
óháð stærð og starfsemi.
Með Símavist býðst fyrirtækjum að leigja IP símkerfi gegn
föstu mánaðargjaldi sem ræðst af fjölda starfsmanna sem nota
kerfið. Símkerfið er hýst í vélasölum Símans og fyrirtæki þurfa
ekki að fjárfesta í vélbúnaði eða stýrikerfum.
Hafðu samband við Fyrirtækjaráðgjöf
í síma 800 4000 og sérfræðingar
okkar finna hagkvæmustu lausnina
fyrir þitt fyrirtæki.
STRAUMUR Forsvarsmenn bankans
telja umfjöllun um markaðsmisnotkun
Straums-Burðaráss vera villandi.