Fréttablaðið - 27.11.2012, Side 38

27. nóvember 2012 ÞRIÐJUDAGUR| MENNING | 34
BÓKIN
Lagið Öll í kór með hljómsveitinni
FM Belfast verður frumflutt í dag
í tilefni af degi rauða nefsins hjá
UNICEF, Barnahjálp Sameinuðu
þjóðanna.
„Við ætluðum að gera þetta fyrir
þau fyrir tveimur árum en þá
vorum við í útlöndum og gátum það
ekki,“ segir söngkonan Lóa Hjálm-
týsdóttir spurð út í tilurð lagsins.
„Það er gaman að fá tækifæri til að
gera góðverk og styrkja UNICEF
því þau eru að vinna svo gott starf.“
Meðlimir FM Belfast, þau Lóa,
Árni Rúnar Hlöðversson, Árni Vil-
hjálmsson og Örvar Þóreyjarson
Smárason, fengu hvorki fleiri né
færri en fjórtán manns til að vera
gestasöngvarar í laginu. Meðal
þeirra eru Ásgeir Trausti, Diddú,
Helga Möller, Jóhann Helga-
son, Hugleikur Dagsson, Sigríður
Thorlacius og Steindi jr. „Okkur
fannst hátíðlegra að fá ógeðslega
mikið af fólki til að syngja með. Ég
er mjög ánægð með hvað allir voru
til í að aðstoða. Ég bjóst við að þetta
yrði erfiðara en það voru allir voða
jákvæðir,“ segir Lóa.
Allir sem koma að laginu gerðu
það í sjálfboðavinnu og var það
tekið upp af Guðmundi Kristni
Jónssyni, eða Kidda í Hjálmum.
Textann gerði Örvar og í honum
er sungið um það hvernig fólk er
á endanum allt eins. „Komdu með,
við erum eins, þú mátt ekki gleyma
að á endanum erum við eins – þú og
ég,“ segir meðal annars í textanum.
Þetta er í fyrsta sinn sem FM Bel-
fast syngur á íslensku.
Myndband við Öll í kór verður
frumsýnt í söfnunar- og skemmti-
þætti á degi rauða nefsins, föstu-
daginn 7. desember, í opinni dag-
skrá á Stöð 2.
„Við hjá UNICEF erum öllu
þessu góða fólki ákaflega þakk-
lát. Það er ómetanlegt að fá þau til
liðs við okkur við að vekja athygli
á degi rauða nefsins og málefnum
bágstaddra barna. Síðan er auð-
vitað fallegt að textinn gengur út
á að á endanum erum við öll eins,“
segir Stefán Ingi Stefánsson, fram-
kvæmdastjóri UNICEF á Íslandi.
freyr@frettabladid.is
Syngja í fyrsta sinn á
íslensku fyrir UNICEF
Öll í kór með FM Belfast frumfl utt í dag. Fjórtán gestasöngvarar koma við sögu.
Í HLJÓÐVERINU Hluti þeirra fjórtán gestasöngvara sem koma við sögu í laginu ásamt Kidda í Hjálmum. Kiddi og Þorsteinn í
Hjálmum, Árnarnir tveir úr FM Belfast, Jóhann Helgason, Diddú og Sigríður Thorlacius. FRÉTTABLAÐIÐ/GVA
Lagið í fyrra gerði Páll Óskar Hjálmtýsson
(Megi það byrja með mér) en það sat í margar
vikur á vinsældarlista Rásar 2. Þar áður lagði
Retro Stefson UNICEF lið með laginu Dagur
rauða nefsins og árið þar áður Ljótu hálfvit-
arnir með Hættu þessu væli. Baggalútur á
heiðurinn af fyrsta laginu sem samið var fyrir
UNICEF á Íslandi sem heitir Brostu.
Baggalútur átti fyrsta UNICEF-lagið
Söfnun er í fullum gangi á netinu fyrir gerð
íslensku ráðgátu- og hryllingsmyndarinnar
Ruins. Búið er að safna fyrir hluta af kostnað-
inum en fjárhagsáætlun myndarinnar hljóðar
upp á 32 milljónir og eiga tökur að hefjast
næsta vor.
„Við erum með hópsöfnun á síðunni Ruins-
themovie.com þar sem fólk getur styrkt
myndina. En helstu styrkirnir koma frá kvik-
myndasjóðum og sá fyrsti er kominn frá Evr-
ópu unga fólksins,“ segir leikstjórinn Vilnius
Petrikas. Hann er fæddur í Litháen en fluttist
ungur að árum hingað til lands. Hann útskrif-
aðist úr Kvikmyndaskóla Íslands fyrir tveim-
ur árum og hefur gert yfir fimm stuttmyndir.
Ruins er fyrsta mynd Vilnius í fullri
lengd. Hún fjallar um fornleifa- og guð-
fræðinginn Dr. Malphas sem leitar að hinu
svokallaða hliði helvítis á Íslandi. Hann
ferðast til Vestfjarða ásamt tíu manna hópi
fólks sem vill komast í burtu frá stressinu í
borginni. Smám saman byrja skrítnir hlutir
að gerast sem hafa ófyrirséðar afleiðingar í
för með sér.
Rúnar Freyr Gíslason leikur einn úr þess-
um tíu manna hópi, auk þess sem Magn-
ús Ólafsson verður í hlutverki vestfirsks
bónda. Hluti myndarinnar verður tekinn
upp á Vestfjörðum, og í Surtshelli.
- fb
Safnar fyrir gerð nýrrar hryllingsmyndar
Vilnius Petrikas leitar að styrkjum fyrir ráðgátu- og hryllingsmyndina Ruins. Tökur eiga að hefj ast næsta vor.
LEITAR AÐ STYRKJUM Vilnius Petrikas leiktar að
styrkjum fyrir ráðgátu- og hryllingsmyndina Ruins.
MYND/ALVIN ZOGU
Skátahreyfingin hefur um árabil selt sígræn
eðaltré í hæsta gæðaflokki og prýða þau
þúsundir heimila og fyrirtækja.
Sígrænu jólatrén eru seld í Skátamiðstöðinni
Hraunbæ 123 í Reykjavík, s: 550 9800 og á
skátavefnum: www.skatar.is
Frábærir eiginleikar:
-eðaltré ár eftir ár!
Sígræna jólatréð
10 ára ábyrgð
12 stærðir (90-500 cm)
Stálfótur fylgir
Ekkert barr að ryksuga
Veldur ekki ofnæmi
Eldtraust
Þarf ekki að vökva
Íslenskar leiðbeiningar
Nú er Létt Bylgjan jólastöðin þín
Ljúf og þægileg jólatónlist
alla daga til jóla
„Bókin Ég man þig eftir Yrsu
Sigurðardóttir. Hún greip mig eigin-
lega bara strax og ég veit ekkert
af hverju. Ég get samt ekki lesið
hana nema í dagsbirtu því ég er svo
draughrædd en ég hlakka mikið til
að sjá myndina.“
Eva Laufey Hermannsdóttir, matarbloggari
og Masterchef-þátttakandi.