Fréttablaðið - 27.11.2012, Blaðsíða 28

27. nóvember 2012 ÞRIÐJUDAGUR| MENNING | 24MENNING
TÓNLIST ★★★★ ★
Sinfóníuhljómsveit Íslands
Verk eftir Hauk Tómasson, Karol Szym-
anowski og Jean Sibelius. Einleikari:
Christian Tetzlaff; stjórnandi: John
Storgårds.
FIMMTUDAGINN 22. NÓVEMBER
Marr, Ískurr og Skuggaskeið eru
nöfnin á þremur köflum af fimm
í verki eftir Hauk Tómasson. Það
var frumflutt á Sinfóníutónleikum
á fimmtudagskvöldið undir stjórn
Johns Storgård. Titlarnir vísa til
höfuðskepnanna; tónlistin er inn-
blásin af hugleiðingum um loft, eld,
jörð og vatn, auk ljóss og skugga.
Eins og flest eftir Hauk er tón-
listin fínleg. Tónmálið er framandi,
hljómarnir heillandi annarlegir. Ég
hugsa þó að verkið þurfi töluverða
nálægð til að koma sem best út.
Eftir því sem maður situr lengra
frá hljómsveitinni dofna blæbrigð-
in, þetta smágerða, sem segir svo
margt, rennur of mikið saman við
heildina. Sennilega hljómar tónlist-
in best af geisladiski í góðum hátöl-
urum. Í stórum sal eins og í Eld-
borginni hættir verkinu hins vegar
til að verða fullkliðkennt. Það vant-
ar skarpari línur, meiri andstæð-
ur. Margt er vissulega hrífandi,
en á tónleikunum virkaði tónlistin
fremur eins leit og tilbreytingar-
laus, eins og pastellitað veggfóður.
Ég er viss um að hún kemur betur
út í stafrænum búningi!
Talsvert meiri tilþrif einkenndu
fiðlukonserta nr. 1 og 2 eftir
Szymanowski. Hann var pólsk-
ur en alinn upp í Úkraínu. Fyrri
konsertinn var saminn árið 1916,
hinn síðari 1933. Nettur, síðróm-
antískur andi svífur yfir vötn-
unum í þeim fyrri. Hinn síðari
er allt öðruvísi, stíllinn tærari,
handbragðið agaðra. Einleikar-
inn Christian Tetzlaff var frábær.
Hann spilaði af tæknilegum yfir-
burðum og ástríðufullri innlifun.
Fiðlan lék í höndum hans, tónlist-
in varð ljóslifandi. Útkoman var
mögnuð.
Sjöunda sinfónía Sibeliusar var
síðust á dagskránni. Hún var líka
glæsileg í flutningi hljómsveit-
arinnar. Allar línur voru skýrar,
dramatíkin tilkomumikil, fram-
vindan spennandi. Verkið var í
einum kafla, byrjunin var dálít-
ið sundurlaus og leitandi (eins og
hún átti að vera), en svo náði tón-
listin fókus og endaði á tignar-
legan hátt. Storgårds stjórnaði
prýðilega. Flutningurinn var til
fyrirmyndar, túlkunin var lífleg
og rómantísk, fersk og skemmti-
leg.
Jónas Sen
NIÐURSTAÐA: Áhugaverðir tón-
leikar, upp úr stóð frábær fiðluleikur.
Magnaður fiðluleikur
HAUKUR
TÓMASSON
SKEMMTUN SEM
SKIPTIR MÁLI
Í OPINNI DAGSKRÁ
Á STÖÐ 2
HÉR FÆRÐU RAUÐU NEFIN:
Hagkaup, Bónus, MP banki,
Te og Kaffi, Domino’s.
www.unicef.is
„Marían er fyrir alla og á að vera
ljós okkar á þessum tíma,“ segir
sópransöngkonan Gréta Hergils
sem er að byrja æfingu fyrir útgáfu-
tónleika í Bústaðakirkju þegar við-
talið fer fram. Hún er nýbúin að
gefa út sinn fyrsta sólódisk sem hún
tileinkar heilagri Maríu og móður-
hlutverkinu. Hún kveðst hafa fengið
innblástur frá móður sinni, Fanný
Jónmundsdóttur listakonu, sem
hélt sýningu á Maríumósaíkmynd-
um fyrir ellefu árum. „Svo skírði ég
dóttur mína Maríu, hún er sjö ára
núna, og ég hef haldið nokkra Ave
Maríutónleika í kirkjum landsins á
undanförnum árum þannig að það
snýst heilmikið um Maríu hjá mér.“
Gréta segir tónlistina á nýja disk-
inum fjölbreytta, enda frá ólíkum
tímum, eða allt frá 16. öld til dags-
ins í dag. „Þó er í henni sterkur
strengur, þessi tilfinningastreng-
ur um hina heilögu guðsmóður og
móðurkærleikann sem er til á öllum
tímum,“ segir hún.
Lögin sem Gréta syngur núna eru
ellefu talsins, bæði þekkt og óþekkt.
„Sumir halda að það sé bara til ein
Ave María og eiga þá við Ave Maríu
Schuberts, en það er til ógrynni af
Ave Maríum. Við Íslendingar eigum
eina sem er bara stórkostleg, bæði
lag og texti, og alls ekkert auðveld
í flutningi,“ segir hún og vísar þar
til Ave Maríu Sigvalda Kaldalóns og
texta Indriða Einarssonar. „Ég syng
líka lög um heilaga guðsmóður eftir
Bach, Gounod, Mascagni, Vavilov,
Jónas Þóri og Atla Heimi Sveins-
son ásamt fleirum.“ Hún kveðst
vera með stórkostlega listamenn
með sér bæði á diskinum og í kirkj-
unni og nefnir sem dæmi Jónas Þóri
píanóleikara og Matthías Stefáns-
son fiðluleikara. „Tónlistin á disk-
inum er ekkert háklassísk þannig að
það ættu allir að geta tengt sig við
hana,“ segir hún og tekur fram að
ekkert kosti inn á tónleikana í kvöld.
- gun
Tilfi nningar allra alda
í Ave Maríutónlist
Gréta Hergils Valdemarsdóttir heldur tónleika í Bústaðakirkju í kvöld klukkan
átta og syngur lög af nýútkomnum diski sem helguð eru heilagri Maríu.
SÓPRANSÖNGKONAN „Ég hef verið að safna þessum Ave Maríum í gegnum tíðina,“ segir Gréta Hergils sem helgar heilagri
guðsmóður sinn fyrsta sólódisk og heldur útgáfutónleika í kvöld. FRÉTTABLAÐIÐ/ANTON
HVAÐ? HVENÆR? HVAR?
ÞRIÐJUDAGUR 27. NÓVEMBER 2012
Tónlist
12.15 Steingrímur Þórhallsson, organisti Neskirkju, flytur fjöl-
breytta og fagra orgeltónlist á bæði orgel kirkjunnar. Kaffisopi
eftir tónleika og aðgangur ókeypis.
21.00 Útgáfutónleikar Skúla Mennska og Þungrar byrðar verða
haldnir í Þjóðleikhúskjallaranum. Er það í tilefni útkomu plötu
þeirra, Blúsinn.
21.00 Gleðisveit Guðlaugar skemmtir á Café Rosenberg.
Upplýsingar um viðburði sendist á hvar@frettabladid.is og einnig er
hægt að skrá þá inni á visir.is.