Fréttatíminn - 20.07.2012, Blaðsíða 8

J ájá, menn kaupa þetta. Sér­staklega í maðkahallæri sem verið hefur,“ segir Tómas
Skúlason í veiðibúðinni Veiðiport­
inu niðrá Granda.
Blíðviðrið undanfarna daga
hefur haft það í för með sér að
maðkur er illfáanlegur, veiðimenn
hafa þurft að borga formúu fyrir
maðkinn, en þeir eru til sem kunna
ráð við því – hvítmaðkur er málið.
Og ekki bara þegar þurrð er á
markaði.
„Við höfum verið með þetta í ein
fjögur ár og eftir að við komum
mönnum uppá þetta eru þeir farnir
að gera vart við sig strax í maí og
spyrja um hvítmaðkinn. En, við
erum bundnir veðri við framleiðsl­
una, fáum engar fiskiflugur til að
verpa fyrr en hitastigið er komið
yfir 15 gráður,“ segir Tómas.
Hræmaðkur notaður sem agn
frá ómunatíð
Já, hér er sem sagt verið að tala um
hvíta maðkinn sem leggst á hræ og
er fremur ógeðfellt fyrirbæri, svo
mjög að klígju setur að mörgum
við tilhugsunina eina. En, Tómas
segir þetta virka vel á heiðum, á sil­
unginn. „Á bleikju frekar en urriða.
En, menn veiða urriða á þetta líka.
Menn rétt stinga önglinum í rass­
inn á honum. Það má ekki þræða
hann uppá, þá drepur þú maðkinn,
en ef þú rétt stingur í gegnum
hann þá iðar hann á önglinum. Við
notum granna fluguhnýtingar­
öngla, númer 10 til 12 – í raun eru
menn að veiða á púpur. Engin búð
eins nálægt fluguveiðinni og við,
þarna liggja ræturnar, hérna verða
flugurnar til,“ hlær Tómas.
Þó þetta virðist nýstárlegt segir
Tómas að þetta hafi verið notað
sem beita alveg frá því elstu menn
muna. Og hann kann ýmsar sögur
að segja af þessu. Hvítmaðkurinn
geymist í frosti og lifnar við þegar
hann er þíddur. „Menn notuðu
þetta mikið við dorgveiðar fyrir
norðan. Stungu þessu þá uppí sig
og þíddu þar til hann fór að iða.
Þá hafa menn sett sjálfdauða rollu
í tunnu, stungið á hana göt og
strengt yfir á. Svo þegar fór að
maðka vel í hræinu hrundi maðk­
urinn niður og þá kom silungurinn
þangað. Og menn drógu fyrir með
neti. Þetta er vel þekkt um alla
Evrópu.“
Skríður út um allt ef ekki er æti
Tómas talar af nokkurri virð­
ingu um þetta kvikindi. Hann er
með mann í því sérstaklega að
framleiða hvítmaðk fyrir sig og
nokkrum sinnum hefur þurft að
færa framleiðsluna til vegna ýldu­
lyktar sem fylgir og kvartana frá
nágrönnum. „Hrikaleg skítalykt af
þessu. En, þegar við seljum hann
hefur maðkurinn farið í bað, í sag
og haframjöl og þráalyktin er horf­
in. Við erum með svona 200 til 250
maðka í boxi. Og best er að geyma
þetta í ísskáp. Þetta endist í þrjár
vikur í það minnsta. Við hliðina á
smjörinu,“ hlær Tómas.
Framleiðslan fer þannig fram að
kar er fyllt með þorskhausum og
slori. „Já, þetta er frekar óþrifalegt.
Framleiðsluferlið er frá tveimur
vikum uppí fjórar. Fer eftir veðri.
Svo kemur vinkona okkar fiski­
flugan og verpir í þetta. Þá byrjar
að maðka og myndast maðkakös.
Og nú er eins gott að passa uppá
að það sé nóg æti fyrir maðkinn.
Því annars leitar hann eitthvað
annað. Þetta eru hrikalega skynug
kvikindi og fara ekkert úr karinu
ef þar er nóg æti. En, ef ekki, þá fer
maðkurinn af stað og skríður út
um allt.
Jakob Bjarnar Grétarsson
jakob@frettatiminn.is
 stangveiði Hvítmaðkur vinsæll í veiðiboxið
Viðbjóðslegt en
skynugt kvikindi
Maðkahallæri hefur myndast í þeim þurrki sem hefur verið hefur lengi en menn
kunna ráð við því: Hvítmaðkur er vinsælt agn meðal veiðimanna að sögn Tóm-
asar Skúlasonar í Veiðiportinu – hann virkar vel á silunginn.
Hvítmaðkurinn; fremur viðbjóðslegt
en þrælskynugt kvikindi og virkar vel á
silunginn sem agn þar sem hann iðar á
önglinum. Mynd: Teitur.
Tómas í Veiðportinu segir að ekki megi þræða hvítmaðkinn á öngulinn, þá drepst
hann, heldur stinga í rass hans; þá iðar hann á önglinum. Mynd: Teitur.
Svo kemur vin-
kona okkar fiski-
flugan og verpir
í þetta. Þá byrjar
að maðka og
myndast maðka-
kös.
ÓDÝRASTI
ÍSINN
Í BÓNUS
Á ÞRIÐJA HUNDRAÐ EURO SHOPPER
VÖRUTEGUNDIR Í BOÐI
398 kr.
12 stk.
498 kr.
8 stk.
298 kr.
3 stk.
Matreiðslumaðurinn Hrefna
Sætran og hennar fólk á
veitingastaðnum Grillmark-
aðinum býður upp á bestu
hamborgarana í Reykjavík að
mati sérfræðinga tímaritsins
Reykjavík Grapevine. Þetta
er fjórða árið í röð sem eitt
tölublað Grapevine er helgað
því besta sem er að finna í
Reykjavík. Síðustu þrjú ár
hefur Hamborgarabúlla Tóm-
asar þótt bera af en nú þykir
hádegisborgarinn á Grillmark-
aðinum bestur. Tommi og
Búllan geta þó huggað sig við
að þar er að finna besta græn­
metisborgara bæjarins.
Snaps við Óðinstorg var
verðlaunaður í flokknum
„Besti veitingastaðurinn,
fjandakornið“ og Faktorý við
Smiðjustíg hlaut titilinn „Besti
allrahanda barinn“. Þá bættist
Sundhöllin í flokk „Reykjavík-
urstofnana“ sem þykir mikill
virðingarvottur. Meðal ann­
arra á þeim lista eru Bæjar-
ins bestu, Mokka, Kolaportið,
Brynja og Jómfrúin.
 útttekt tímaritið grapevine velur það besta í reykJavík
Hrefna veltir Tomma úr sessi
Hrefna Sætran
og kokkarnir
á Grillmarkað-
inum reiða fram
bestu hamborg-
ara bæjarins að
mati Reykjavík
Grapevine.
8 fréttir Helgin 20.-22. júlí 2012