Fréttatíminn - 20.07.2012, Blaðsíða 54

Þ etta er ung kona, afar alþýðleg og lét sig ekki muna um að taka til hendinni á setti,“ segir Jean Michel Paoli hjá
Comrade Film.
Nisa Godrej, sápuprinsessa Indlands, er
nýlega flogin af landi brott en hún var hér
stödd til að fylgjast með tökum á sápuaug-
lýsingu á vegum Godrej-stórveldisins á Ind-
landi. Nisa er dóttir Adi Godrej, sem þriðja
kynslóð forstjóra hins 114 ára Godrej-veldis.
Adi Godrej er tíundi á lista Forbes yfir rík-
ustu menn heims, metinn á 3,3 milljarða
Bandaríkjadala (um 420 milljarðar íslenskra
króna); allar tölur sem tengjast Godrej eru
stjarnfræðilegar á íslenskan mælikvarða; við-
skiptavinir Godrej eru 500 milljónir á degi
hverjum.
Sápuauglýsing á Íslandi
Nisa var hér, ásamt fjölda þekktra kvik-
myndagerðarmanna frá Indlandi, í tengslum
við tökur á auglýsingu á Cinthol-sápu; sápa
sem er algeng á Indlandi. Comrade Film
hefur veg og vanda að undirbúningi hér á Ís-
landi. Að sögn Jean Michel gengu tökur eins
og í sögu en meðal annars var farið á Lang-
jökul, í Silfru á Þingvöllum, að Skógafossi,
Dyrhólaey og víðar. „Þetta var umfangsmik-
ið verkefni og komu um 50 til 60 manns að
því. Fyrirsæturnar voru í Silfru á sundbol-
um, búin var til lítil sundlaug og þar hópað-
ist fólk ofan í, ein takan var úti í sjó... mjög
kalt og mjög spennandi,“ segir Jean Michel.
Hann segir að í tökunum hafi verið notast við
módel; frá Englandi, Hollandi, Indlandi og Ís-
landi, og allir hafi verið mjög ánægðir en það
er ekki síst stórbrotið landslag sem Indverj-
arnir falla fyrir. Þrír tökudagar voru á Íslandi
og tveir fyrirhugaðir á Indlandi.
Má vænta fleiri heimsókna frá Indlandi
Leikstjóri auglýsingarinnar er hinn marg-
verðlaunaði og viðurkenndi Prakash Varma
en auk hans voru hér staddir ýmsir nafn-
togaðir menn frá Indlandi svo sem Sajan
RaJ Kurup, stofnandi Creativeland Asia í
Mumbai – sem er næst stærsta auglýsinga-
stofa í Indlandi. „Cinthol hefur ekki auglýst
lengi og nú er verið að uppfæra „brandið“.
Þetta er umfangsmikil auglýsingaherferð og
verið að blása nýju lífi í þetta gamla merki.“
Jean Michel segir Indverjana hafa verið svo
ánægða hér á landi að þeir hafi helst ekki
viljað fara; þeir ætli sér að koma aftur við
fyrsta tækifæri. „Bara spurning hvenær.
Það var mjög gaman að vinna með þessu
fólki. Rólegir og vinnusamir við oft erfiðar
aðstæður. Nú eru mjög spennandi tímar í
kvikmyndagerð á Íslandi og hingað streyma
stórverkefni. Vantar mannskap og tæki,“
segir Jean Michel Paoli.
Jakob Bjarnar Grétarsson
jakob@frettatiminn.is
 AuglýsingAgerð KviKmyndAiðnAðurinn blómstrAr
Nisa var
hér, ásamt
fjölda
þekktra
kvikmynda-
gerðar-
manna frá
Indlandi, í
tengslum
við tökur á
auglýsingu
á Cinthol-
sápu.
Sápuprinsessa
Indlands á Íslandi
Nisa Godrej, dóttir Adi Godrej, 10. ríkasta manns heims, var hér stödd ásamt kvikmyndagerðar-
mönnum frá Indlandi við tökur á Cinthol-sápu. Verkefnið var viðamikið en hingað streyma nú
stórverkefni á sviði kvikmyndagerðar – bíómyndir og risavaxnar auglýsingar.
Prakash Varma ásamt Lisu, framleiðanda frá Nirvana films, við Geysi. Varma er meðal þekktustu leikstjóra Indlands.
Nóatúni 4 · Sími 520 3000
www.sminor.is
Hitablásarar og
borðviftur
frá 3.900 kr. stgr.
e rlendir fjölmiðlamenn hafa flogið hingað til
lands og komið við á veit-
ingastaðnum Sushisamba
eftir að ofurstjarnan Tom
Cruise snæddi þar síð-
ustu máltíðina með spúsu
sinni, Katie Holmes,
fyrir skilnað. Þeir sækjast
eftir fréttum af kvik-
myndastjörnunum.
„Við gefum engin
svör,“ segir Eiður Mar
Halldórsson yfirmat-
reiðslumaður sem segir
einnig fjölda gesta koma
og biðja um að fá að sitja
í sætunum sem þau sátu
í þetta örlagaríka kvöld í
júnílok.
Mikil aðsókn hefur ver-
ið að veitingastaðnum frá
því að hann opnaði fyrir
tæpu ári síðan. Nú síð-
ustu viku hefur japanskur
sushigerðarmeistari,
Shimhara, verið þar sem
gestakokkur. Eiður segir
hann hafa vafið sushi-
rúllur um allan heim; til
dæmis í Bandaríkjunum,
Grikklandi og Mónakó.
Hann sé um þessar
mundir eini meistarinn í
sushi-gerð á landinu.
Shimhara fer af landi
brott um helgina en Eiður
segir vonir standa til þess
að hann komi brátt aftur
og þá jafnvel til fram-
búðar. - gag
Fólk biður um sæti Tom Cruise
á Sushisamba
Tom Cruise og
dóttir hans
Suri yfirgefa
Manhattan í þyrlu
á miðvikudag.
Mynd/gettyimages
Shimhara á Sushisamba.
Mynd/Teitur
Gísli Rúnar á Íslandi
Gísli Rúnar Jónsson, leikari og rithöf-
undur, er nú búsettur á Íslandi en svo virt-
ist á tímabili sem hann ætlaði að ílengjast í
Bandaríkjunum þar sem hann hefur dvalið
að undanförnu. Haft er eftir háðfuglinum
að hann vilji vera þar
sem honum líði best,
og svo undarlega sem
það hljómar líði sér best
á Íslandi. Gísli Rúnar
hefur að mestu snúið
sér að skriftum. Það
sem er á hans borðum
núna, með öðru, er
þýðing og staðfærsla
á söngleiknum Mary
Poppins, laust mál
og bundið, sem til stendur að setja upp í
Borgarleikhúsinu á næsta leikári.
Stefán Karl í Þjóð-
leikhúsið
Stefán Karl Stefánsson leikari mun vera
samningsbundinn bæði Latabæ og því að
leika nokkrar leiksýningar sem The Grinch
eða Trölli í Bandaríkjunum. Engu að síður
munu fyrirætlanir uppi þess efnis að hann
stígi á fjalir Þjóðleikhússins á næsta leikári
en óvíst er hvort Stefán Karl endurnýi
samning sinn við
Latabæ. Hug-
myndir eru um
að leiksýningin
Með fulla vasa
af grjóti, sem
sló í gegn fyrir tíu árum, en þá
fóru Stefán Karl og Hilmir Snær
Guðnason á kostum, verði sett
upp aftur – en þetta byggir á sama
merg og var með Listaverkið, þar
sem Baltasar Kormákur, Ingvar
E. Sigurðsson og Hilmir endurtóku
leikinn við nokkurn fögnuð. Mun
von á leikstjóra þeirrar sýningar,
Ian McElhinny til landsins í næsta
mánuði, vegna þessara áforma.
Dagbók Eddu
Edda Björgvinsdóttir, gamanleik-
konan góðkunna, vinnur nú að bók
sem Tindar stefna að því að gefa
út og ber hún vinnutitilinn Dagbók
Eddu. Ekki mun um bersöglismál
að ræða, opinberunarbók, heldur
verður um að ræða samansafn ým-
issa minnispunkta sem Edda hefur
tekið saman í gegnum tíðina, meðal
annars í tengslum við fyrirlestra sína
og áhuga á heilsusamlegu líferni.
Stórleikarinn Russell Crowe er
í hópi þeirra frægðarmenna frá
Hollywood sem dvelja á Íslandi
þessi dægrin. Hann tók fjölskyldu
sína með sér í vinnuferðina til
Íslands og hefur gengið úr skugga
um að synir hans tveir fái að sjá
nýju Batman-myndina, The Dark
Knight Rises, um helgina. Myndin
var forsýnd á miðvikudagskvöld
í Sambíóinu í Egilshöll og nokkur
spenningur var í hópi bíógesta
þar sem til stóð að Crowe og
synir kæmu á sýninguna. Þeir létu
þó ekki sjá sig en Crowe hefur
keypt eina sýningu á myndinni
um helgina og ætlar að horfa
á Leðurblöku-
manninn ásamt
drengjunum
sínum og öðrum
útvöldum í svo
gott sem tómum
bíósalnum. Hermt
er að Árni Samú-
elsson, bíókóngur,
og synir hans
hafi boðið Crowe,
Darren Aronofsky og Ben Stiller
á forsýninguna en enginn hafi átt
heimangengt þetta kvöld og af
þessum þremur stórlöxum virðst
Crowe mest í mun að sjá The Dark
Knight Rises sem allra fyrst.
Russell Crowe æstur í Batman
46 dægurmál Helgin 20.-22. júlí 2012