Fréttatíminn - 20.07.2012, Blaðsíða 17

Á garðyrkjubýlinu Brún hafa hjónin Birgir og Margrét ræktað
kirsuberjatómata síðan árið 1999. Kirsuberjatómatar eru smærri
en venjulegir tómatar en bragðsterkari. Hjónin hafa komist að því að
skemmtileg leið til að njóta þeirra er að steikja með þeim fræ og valhnetur.
- Kirsuberjatómatar Birgis og Margrétar með steiktum fræjum og valhnetum -
// 400 g (2 box) kirsuberjatómatar // 2 msk. steinselja // 50 g sólblómafræ
// 50 g graskersfræ // 50 g valhnetur // 1 msk. tamarisósa
Skerið tómata til helminga, saxið steinselju. Setjið sólblómafræ, graskersfræ og valhnetur í
skál og blandið tamarissósu við. Hitið ofninn i 180°C. Gott er að setja smjörpappír á plötu og
fræblönduna þar á. Bakið uns blandan fer að brúnast. Kælið og hrærið saman við tómata og
steinselju. Ferskt, einfalt og svaka gott .