Fréttatíminn - 03.08.2012, Síða 40

40 bíó Helgin 3.-5. ágúst 2012
Hann
segir að
strax og
hann hitti
McCo-
naughey
hafi eng-
inn annar
komið til
greina.
 Sjónvarp í bíó The equalizer  William Friedkin læTur mcconaughey leika
Sá sykursæti
leikari Matthew
McConaughey
sýnir á sér
óvenjulega og
skuggalega hlið
í hlutverki sínu í
Killer Joe.
Kolsvört og klístruð
kómedía í Texas
k iller Joe er meðal annars sögð vera kol-svört gamanmynd en hún er meira en það og þykir óhugnanleg, fráhrindandi
en heillandi í senn, ágeng og erfið. Friedkin er
svosem vanur því að hneyksla og ganga fram
af fólki og gerði einmitt það með miklum og
ógleymanlegum tilþrifum fyrir rétt tæpum
fjörutíu árum með The Exorcist. Hann virðist
enn kunna þessa list vel þar sem Killer Joe
fékk hinn alræmda NC-17 stimpil í Banda-
ríkjunum og er bönnuð yngri en sautján ára
vegna ofbeldis, kynlífs og til þess að bæta
gráu ofan á svart, ofbeldisfulls kynlífs.
Killer Joe byggir á leikriti eftir Pulitzer-
verðlaunahafann Tracy Letts. Lögreglumað-
urinn Joe er í forgrunni en sá stundar frekar
ógeðfellda aukavinnu þar sem hann drepur
fólk gegn greiðslu. Matthew McConaughey
leikur Joe og þykir fara á kostum, ógnvekjandi
og lúmskt sjarmerandi í senn. Leikarinn segir
Joe vera eins og svartan pardus. Allt sem hann
geri sé úthugsað og hann gæti þess vandlega
að láta aldrei of mikið uppi um áætlanir sínar.
Emile Hirsch (Into the Wild) leikur Chris
Smith, heimskan skíthæl og dópista sem
ákveður ásamt hvítarusls skyldmennum sín-
um að ráða Joe til þess að myrða móður sína.
Faðir hans er með í ráðum og þar sem hann á
ekki fyrir fyrirframgreiðslunni til Joe ákveður
morðinginn að taka systur hans, Dottie, sem
tryggingu. Málin flækjast síðan verulega
þegar sérstakt samband tekur að myndast
á milli Dottie og Joe og allt útlit er fyrir að
vanhugsuð ráðagerð vitleysinganna verði að
meiriháttar klúðri.
Friedkin hefur góð tók á öflugum leik-
arahópnum þar sem McConaughey glansar
fremstur meðal jafningja. Thomas Haden
Church (Sideways) sýnir á sér skemmtilega
hlið í hlutverki föðurins og hin mjög svo
þokkafulla og allt of sjaldséða Gina Gershon
(Showgirls, Bound) mætir öflug til leiks.
Friedkin skoðaði ýmsa leikara fyrir hlut-
verk Joe en hitti McConaughey eftir að hann
frétti að leikarinn hefði lesið handritið og litist
vel á. Hann segir að strax og hann hitti McCo-
naughey hafi enginn annar komið til greina.
Friedkin talaði fjálglega um McConaughey í
hlaðvarpi kvikmyndatímaritsins Empire og
sagði litlar kröfur hafa verið gerðar hingað til
um að McConaughey nýtti leikhæfileika sína.
Hann hafi auðgast vel á leik í rómantískum
gamanmyndum en það sé óhjákvæmilegt í
Hollywood að þegar fólk er myndarlegt sé
ekki ætlast til þess að það leiki. Það eigi bara
að mæta, vera fallegt og hirða launatékkann.
Lögreglumenn hafa löngum verið Friedkin
hugleiknir. Rannsóknarlögreglumaðurinn
Kinderman vó til dæmis þungt í The Exorcist
þótt myndin hverfðist um kaþólskan prest
í sálarháska sem reyndi að flæma djöful úr
unglingsstúlkunni Reagan. Þá þarf ekki að
fjölyrða um hina einbeittu löggu Popey Doyle
í The French Connection sem Gene Hackman
lék með miklum glæsibrag 1971. Þá tók Willi-
am Petersen (síðar Grissom í CSI) vanmetinn
sprett í hlutverki lögreglumanns í To Live and
Die in L.A. fyrir Friedkin árið 1985.
Þegar Friedkin ræddi Killer Joe við Empire
á dögunum sagði hann frá því að áhuga hans
á lögreglumönnum mætti rekja langt aftur
í æsku hans. Friedkin fæddist árið 1935 í
Chicago þar sem hann ólst upp. Þar átti hann
frænda, Harry Lang, fræga en gerspillta löggu
sem þáði mútur frá gengi Als Capone. Þegar
Capone var stungið í steininn tók Frank Nitti
við genginu og borgarstjórinn, Anton Cer-
mak, fól frænda Friedkins og félaga hans að
uppræta glæpagengið. Harry Lang og félaginn
völsuðu þá inn á skriftofu Nittis þar sem
Harry skaut hann nokkrum skotum og skaut
sig síðan í handlegginn til þess að láta líta út
fyrir að Nitti hefði verið fyrri til að skjóta á
hann.
Nitti lifði árásina af en í kjölfarið vall spill-
ingin í kringum Harry upp, hann var rekinn
úr lögreglunni og gerðist lífvörður Cermaks
og stóð við hlið hans þegar hann var skotinn
til bana árið 1935. Lífvarðarferlinum lauk
fljótlega eftir það, eðlilega kannski, og Harry
opnaði bar þar sem lögreglumenn héldu til.
Aðallega spilltar löggur að sögn Friedkins
sem vann á barnum í æsku þar sem hann
kynntist þessum mönnum og heillaðist svo að
lögreglumenn hafa sett áberandi mark á feril
hans sem kvikmyndaleikstjóri.
Þess má geta til gamans að Killer Joe var
sýnt á litla sviði Borgarleikhússins 2007 í
leikstjórn Stefáns Baldurssonar. Þá var Björn
Thors með hlutverk Joe og sýningin vakti
mikla lukku hjá bæði áhorfendum og gagn-
rýnendum.
Leikstjórinn William Friedkin hefur á löngum ferli gert vægast sagt misgóðar myndir. Hryllings-
myndin The Exorcist og löggumyndin The French Conection eiga eftir að halda nafni hans á lofti
um ókomna tíð enda báðar tímamótaverk. Killer Joe er nýjasta mynd leikstjórans og þar er hann
á sveittum og sóðalegum slóðum í Texas þar sem treggáfaður ræfill fær lögreglumanninn og
leigumorðingjan Joe til þess að drepa móður sína til þess að geta leyst út líftryggingu hennar og
greiða upp fíkniefnaskuld.
Þórarinn
Þórarinsson
toti@frettatiminn.is
Bíó Paradís frumsýnir finnsku myndina
Tahtitaivas talon ylla (Stars Above). Myndin
segir sögu þriggja kynslóða kvenna sem
búa í sama húsinu í finnskri sveit.
Árið 1942 er Saima ung og spræk
kennslukona sem rekur heimilið af
myndarskap meðan maður hennar er á
vígstöðvunum. Hún á í leynilegu sambandi
við sjarmerandi einhentan hermann og
þau eignast saman dótturina Tuulikki. Við
fylgjumst með henni á ofanverðum áttunda
áratugnum þar sem hún dvelst í húsinu og
elur upp dóttur sína án manns síns.
Saima er róttækur feministi og höll undir
frjálsar ástir en reynist erfitt að samþætta
skyldur og langanir. Í nútímanum fylgjumst
við með uppkominni Salla, hún er lesbía
og fræðimaður með bein í nefinu. Salla
snýr aftur í hús móður sinnar og ömmu til
að vera í ró og næði en fyrirferðarmikill
nágranni setur strik í reikninginn.
Pegasus Pictures á Íslandi er meðfram-
leiðandi myndarinnar og Sævar Guð-
mundsson klippti hana.
Þrjár kynslóðir kvenna
Tahtitaivas ta-
lon ylla segir frá
femínisma og
frjálsum ástum
í Finnlandi á
stríðsárunum.
Leguizamo í
Kick-Ass 2
Sá ágæti leikari John
Leguizamo hellir sér
fljótlega á kaf í banda-
ríska útgáfu af breskum
gamanþáttunum Only
Fools And Horses þar
sem hann mun reyna
að feta í fótspor David
Jason sem lék Del Boy
eftirminnilega í gömlu
þáttunum. Áður en að
þessu kemur mun hann
skjóta upp kollinum í
ofurhetjugríninu Kick-
Ass 2. Þar leikur hann
Javier, lífvörð hins unga
Red Mist sem á sér
draum um að verða
aðal illmennið í þeim
ruglaða hetjuheimi
nördanna Kick-Ass og
Hit-Girl.
Aðrir miðlar:
Imdb: 7,4,
Rotten
Tomatoes: 75%,
Metacritic: 59%.
MEÐ STUÐNINGI REYKJAVÍKURBORGAR OG KVIKMYNDAMIÐSTÖÐVAR ÍSLANDS  CAFÉ/BAR, opið 17-23
VERTU FASTAGESTUR!
Ódýrara í bíó með aðgangskortum!
Sjá sýningartíma á BIOPARADIS.IS og MIDI.IS
SKÓLANEMAR: 25% afsláttur
gegn framvísun skírteinis!
NÝTT Í BÍÓ PARADÍS!
ÞRJÁR KYNSLÓÐIR KVENNA Í SAMA HÚSINU
“Elín Petersdóttir er gjöf frá Íslandi til fi nnskra kvikmynda.”
STARS ABOVE
Gore Vidal látinn
Handritshöfundurinn og samfélagsrýnirinn beitti,
Gore Vidal, lést af völdum lungnabólgu á heimili sínu
í vikunni, 86 ára að aldri. Vidal er
þekktastur fyrir handrit sín að kvik-
myndunum The Best Man, Caligula,
Is Paris Burning? og Suddenly, Last
Summer. Auk þess kom hann að hand-
ritsgerð Ben-Hur án þess að nafns
hans væri getið. Vidal skrifaði einnig
fjölda skáldsagna og tók virkan þátt
í stjórnmálum og þjóðmálaumræðu
og verður sjálfsagt minnst lengur
fyrir skrif sín um samfélagsmál en
kvikmyndahandritin sem eftir hann liggja. MYND/Getty
Marsibil Sæmund-
ardóttir hlaut
fyrstu verðlaun
Stuttmyndadaga
í fyrra fyrir hroll-
vekjuna Freyju.
Jack Nicholson
var geðveikt
góður í túlkun
sinni á nafna
sínum Torrance
í The Shining.
 The Shining hugmyndir um Forleik
Blóðug saga Overlook-hótelsins
Hjá kvikmyndarisanum Warner
Bros. eru nú uppi hugmyndir um
að gera út á hina magnþrungnu
og sígildu hrollvekju Stanleys Ku-
bric The Shining. Kubrick sendi
The Shining frá sér árið 1980 og
hafði með henni varanleg áhrif á
hryllingsmyndageirann. Myndin
var gerð eftir samnefndri skáld-
sögu Stephen King um rithöfundinn Jack
Torrance sem tekur að sér húsvörslu á stóru
fjallahóteli sem er lokað og einangrað vegna
veðurs yfir veturinn.
Hótelið á sér óhugnanlega forsögu og þar
sveima illir andar um sem gera Jack geggj-
aðan með þeim afleiðingum að
hann reynir að slátra eiginkonu
sinni og ungum syni.
King hefur aldrei skrifað for-
leik að The Shining þannig að
í augum liggur uppi að myndin
mun alfarið byggja á nýju og
frumsömdu efni og þá hlýtur að
liggja beinast við að gera út á
blóðuga fortíð Overlook-hótelsins.
Talsmaður kvikmyndaversins segir hug-
myndina á frumstigi og að engin þróunar-
vinna sé komin í gang þannig að þetta getur
enn runnið út í sandinn áður en handrit verð-
ur að veruleika.
 STuTTmyndadagar SkilaFreSTur að renna úT
Besta stuttmyndin fer til Cannes
Árlegir Stuttmyndadagar í Reykjavík fara fram í Bíó Paradís í
byrjun september en frestur til að skila inn myndum í keppnina
rennur út eftir viku, föstudaginn 10. ágúst. Sérstök athygli er
vakin á því að myndir megi ekki fara yfir 15 mínútur að lengd. Þá
verða innsendar myndir að notast við Íslendinga í lykilstörfum
og hlutverkum. Venju samkvæmt verða veitt sérstök áhorfenda-
verðlaun auk þess mun Sjónvarpið sýna þær myndir sem vinna til
verðlauna. Þá verður leikstjóra þeirrar myndar sem hlýtur fyrsta
sætið, boðið á kvikmyndahátíðina í Cannes að ári þar sem myndin
tekur þátt í hinu svokallaða Short Film Corner.
Ingvar Þórðarson kvikmyndaframleiðandi, Ísold Uggadóttir kvik-
myndaleikstjóri og Örn Marinó Arnarson kvikmyndagerðarmaður
sitja í dómnefnd Stuttmyndadaga í ár. Verðlaun verða veitt fyrir þrjár
bestu myndirnar: 100.000 krónur fyrir fyrsta sætið, 75.000 krónur
fyrir annað sætið og 50.000 krónur fyrir þriðja sætið.