Fréttatíminn - 31.08.2012, Blaðsíða 12

Var ekki stillt á útvarp Sögu?
Það er svo þyngra en tárum taki að heyra
flissið í þáttastjórnendum Bylgjunn- ar
inn á milli hatursfulls áróðurs
hagfræðinganna.
Birni Val Gíslasyni,
þingmanni VG, ofbauð
málflutningur hag-
fræðinganna Ólafs
Arnarsonar og Ólafs
Ísleifssonar í morg-
unútvarpi Bylgjunnar.
Nafnarnir eru lítt hrifnir af
ríkisstjórninni og Björn Valur að sama
skapi óhress með þá.
Gelt á þinggutta
Gömlum hundi í pólitík eins og mér þykir
með fádæmum þegar fólk, sem setið hefur
þrjá vetur á þingi, eða jafnvel aldrei komið
þar nálægt, heldur sig vera þess umkomið
að taka að sér forystu í stjórnmálaflokki
og þar með hugsanlega að þurfa að axla
forystuábyrgð fyrir þjóð sína. Messaguttar
kalla ekki eftir skipstjórnarsætinu eftir
sinn fyrsta túr.
Sighvatur Björgvinsson, fyrrum ráðherra
og þingmaður Alþýðuflokksins, sér enga
glóru í miklum metnaði stjórnmálafólks
sem vill, enn blautt bak við eyrun, fá
tækifæri til að leiða flokka sína.
Höfuð bitið af skömm
Ég hefði breitt yfir þetta
sjálfur í þessum sporum
vegna þess að sumu
fólki er náttúrulega
bara illa við þetta og
maður virðir það.
Elvar Árni Lund, for-
maður Skotveiðifélags
Íslands, brást við frétt með
mynd af höfuðlausu hreindýri
á bílkerru sem blasti við vegfarendum
á Egilsstöðum. Fáum til ánægju eða
yndisauka.
Stóra systir minnir á sig
Veist þú um vændisstarfsemi? Hefur þú
rekist á auglýsingar sem greinilega vísa á
vændi eða mansal? Hefur þér verið boðin
greiðsla fyrir kynlíf á stefnumótasíðum?
Safnaðu þá myndum, skjáskotum eða
öðrum gögnum og komdu því til okkar
á netfangið storasystirfylgistmedther@
gmail.com...
Huldusamtökin sem kenna sig við Stóru
systur velgdu vændiskaupendum undir
uggum fyrir all nokkru með því að lokka
þá með tálbeitum og færa lögreglu gögn
um þá. Lögreglan tók aðstoðinni fálega
en Stóra systir er ekki af baki dottin
og biður nú almenning um aðstoð.
Tortímandi gegn einelti
Þetta voru nú mjög saklaus mótmæli
af minni hálfu, en viðbrögð skólans
hafa verið alveg yfirgengileg eins og
ég hafi verið þarna eins og geðveikur
glæpamaður.
Björn Steinarsson minnti
einhverja á Arnold
Schwarzenegger í
hlutverki Tortím-
andans þegar hann
brunaði á mótorhjóli
um ganga Lágafells-
skóla í Mosfellsbæ
til þess að mótmæla
aðgerðaleysi skólastjórnenda í
eineltismálum.
 Vikan sem Var
Sætúni 8, 105 Reykjavík. Sími: 531 3300. ritstjórn@frettatiminn.is Ritstjórar: Jónas Haraldsson jonas@frettatiminn.is og Mikael Torfason
mikaeltorfason@frettatiminn.is. Framkvæmda- og auglýsingastjóri: Valdimar Birgisson valdimar@frettatiminn.is. Útgáfustjóri: Teitur Jónasson teitur@frettatiminn.is .
Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
G
Gjaldeyrishöftum þeim sem við höfum
búið við frá hruni er ætlað að verja gengi
krónunnar þar sem óttast er að erlendir
krónueigendur vilji skipta þeim í stórum
stíl á stuttum tíma fyrir erlendra gjald-
miðla. Nauðsynlegt var að grípa til hafta
þegar allt stefndi í óefni í kjölfar hrunsins.
Þau veittu krónunni skjól en aðgerðir sem
þessar verða að vera til tiltölulega skamms
tíma. Afleitt er fyrir samfé-
lagið að festast í kerfi hafta.
Fyrir slíku er vond reynsla
hér á landi.
Afnám gjaldeyrishaftanna
er eitt brýnasta viðfangs-
efnið í atvinnumálum okkar
en varúðar þarf að gæta við
það. Höftin hafa í för með
sér marga ókosti. Efnahags-
legir hvatar brenglast og ýmis
óþægindi og kostnaður skap-
ast fyrir einstaklinga og fyrirtæki. Þá draga
þau úr áhuga alþjóðlegra fjárfesta á því að
koma með fé inn í landið, en verulega hefur
dregið úr fjárfestingu hérlendis undanfarin
ár. Stjórnendur þróaðra ríkja hafa talið al-
þjóðavæðingu æskilega. Fyrirtæki geti nýtt
sér áhættudreifingu vegna stærri markaðar
sem leiði til aukins hagnaðar og atvinnu-
aukningar í viðkomandi landi.
Samtök atvinnulífsins hafa þrýst á hraða
áætlun um afnám gjaldeyrishafta enda
hafi þau öfug áhrif þegar til lengri tíma
er litið. Höftin skapi stöðugan þrýsting til
lækkunar á gengi krónunnar vegna þeirrar
takmörkunar á framboði gjaldeyris sem
þau valda. Markaðsaðilar skipti helst ekki
erlendum gjaldmiðli fyrir krónur nema til
að greiða innlendan kostnað og afborganir
af lánum eða til að kaupa eignir. Þá tak-
marka höftin aðgang íslenskra fyrirtækja
að fjármagni og takmarka vöxt þeirra,
meðal annars á erlendum mörkuðum.
Tjónið af völdum haftanna felst í vexti og
fjárfestingum sem fara forgörðum og er því
flestum hulið.
Seðlabankinn kynnti í vikunni varúðar-
reglur vegna afnáms gjaldeyrishaftanna
sem stjórnvöld hljóta að hafa í huga þegar
að því kemur – vonandi sem fyrst. Það er
jú löggjafinn sem endanlega þarf að taka á
málinu. Í varúðarreglunum er einnig dreg-
inn lærdómur af hruninu en þær reglur sem
Seðlabankinn leggur til eiga það sameigin-
legt að þeim er ætlað að koma í veg fyrir að
hrunsagan endurtaki sig. Þeirri megin-
stefnu hljóta allir að vera sammála.
Tillögurnar miða að því að nýjar reglur
verði settar um laust fé og gjaldeyrisjöfnuð
fjármálafyrirtækja. Þá leggur bankinn til,
svo komið verði í veg fyrir að mál eins og
Icesave-hneykslið endurtaki sig, að settar
verði hömlur á söfnun innlána erlendis sem
takmarka verulega möguleika innlendra
fjármálastofnana til að safna innstæðum í
erlendum gjaldmiðli frá erlendum aðilum.
Þá vill Seðlabankinn setja skorður við
lánveitingum í erlendum gjaldmiðlum til
sveitarfélaga, heimila og annarra sem ekki
hafa tekjur í erlendum gjaldmiðli. Bankinn
vill stýritæki til að sporna við óhóflegum
sveiflum í flæði fjármagns sem magna hag-
sveifluna. Þar telur bankinn koma til greina
gjald á fjámagnsflutninga og bindiskyldu á
erlenda fjármögnun.
Loks leggur Seðlabankinn til að tíma-
bundnar takmarkanir verði á aukningu
erlendra eigna lífeyrissjóða eftir að höftin
verða losuð til að takmarka útflæði fjár-
magns. Mikilvægt er hins vegar, þegar litið
er til þessa, að gert er ráð fyrir að frelsi
sjóðanna til fjárfestinga erlendis verði
komið á að nýju í þrepum. Það er sjóðunum
brýn nauðsyn enda íslenskur markaður
allt of smár þegar kemur að fjárfestingum
þeirra.
Þessar varúðarreglur ættu, með öðru, að
stuðla sem fyrst að afnámi haftanna.
Brýnt viðfangsefni í atvinnumálum
Höftin burt – með gát
Jónas Haraldsson
jonas@frettatiminn.is
Breytti ímynd kirkjunnar
Maður vikunnar er Agnes M. Sigurðardóttir, biskup Ís-
lands, sem hefur aukið traust til þjóðkirkjunnar töluvert
eftir að hún sigraði í biskupskjöri í vor. Hún hefur enn
fremur aukið vinsældir embættisins um vel ríflega helm-
ing frá því fyrirrennari hennar, Karl Sigurbjörnsson, sat
á biskupsstóli. Tæplega helmingur þjóðarinnar segist
ánægður með störf nýs biskups samanborið við einn af
hverjum fimm fyrir ári. „Ég er ánægð með viðtökurnar
og gleðst yfir þeim. Þetta er bæði gott
fyrir mig og kirkjuna,“ segir Agnes. Aðspurð
segist hún ekki hafa farið í herferð til
að bæta ímynd kirkjunnar. „Kannski
var fólk einfaldlega að bíða eftir
breytingum og að það eitt og
sér gæti hafa valdið þessu. Það
gæti líka hafa haft áhrif að
andlit kirkjunnar út á við er nú
kvenkyns en ekki karlkyns.“
MaðuR vikunnaR
Karlarnir og kúlurnar
Umsóknarfrestur til 7. september
Karlarnir og kúlurnar er verkefni á vegum
Krabbameinsfélags Íslands, Framfarar,
Góðra hálsa og Krafts
Spilað verður í Bakkakoti í Mosfellsbæ
11. september kl. 12:00-18:00
• Karlar sem hafa fengið krabbamein fá tækifæri til að
styrkja sig og leika sér með því að æfa golfsveifluna á
frábærum velli, læra eitthvað nýtt og/eða viðhalda fyrri
færni.
• Golfið er markviss þjálfun - þú leikur til að vinna.
• Þaulvanur og lærður golfkennari, Karl Ómar Karlsson,
kennir réttu tökin, púttið, vippið og sláttinn.
• Steinar B. Aðalbjörnsson, matvæla- og næringarfræð-
ingur, verður með fræðslu um matarræði, hreyfingu og
nestið sem golfarar þurfa að huga að fyrir leik og í leikn-
um sjálfum.
• Tólf menn fá tækifæri - sér að kostnaðarlausu!
Matur - drykkir - vinningar - skemmtun -
fræðsla - útivera - hreyfing
Umsóknir sendist til Ráðgjafarþjónustu Krabbameins-
félagsins fyrir 7. september - fyrstur kemur, fyrstur fær.
Nánari upplýsingar má finna á vefsíðu Krabbameins-
félagsins, www.krabb.is, í síma 540 1900 eða með
tölvupósti á asdisk@krabb.is.
KARLMENN OG KRABBAMEIN.indd 1 8/29/2012 10:09:55 AM
Ævintýri
Múmínsnáða
www.forlagid.is – alvöru bókabúð á netinu
Gleymdu þér í töfraheimi Múmíndals …
12 viðhorf Helgin 31. ágúst-2. september 2012