Fréttatíminn - 31.08.2012, Blaðsíða 34

www.noatun.is
H a m r a b o r g – N ó a t ú n 1 7 – H r i n g b r a u t – A u s t u r v e r – G r a f a r h o l t
O
kkur Helgu finnst gefandi að
geta sinnt vinnu með barnaupp-
eldinu. Vinnan gefur mér kraft
og ég finn að ég hefði ekki komist
í gegnum síðustu vikur nema út
af því hversu skemmtileg við-
fangsefnin eru í Ígló. Getur maður verið eingöngu
í því að sinna móðurhlutverkinu? Pottþétt mjög
margar og ég virði það mjög, en við tvær höfðum
þörf fyrir að hafa annað með. Að vera móðir og í
Ígló er frábært,“ segir Guðrún Tinna Ólafsdóttir,
framkvæmdastjóri barnafatamerkisins.
Þær Tinna og Helga Ólafsdóttir leiddu hesta sína
saman fyrir um einu og hálfu ári. Helga er stofn-
andi fyrirtækisins, yfirhönnuður, þróunar- og fram-
leiðslustjóri á meðan Tinna sér um fjármál- og vöxt
á smásölumarkaði. Þær eru hlaðnar reynslu. Tinna
Láta barnastússið ekki stoppa sig
Framakonur á fertugsaldri. Guðrún Tinna Ólafsdóttir með sex og hálfs mánaðar tvíbura, tvö eldri og stjúpson – fimm börn. Helga Ólafsdóttir á steypirnum með tvö
börn heima – brátt þrjú börn. Þær halda mörgum boltum á lofti og hefur tekist að sameina fyrirtækjarekstur, fjölskyldulífið og framann. Þær taka börnin með í vinn-
una, vinnuna með heim, setja karlana á bið og stefna fram á við. Þær Tinna og Helga hafa breytt vinnukúltúrnum í kringum sig. Hvernig fara þær að þessu?
með meistaragráðu í fjármálum og stjórnun og
hafði fyrir Ígló lengst af unnið við stjórnun á smá-
sölufyrirtækjum Baugs á Norðurlöndum. Hagar,
Magasin du Nord, Illum, Day Birger et Mikkelsen
og Topshop voru á hennar könnu.
Helga lærði hönnun bæði í Danmörku og London,
hafði yfirumsjón með fyrstu fatalínu danska hönn-
uðarins Ilse Jacobsen, starfaði sem hönnuður hjá
All Saints í London og Isay í Danmörku. Hún hafði
umsjón með vöruþróun hjá alþjóðlega tískumerkinu
Nikita og hefur hannað fatnað fyrir Latabæ.
Hætti við að flytja út
Þær þekktust áður en þær fóru að vinna saman,
en þó ekki sérstaklega vel. Eru jafn gamlar – 37 ára
– og voru á sama tíma í MR. Tinna kom í fyrstu að
Ígló sem ráðgjafi þegar Helga sá fram á að ef vildi
hún ná lengra þyrfti hún sérfræðing í fjármálin og
tíma til að einblína á hönnunina. Tinna var ólétt
af tvíburum og við það að flytja til Bandaríkjanna
þar sem eiginmaður hennar, Karl Pétur Jónsson,
var í góðu starfi sem einn af framkvæmdastjórum
eins stærsta túnfisksframleiðanda heims, Umami
Seefood. Komin með skólapláss fyrir dæturnar og
vísa. En með Ígló og tvíburunum breyttust plönin.
„En ég blandaðist rekstri Ígló hratt og ekki vildu
læknar að ég myndi fljúga út ólétt af tvíburunum.
Okkur óx einnig í augum að eignast börnin í Banda-
ríkjunum, enda vorum við ekki komin með réttu
tryggingarnar. Við tókum því þá ákvörðun að eiga
börnin heima og flytja út þegar þau væru nokkurra
mánaða gömul,“ segir hún. „Þar sem ég var komin á
fullt hjá Ígló þegar tvíburarnir fæddust freistaði það
mín lítið að fara til Bandaríkjanna með fjögur ung
börn – Ég sá mig ekki sem „soccermum“. Ég vissi
að ég vildi vinna.“
Helga samsinnir enda upplifað að vera með börn
í Bandaríkjunum. „Ég sá eftir nokkra mánuði með
tvö börn í Bandaríkjunum að ég gæti ekki séð fyrir
mér, færi ég að vinna. Ég hefði ekki upp í leikskóla-
gjöldin. Mér fannst það frústrerandi og vildi komast
heim. Maðurinn minn var að vinna úti. Ég var farin
að hringja í Jón Hauk [Baldvinsson mann sinn]
klukkan þrjú á daginn: Hvað viltu í kvöldmatinn?
Ég hafði ekkert að gera en var að reyna að halda
mér upptekinni.“ Hún tók þátt í hönnunarkeppni
Hagkaups varð í öðru sæti og fötin framleidd.
„Þetta voru fyrstu barnafötin sem ég hannaði.“
Vilja ekki fórna framanum
Tinna lýsir frelsinu sem við öll þekkjum hér
heima. „Eldri dætur okkar hjóla um Seltjarnarnes;
eru frjálsar. Ytra hefði ég þurft að koma þeim inn
í félagslífið, skipuleggja „play-dates“, skutla þeim,
vera með ungbörnin. Við höfum verið með au-pair
og það vil ég ekki. Við fórum í gegnum plúsa og
mínusa. Þar sem Kalli var búinn að læra mest það
sem hann gat hjá Umami tókum við þá ákvörðun
að vera hér. Við erum ótrúlega ánægð með þessa
ákvörðun.“
Þær eru báðar sammála því að þótt hollt sé að búa
í útlöndum jafnist það ekki á við að vera hér; geta
stokkið með börnin á kaffihús, gripið kaffibolla á
Kaffitári og búa í samfélagi sem finnst ekkert sjálf-
sagðara en konur sameini vinnu og fjölskyldulíf.
„Víða úti er gert ráð fyrir því að konan sé heima,“
segir Helga. „Við hins vegar báðar, algjörlega óháð
fjárhagnum, viljum vinna.“
Með börnin í vinnunni
Þegar sonur Helgu var að skríða í átta mánaða
aldur var hún svo heppin af fá vinnu hjá Ilse Jacob-
sen. Þau fluttu heim og Helga vildi komast aftur
inn í hönnunarbransann. „Ég fékk svarið á jóladag.
Baldvin komst inn á ungbarnaleikskóla hér heima
og ég varði virku dögunum í Danmörku. Leikskóla-
stjórinn þar sagði við mig: Börn á þessum aldri
skynja ekki tíma svo vel. Hann skynjar ekki að þú
farir í fimm daga. Þetta hjálpaði mér. En ég var því
fegnust að fá hann út til mín.“
Börnin skipta þær stöllur miklu máli og er þetta
í fyrsta sinn sem Tinna mætir í vinnuna án tvíbur-
anna – þeir eru væntanlegir innan klukkustundar.
Það eru engin forréttindi þeirra, því þau eru oft öll
með í vinnunni. „Þau eldri hafa skoðun á fötunum,
skoðun á teikningunum og vilja vera með.“ En
hvernig sinnir Helga vinnunni þegar þriðja barnið
kemur í heiminn, eftir mánuð? „Tja, það kemur í
ljós,“ segir hún og hlær. Tinna fer yfir hvernig plön-
in sem hún gerði þegar tvíburarnir fæddust fuku út
í veður og vind.
„Ég var sett í byrjun febrúar og allir gera ráð
Þær Tinna og Helga með börnunum sínum. Tinna á fjögur og stjúpson, Helga tvö og eitt á leiðinni. Mynd/Hari
34 viðtal Helgin 31. ágúst-2. september 2012