Fréttatíminn - 31.08.2012, Blaðsíða 70
58 bíó Helgin 31. ágúst-2. september 2012
Þetta
er ekki
sama
handritið
og ekki
alveg
sami
sögu-
þráður
út í gegn.
Kjarninn
er samt
sá sami.
Frumsýndar ÁvaxtakarFan Í Fyrsta sinn Í bÍó
s öguþráð Ávaxtakörfunnar þekkja vita-skuld margir en leikritið gerist í ávaxta-körfu og tekur á samfélagsmeinum eins
og einelti og fordómum en slíkt grasserar í
ávaxtakörfunni rétt eins og í mannheimum.
Allir ávextirnir í körfunni eru kúgaðir af
Imma ananas og Mæja jarðarber er það í
verstu aðstöðunni þar sem hún er minnst.
Hún er lögð í einelti og er einhvers konar
Öskubuska í körfunni og þarf að sjá um öll
þrif þar.
Þegar Gedda gulrót villist ofan í körfuna
tekur hún við hlutverki Mæju og verður
fyrir barðinu á miklum fordómum enda er
hún grænmeti og þykir því alls ekki eiga
heima í körfunni. Ólöf Jara Skagfjörð leikur
Mæju jarðarber í bíómyndinni en hún var á
barnsaldri þegar verkið var fyrst sett á svið
og þekkti það því inn og út áður en hún fór í
búning Mæju. „Já, já. Að sjálfsögðu. Ég kunni
lögin og allt og þurfti eiginlega ekkert að
læra þau,“ segir Ólöf Jara. „Ég kunni þau bara
þannig að þetta var mjög heppilegt. Búning-
arnir í þessu eru líka svo flottir þannig að það
var mjög auðvelt að komast í karakter í svona
fallegum búningi.“
Ólöf Jara segir að þótt grunnur bíómyndar-
innar sé sá sami og í leikritinu þá sé þó ekki
um beina yfirfærslu að ræða. „Þetta er ekki
sama handritið og ekki alveg sami söguþráð-
ur út í gegn. Kjarninn er samt sá sami og sem
fyrr er deilt á fordóma, frekju og einelti með
þeim boðskap að allir eigi að vera vinir og það
allt saman. En þetta er ekki eins og leikritið.
Síðan verður þetta að sjónvarpsþáttum í vor.“
Sjónvarpsþættirnir verða tólf og Ólöf Jara
segir að í raun hafi þeir verið settir saman í
myndina sem byrjar í bíó um helgina. „Þetta
er stutt mynd, 70 mínútur, sem við viljum eig-
inlega frekar kalla bíóskemmtun en bíómynd.“
Immi ananas er frekur og með mikla
drottnunarþörf og bananarnir marsera um
körfuna og framfylgja valdboði hans. Immi
ógnar hinum ávöxtunum ekki síst með hinni
skelfilegu mygluholu sem hann hótar að
steypa þeim ofan í sem láta ekki að vilja hans.
Mygluholan sást aldrei í leikritinu en í bíó fá
krakkarnir í fyrsta skipti að skyggnast ofan í
þann skelfilega stað.
Eins og fyrr segir á Mæja jarðarber undir
högg að sækja. „Hún hefur alltaf verið lögð
í einelti,“ segir Ólöf Jara. „Hún sér um að
sópa og þykir ekkert sérstaklega merkilegur
ávöxtur vegna þess að hún er ber. Svo villist
Gedda gulrót í ávaxtakörfuna og er mjög
óvelkomin vegna þess að hún er náttúrlega
grænmeti. Flestum þarna finnst hún ekki
eiga heima í ávaxtakörfu en við verðum hins
vegar vinkonur.“
Ávaxtakarfan var tekin upp í Latabæjar-
stúdíóinu í Garðabæ í janúar. Sjálfbærni og
náttúruvernd eru veigamiklir þættir í hug-
myndafræði Ávaxtakörfunnar þannig að leik-
myndin og flestir leikmunir voru endurunnir
úr náttúrlegum efnum eins og vörubrettum
og strigapokum undan kaffi.
Sævar Guðmundsson leikstýrir mynd-
inni og sjónvarpsþáttunum en auk Ólafar
Jöru eru Matthías Matthíasson, Ágústa
Eva Erlendsdóttir, Helga Braga Jónsdóttir,
Magnús Jónsson, Atli Óskar Fjalarsson,
Bára Lind Þórarinsdóttir, Fannar Guðni
Guðmundsson og Birgitta Haukdal í helstu
hlutverkum.
Leikrit Kristlaugar Maríu Sigurðardóttur um lífið í Ávaxtakörfunni var frumsýnt 1998 og hefur
notið mikilla vinsælda hjá börnum allar götur síðan. Verkið hefur lifað góðu lífi á DVD-diskum
þannig að börn sem ekki voru fædd þegar verkið var sett upp fyrst hafa átt þess kost að njóta
þess og meðtaka þann jákvæða boðskap sem Ávaxtakarfan boðar og sjálfsagt eru þeir ófáir
foreldrarnir sem eru við það að verða gráhærðir af því að hlusta endalaust á börnin syngja með
lögum Þorvaldar Bjarna Þorvaldssonar. Fólk hlýtur samt að fagna fyrir hönd barna sinna nú
þegar Ávaxtakarfan kemur í bíó í fyrsta sinn.
Þórarinn
Þórarinsson
toti@frettatiminn.is
Leikarinn Dax Shepard er allt í öllu í
gamanspennumyndinni Hit and Run. Hann
skrifar handritið, leikstýrir ásamt David
Palmer, auk þess sem hann leikur annað
aðalhlutverkanna.
Shepard leikur geðþekkan náunga, sem
svo skemmtilega vill til að er kallaður
Charles Bronson. Hann situr uppi með
að hafa verið staðinn að bankaráni ásamt
nokkrum félögum sínum. Hann var flótta-
bílstjóri ræningjanna sem komu stærstum
hluta sakarinnar á hann þannig að nú er
hann á skilorði fyrir glæpinn.
Sá gamli, glaðbeitti hlunkur, Tom Arnold,
leikur lögreglumann sem fylgist náið með
Bronson. Ekki síst þar sem hann telur
Bronson vita hvar ránsfengurinn er falinn.
Okkar maður er hins vegar hugfanginn af
nýju kærustunni sinni, sem Kristen Bell
leikur, og þegar hún lendir í vandræðum er
Bronson tilbúinn til þess að leggja allt undir
fyrir hana og rjúfa skilorð.
Kærastan þarf að komast á mikilvægan
fund í Los Angeles og ökuþórinn ákveður
að skutla henni þangað í flýti. Þá fyrst byrja
lætin þar sem parið er bæði með lögguna
og félaga hans úr glæpaliðinu á hælunum.
Auk Arnolds láta Bradley Cooper og
gamli jálkurinn Beau Bridges til sín taka í
Hit and Run.
Aðrir miðlar: Imdb: 5.9, Rotten Tomatoes:
44%, Metacritic: 50%
Dax er allt í öllu
The Odd
Life of
Timothy
Green
Peter Hedges, sem leikstýrði Dan
in Real Life, skrifaði handritið að
About a Boy og handrit What’s
Eating Gilbert Grape upp úr eigin
skáldsögu, leikstýrir The Odd Life of
Timothy Green. Jennifer Garner og
Joel Edgerton leika barnlaus hjón
sem grafa í garðinum hjá sér kassa
með öllum óskum sínum um að
eignast barn. Skömmu síðar kemur
Timothy Green í heiminn en hann er
ekki allur þar sem hann er séður.
Aðrir miðlar: Imdb: 6.4, Rotten
Tomatoes: 38%, Metacritic: 48%
Dax Shepard
og Kristen Bell
komast í hann
krappan þegar
þau ætla sér að
bruna til Los
Angeles með
löggur og bófa á
hælunum.
Skyggnst ofan í mygluholuna
Ólöf Jara Skagfjörð á undir högg að sækja í hlutverki Mæju jarðarbers í Ávaxtakörfunni.
Einhver bið verður á
að Mikael Blomkvist og
Lisbet Salander láti sjá
sig á ný.
That’s My Boy
Adam Sandler hefur sérhæft sig í að leika
leiðinlega vitleysinga og slær hvergi af í
That’s My Boy. Hér leikur Sandler Donny,
sem eignast barn með kennaranum sínum á
unglingsárunum. Hann situr síðan uppi með
að ala barnið upp þar sem barnsmóðurinni er að
sjálfsögðu stungið í steininn fyrir að hafa lagst
með unglingi. Donny er vonlaus faðir en tekst
samt að skila syninum Todd af sér í heilu lagi en
þegar Todd verður átján ára stingur hann af úr
vist föður síns. Síðar þegar Donny er í bullandi
peningavandræðum kemst hann að því að sonur
hans hefur náð langt í viðskiptalífinu og ákveður
að heimsækja strákinn.
Aðrir miðlar: Imdb:
5.0, Rotten Tomatoes:
22%, Metacritic: 30%
ChuCk norris Lætur eina mynd duga
Situr hjá í Expendables 3
Drápsveisla rígfullorðinna harð-
hausa, The Expendables 2, trónir
enn á toppi aðsóknarlista ytra eftir
tvær vikur og lögum samkvæmt
er þegar byrjað að huga að þriðju
myndinni enda eru Sylvester Stal-
lone og félagar frægir fyrir að blóð-
mjólka allt sem þeir koma nálægt og
virkar.
Verði splæst í aðra framhalds-
mynd þarf að sjálfsögðu að bæta við
fleiri gömlum kempum en eru nú
þegar fyrir á fleti og nöfn nokkurra
sígildra hasarkarla eru þegar komin
á kreik. Nicolas Cage er eðlilega
nefndur til sögunnar og hann og
Wesley Snipes eru óneitanlega öllu
líklegri til þess að slá til en þeir
Harrison Ford og Clint Eastwood
sem hafa einnig verið nefndir.
Einnig þykja meiri líkur en minni
til þess að Mickey Rourke láti aftur
til sín taka í hlutverki Tool en hann
sat hjá í The Expendables 2 en hann
og Eric Roberts voru, að því er
virtist, þeir einu sem ætlast var til
þess að sýndu leikræn tilþrif í fyrstu
myndinni.
Chuck Norris, sem á dásam-
lega og blóðuga innkomu í The
Expendables 2, ætlar aftur á móti
klárlega ekki að vera með í næstu
umferð. „Nei. Ég verð bara í númer
tvö. Þessu er lokið hjá mér. „Það
var mjög sérstakt að fá tækifæri til
þess að gera mynd með náungum
sem ég hef þekkt árum saman. Að
fá tækifæri til þess að koma saman
og berjast með þeim. Það var mjög
skemmtilegt. Auk þess sem mér
fannst mjög ánægjulegt að hitta
Terry Crewes og Jason Statham en
ég hafði ekki hitt þá áður.“
saLander Lætur bÍða eFtir sér
Leikur sér ekki að eldi í bráð
Endurgerð Davids Fincher á sænsku spennumyndinni
Karlar sem hata konur sem aftur byggði á samnefndri
spennusögu Stiegs Larsson olli nokkrum vonbrigðum
þrátt fyrir ágæta spretti og aðsóknin var ekki í samræmi
við væntingar. Hollywood hefur þó ekki snúið baki við þeim
Mikael Blomkvist og Lisbeth Salander og þótt lítið hafi frést
af framhaldinu, The Girl Who Played With Fire, er stefnt að
því að ljúka við þá mynd og frumsýna í fyrsta lagi árið 2014.
Samkvæmt heimildum Entertainment Weekly er Steven
Zaillian að skrifa handritið og á meðan er allt annað í
biðstöðu. Ekki er búið að ganga frá ráðningu leikara, leit að
tökustöðum er ekki byrjuð og enginn leikstjóri hefur verið fenginn að verkefninu.
Fincher er efstur á óskalista Sony en alls óvíst er hvort hann kæri sig yfirleitt um að
halda áfram að spinna þríleik Larssons. Rooney Mara og Daniel Craig munu hins
vegar endurtaka rullur sínar sem Blomkvist og Salander, verði til þess ætlast, þannig
að hættan á því að skipt verði um aðalleikara á miðri leið er lítil.
Gamla kempan Chuck
Norris setur skemmti-
legan svip á The Exp-
endables 2 en ætlar að
láta þar við sitja.
MEÐ STUÐNINGI REYKJAVÍKURBORGAR OG KVIKMYNDAMIÐSTÖÐVAR ÍSLANDS CAFÉ/BAR, opið 17-23
VERTU FASTAGESTUR!
Ódýrara í bíó með aðgangskortum!
Sjá sýningartíma á BIOPARADIS.IS og MIDI.IS
SKÓLANEMAR: 25% afsláttur
gegn framvísun skírteinis!
NÝTT Í BÍÓ PARADÍS!
KÓNGAGLENNA (EN KONGELIG AFFÆRE)
ÞAU BREYTTU SÖGU
DANMERKUR AÐ EILÍFU!
STÆRSTA MYND DANA
Á ÞESSU ÁRI