Fréttatíminn - 31.08.2012, Blaðsíða 16

Síminn fyrir rétti
Í gögnum um símnotkun i Herjólfsdal um
verslunarmannahelgina gætu leynst sönn-
unargögn í nauðgunarmáli. Héraðsdómur
úrskurðaði að Síminn skyldi afhenda lögreglu
gögnin en hæstiréttur sneri úrskurðinum og
reiðibylgja fór um Fésbókina.
Ég er eiginlega bara nokkuð ánægð með
Símann og enn ánægðari með Hæstarétt
í þessu tilfelli. Eins ömurlegt og það er
þá getur verið skítt að þurfa að fara eftir
mannréttindum, friðhelgi einkalífs og
persónuvernd....... en þannig er það nú
samt og þannig viljum við hafa það.
No matter what.
Heiða B Heiðars
Héraðsdómur úrskurðaði að birta mætti
farsímanúmer sem notuð voru á tíu
mínútna tímabili í Herjólfsdal snemma að
morgni mánudags á þjóðhátíð í Eyjum. Talið
var að þannig mætti ef til vill finna manninn
sem nauðgaði ólögráða stúlku á þjóðhátíð
þeirra Eyjamanna rétt áður. Síminn áfrýjaði
úrskurði héraðsdóms til Hæstaréttar til
að torvelda rannsókn málsins. Svo kemur
forstjóri Símans í fréttir á Stöð tvö og segir
að Síminn sé ,,allur af vilja gerður til að
vinna með lögreglunni í málum sem þessu”.
Hvílík endemis tvöfeldni! Hvað annað er
hægt að kalla þetta?
Eiður Svanberg Guðnason
Var við öðru að búast af Hæstarétti?
María Lilja Þrastardóttir
Haldið utan við landsliðið
Knattspyrnumaðurinn Eiður Smári Guðjohnsen hlaut ekki
náð fyrir augum Lars Lagerbäck, landsliðsþjálfara karla
í knattspyrnu, en hann valdi Eið Smára
ekki í hópinn sem mætir Norðmönnum á
Laugardalsvelli þann sjöunda september.
Eiður Smári má því muna fífil sinn fegurri
en hann hefur mörg undanfarin ár verið
burðarás íslenska landsliðsins, meðfram
atvinnumennsku sinni ytra. Lagerbäck
sagði á blaðamannafundi, þar sem valið
var tilkynnt, að þótt Eiður Smári væri
góður leikmaður, þá væri hann án félags
sem stendur og ekki í leikæfingu.
Vikan í tölum
Léttir á skuldum bæjarins
Þungar skuldir hafa hvílt á Reykjanesbæ en ástandið batnaði í
vikunni þegar seld voru skuldabréf sem bæjarfélagið eignaðist
við sölu á HS orku til Geysis Green Energy og síðar Magma Energy
fyrir 6,3 milljarða króna. Fagfjárfestasjóðurinn ORK
kaupir, en sjóðurinn er rekinn er af Rekstrarfélagi
Virðingar hf og er fjármagnaður af lífeyrissjóðum
og fagfjárfestum. Reykjanesbær notaði pen-
ingana meðal annars til að greiða upp erlent
lán og hefur þar með gert upp öll erlend
lán bæjarfélagins. Einnig voru greidd
upp skammtímalán og aðrar skamm-
tímakröfur. Um 870 milljónir króna verða
lagðar til Reykjaneshafnar.
HeituStu kolin á
Góð Vika
fyrir
Árna Sigfússon, bæjarstjóra Reykjanesbæjar
Slæm Vika
fyrir
Eið Smára Guðjohnsen knattspyrnumann
289
ár eru síðan Íslendingakráin Hviids
Vinstue við Kongens Nytorv í Kaup-
mannahöfn var opnuð. Kráin berst
nú í bökkum vegna framkvæmda við
neðanjarðarlestakerfið þar í borg.
130
kílómetra þurfa
börnin í grunn-
skólanum Hofgarði
að ferðast til að
komast í sundtíma
á Höfn í Hornafirði.
Ferðalagið fram og
til baka tekur um
fjórar klukkustundir. 444
manns bíða nú
eftir því að hefja af-
plánun í fangelsum
landsins.
45
prósent þeirra sem
tóku afstöðu í nýrri
könnun Gallups
eru ánægð með
störf Agnesar M.
Sigurðardóttur
biskups. Í fyrra
voru einungis 19
prósent ánægð með
störf þáverandi
biskups, Karls
Sigurbjörnssonar.
111
kílómetra hjóla
þeir hörðustu í
hjólreiðakeppninni
Gullhringnum
sem fer fram um
helgina.
922
milljarða áttu
Íslendingar í
erlendum verð-
bréfum í lok síðasta
ár. Sú eign jókst um
125,5 milljarða frá
árinu á undan.
Hjallastefnan
Snilld eða misskilningur?
V ið munum komast að því eftir tíu eða tutt-ugu ár hvort þetta er snilld – eða fullkom-inn misskilningur,“ sagði maðurinn minn
um Hjallastefnuna eftir að við tókum þá ákvörðun
að dóttir okkar færi í 1. bekk í Barnaskóla Hjalla-
stefnunnar. Þetta er heldur ekki fyrsta barnið
okkar sem fer í 1. bekk, þetta er það fimmta, en það
hefur aldrei verið mál að velja skóla.
Ástæðan er sú að fyrir tveimur árum kynntumst
við Hjallastefnunni þegar yngstu börn-
in okkar fengu inni á Laufásborg. Það
var í rauninni hending að Laufásborg
varð fyrir valinu, krakkarnir áttu þar
vini og við fengum pláss á miðjum
vetri. Ég hafði heyrt góða hluti af
Hjallastefnunni en ekki myndað mér á
henni skoðun.
Fyrstu dagana og jafnvel vikurnar
eftir að börnin tvö byrjuðu í Laufás-
borg var ég alltaf pínulítið vandræða-
leg þegar ég kom með þau í skólann.
Þar ríkir sérstakt tungumál, allir
glaðir og brosandi og mikið um faðm-
lög. „Velkominn, kæri vinur, Birgir,“
voru móttökurnar og sömuleiðis: „vel-
komin, kæra vinkona, Bríet“. Fljótlega
fóru börnin að nota „hjallísku“ heima og fékk ég að
heyra: „Gengur bara betur hjá þér næst, mamma,“
þegar ég gerði mistök. Svo frétti ég af því að ein
stúlka á kjarnanum hennar Bríetar hefði farið í „or-
lof“ í kubbakrók því hún hafði ekki tekið leiðsögn
þrátt fyrir viðvörun. Því að í „hjallísku“ eru engin
neikvæð orð notuð.
Hjallastefnan er ekki ein um þá stefnu, að nota
ekki neikvæð orð, en reynsla mín af ótalmörgum
leikskólum sýnir að það er einstakt hve vel það
tekst í Hjallastefnunni. Ef til vill er ástæðan sú að
þeir sem velja að starfa innan Hjallastefnunnar er
fólk sem hrífst af þeirri hugsjón sem þar er ríkjandi
og gengur inn í stefnuna og allt sem henni fylgir.
Hver veit.
Við hjónin grínuðumst með þetta okkar á milli,
að nú væru börnin okkar að alast upp í sértrúar-
söfnuði. Þetta er alveg pínulítið þannig. Þegar ég
mætti með skólastúlkuna á skólasetningu fengu
foreldrar að vita að skólahúsnæðið sem væri í bygg-
ingu væri ekki tilbúið. Fyrir því voru tíndar til ótal
ástæður – og allt í góðu með það, ótal hlutir geta
komið upp og tafið fyrir byggingu skóla – en það
sem mér fannst merkilegast í þessu öllu var að for-
eldrarnir bókstaflega klöppuðu eftir þessa tilkynn-
ingu, brosandi sæl og glöð með að skólahúsnæðið
yrði ekki tilbúið fyrr en 18. september og þangað
til færi skólastarf fram í Valsheimilinu að Hlíðar-
enda. Frábært! Algjör snilld! Og svo tóku allir lagið
saman – í alvörunni!
Tvennt flæktist nokkuð fyrir okkur þegar við
stóðum frammi fyrir þessari stóru ákvörðun: ann-
ars vegar það að senda barn í einkaskóla og hins
vegar kynjaskiptingin í bekkjunum. Við verðum
við að taka umræðu okkar á milli um það hvernig
einkaskólakerfið samrýmdist lífsskoðunum okkar.
Hvernig útskýrir maður það fyrir börnunum sín-
um að stúlkur og drengir (hjallíska) geti ekki verið
saman í bekk? Rökin í Hjallastefnunni eru meðal
annars þau að með því sé verið að viðurkenna
hve kynin séu ólík, stúlkur eigi meira sameigin-
legt með stúlkum en drengjum og hið sama gildir
um drengi. Hegðunarskali hópsins minnki þegar
kynin eru aðskilin og því ríki meira jafnvægi innan
hans. Auðveldara sé að vinna með veikleika hvors
kynsins, að fylla stúlkurnar sjálfstrausti og kenna
drengjunum hjálpsemi, svo fátt eitt sé nefnt. Svo ég
fór að lesa.
Rannsóknir sýna að stúlkum gengur betur í
stærðfræði og vísindagreinum þegar þær eru
aðskildar frá drengjum og drengirnir bæta sig í
listgreinum og tungumálum. Einkunnir beggja
kynja reyndust að meðaltali hærri en í blönduðum
bekkjum og var munurinn sláandi.
„Hmmm“, hugsuðum við... „prófum þetta bara.“
Ekki síst í ljósi þess að við eigum fjögurra ára dreng
sem byrjar í skóla eftir tvö ár og kynjaskiptir bekkir
nýtast drengjum greinilega enn betur en stúlkun-
um og eitt af því sem mest hefur verið rætt um varð-
andi íslenskt skólakerfi að undanförnu er hversu
mikið verr drengjum líður í skóla en stúlkum.
En þegar ég sat þarna á skólasetningunni, meðal
brosandi foreldra, mundi ég af hverju ég hafði valið
einmitt þennan skóla. Magga Pála og hugsjónir
hennar. Hún hélt tölu fyrir okkur, foreldrana, í á
aðra klukkustund, um Hjallastefnuna og börnin
og foreldrana og fyllti okkur þvílíkum eldmóði og
jákvæðni að það var bara ekki hægt annað en að
klappa fyrir því að það tefðist um mánuð að taka í
notkun nýjan skóla. Hún er sannkallaður leiðtogi af
Guðs náð.
Og ég fór að velta því fyrir mér hvers vegna við
ættum ekki fleiri Möggu Pálur. Til dæmis í pólitík-
inni. Mikið óskaplega þyrftum við á því að halda.
Sigríður
Dögg
auðunsdóttir
sigridur@
frettatiminn.is
sjónarhóll
Dömur og týndir riddarar
Tinna Rós Steinsdóttir, blaðakona á Frétta-
blaðinu, varpaði sprengju í jafnréttisumræð-
una á Facebook með Bakþankapistli sínum
um rétt sinn til þess að vera bjargarlaus
og treysta á aðstoð karla í vissum efnum.
Þótt aldrei sé vopnahlé í kynjastríðinu á
Facebook ætlaði allt um koll að keyra þegar
Tinna Rós viðraði skoðanir sínar.
Í ljósi pistilsins sem birtist í Fréttablaðinu
í dag um stelpur og ljósaperur finnst mér
nauðsynlegt að koma því á framfæri að
rétt í þessu skipti ég um tvær ljósaperur,
alveg sjálf. Egill Þórarinsson ætlar svo að
skipta um tvær ljósaperur á eftir, þegar
hann er búinn að horfa á fótboltaleik. Það
er þó ekki kynjasjónarmið sem veldur,
heldur það að ég næ ekki uppí þær.
Hildur Knútsdóttir
slakið á - það þurfa ekki allir að vera eins.
Tinna vill að karlmenn pumpi í dekkið
hennar. Það má.
Tobba Marinósdóttir
Það er fátt ömurlegra en að fá morðhót-
un. Ég tala af reynslu. Eftir útgáfu fyrstu
skáldsögu minnar fékk ég nafnlaust símtal
með skilaboðunum: „Ég kem heim til þín í
nótt og drep þig!“ Flott hjá Tinnu að kæra
þessi fífl.
Óttar M. Norðfjörð
Tinna Rós, tékk. Tryggvi Þór, tékk. Jónas
K, tékk. Fólkið sem er vont við Tinnu Rós,
tékk. Yfir hverju eigum við svo að tryllast
næst, krakkar mínir?
Þórunn Hrefna
16 fréttir Helgin 31. ágúst-2. september 2012 vikunnar