Fréttatíminn - 13.05.2011, Qupperneq 10

Jónas
Haraldsson
jonas@
frettatiminn.is
VELKOMIN Á BIFRÖST
– áhersla á nýsköpun og frumkvöðlastarf
Alhliða viðskiptanám sem ætlað er að búa nemendur undir ábyrgðar- og stjórnunarstörf
í innlendu og alþjóðlegu samkeppnisumhverfi. Boðið er upp á allar helstu greinar
viðskiptafræðinnar, fjármál, stjórnun og markaðsmál, auk almennra námsgreina.
Á Bifröst gefst nemendum kostur á að ljúka námi á skemmri tíma þar sem sumarnám er
hluti reglulegs náms. Náminu má því ljúka á tveimur og hálfu ári.
Upplifðu Bifröst
Komdu í heimsókn og kynntu þér námið í
1 dag til að fullvissa þig um að það henti þér.
Í leiðinni geturðu skoðað líkamsræktina,
kaffihúsið, leikskólann, golfvöllinn og fleira
sem háskólasvæðið hefur upp á að bjóða.
Nánari upplýsingar á bifrost.is
Opinn
dagur
21. maí
Opið fyrir umsóknir á bifrost.is
Viðskiptafræði
BS-BBA
Eignir lífeyrissjóða voru ríflega 5% meiri að raun-
gildi í lok fyrsta ársfjórðungs en á sama tíma í fyrra.
Hrein eign til greiðslu lífeyris nam alls 1.965 millj-
örðum króna í lok mars, samkvæmt tölum frá Seðla-
bankanum. Ávöxtun sjóðanna var þó væntanlega
minni, að mati Greiningardeildar Íslandsbanka, þar
sem innflæði í þá vegna iðgjaldagreiðslna er meira
en útflæði vegna lífeyrisgreiðslna og úttektar á sér-
eignarsparnaði. Hefur raunávöxtun þeirra tæpast
verið öllu meiri en 3,5% tryggingafræðilegra upp-
gjörskrafna þeirra. Eignin hafði hækkað um ríflega
16 milljarða króna í mánuðinum, en frá sama mánuði
árið 2010 jókst hrein eign sjóðanna um 137 milljarða
króna. Breyting hefur orðið á eignasamsetningu líf-
eyrissjóðanna, ekki síst undanfarið ár, þ.e. tilfærsla
úr erlendum eignum yfir í verðtryggð skuldabréf
með íbúðaveði. Séu íbúðabréf, húsnæðisbréf, hús-
bréf og sjóðfélagalán lífeyrissjóðanna lögð saman
og borin saman við erlendar eignir sjóðanna má sjá
að hlutfall þessara tveggja eignaflokka var lengst
af svipað frá miðjum síðasta áratug, þótt fyrrnefndi
eignaflokkurinn hafi tekið forystusætið af hinum
síðarnefnda í kjölfar alþjóðlegu efnahagskreppunnar
undir árslok 2008. Nú er hins vegar svo komið að
verðtryggð skuldabréf með íbúðaveði nema tæplega
750 milljörðum króna í bókum lífeyrissjóðanna, en
erlendar eignir þeirra nema 483 milljörðum króna.
Lífeyrissjóðirnir eru því, segir Greiningin, beint eða
óbeint lánardrottnar tæplega tveggja þriðju hluta
verðtryggðra lána íslenskra heimila.
7,3
hagnaður af
vöruskiptum
Apríl 2011
Hagstofa Íslands
Hagstæð vöruskipti í apríl
Vöruskiptin við útlönd voru hagstæð um 7,3 milljarða króna í apríl. Alls voru fluttar
út vörur fyrir tæpa 43,6 milljarða króna en vöruinnflutningur nam um 36 milljörðum
króna, að því er fram kemur hjá Hagstofu Íslands. Er þetta nokkuð meiri afgangur en
hann var mánuðinn á undan en þó nokkuð minni en hann hefur að jafnað verið síðasta
árið. Samanborið við apríl í fyrra er afgangurinn af vöruskiptum nú rúmlega 10%
meiri. Sé miðað við fyrstu fjóra mánuði ársins er vöruskiptaafgangur um 11% minni
nú í ár en hann var á sama tíma í fyrra, að því er fram kemur hjá Greiningu Íslands-
banka. Skýrist sá munur af því að innflutningur hefur aukist töluvert umfram það sem
útflutningur hefur gert. -jh
 Lífeyrissjóðir óbeint Lánardrottnar tveggja þriðju hLuta verðtryggðra Lána ísLenskra heimiLa
Eignir lífeyrissjóðanna 1.965 milljarðar
Lífeyrissjóðirnir eru, beint eða óbeint, lánveitendur meirihluta
verðtryggðra lána. Eignir sjóðanna nema nú 1.965 milljörðum.
b rynjar Níelsson, formaður Lögmannafélags Íslands, finnst lítið til um ákæru saksóknara Alþingis á hendur Geir H. Haarde, fyrrver-
andi forsætisráðherra. Hann segir að allar rök-
semdir vanti og hann hefði búist við meiru og
nákvæmari útlistun á brotum í ákærunni sem
er í tveimur liðum og snýr að vanrækslu og
aðgerðaleysi.
„Það er alveg ofboðslega skrýtið að það sé
verið að ákæra fyrir að gera eða gera ekki eitt-
hvað óskilgreint. Að Geir hefði átt að hafa frum-
kvæði af einhverjum stjórnlagafyrirmælum
eða löggjöfum. Mér finnst það blasa við að öll
umræða eða beiting á þessum tíma hefði fellt
bankana um leið og þá hefði ekki verið hægt að
setja neyðarlög. Þetta er pólitískt uppgjör sett
í búning sakamáls og það finnst mér lítið geðs-
legt,“ segir Brynjar.
Hann spyr hvað menn ætli að gera þegar búið
er að kollvarpa fiskveiðistjórnunarkerfinu og það
kemur í ljós að það veldur stórtjóni. Hvort menn ætli
að draga einhvern fyrir dóm þá? „Það sem þingið er
að gera með þessari ákæru er hættuleg þróun. Það
varð tjón á vakt einhvers og menn eru að gera tjónið
glæpsamlegt. Munu menn verða gerðir ábyrgir fyrir
auknu atvinnuleysi á þeirra vakt? spyr Brynjar.
Brynjar segist vorkenna saksóknara sem sé í
þeirri stöðu að vera bundinn af ákvörðunum þings-
ins. „Ég get ekki séð að saksóknari hafi haft mikið af
góðum gögnum í höndunum fyrst ákæran er svona.
Í grunninn er þetta fyrirkomulag vont og óþarft. Það
passar ekki inn í meðferð sakamála og hentar illa
í nútímaréttarfari. Þetta er gamall draugur sem pass-
ar ekki inn í kerfi í dag. Ef ráðherra brýtur af sér á
hann að lúta almennum reglum, kæru og rannsókn,“
segir Brynjar.
Spurður um þau orð saksóknara að röksemdin
bíði þar til málið verði flutt, segir Brynjar það ekki
ganga. „Það verður að segja í ákæru í hverju brotið
felst. Það verður að vera nákvæmara. Ef einhver er
ákærður fyrir aðgerðaleysi þar sem hann hjálpaði
ekki til á slysstað þá er það tekið fram í ákærunni. Í
tilfelli Geirs er ekkert slíkt.“
Óskar Hrafn Þorvaldsson
oskar@frettatiminn.is
 Landsdómur ákæra á hendur geir
Ég get
ekki séð
að sak-
sóknari
hafi haft
mikið af
góðum
gögnum
í hönd-
unum ...
„Pólitískt upp-
gjör í búningi
sakamáls“
formaður Lögmannafélags Íslands gefur lítið fyrir ákæru saksókn­
ara Alþingis á hendur Geir Haarde og finnst vanta röksemdir.
Brynjar Níelsson, formaður Lögmannafélags Íslands.
Geir. H. Haarde,
fyrrverandi for­
sætisráðherra.
10 fréttir helgin 13.­15. maí 2011