Fréttatíminn - 13.05.2011, Side 40

4 harpa Helgin 13.-15. maí 2011
 kynning Munnharpan
Feðgarnir þrír og Munnharpan
Eins og Harpa sjálf mun veitingastaðurinn Munnharpan verða opnaður í dag. Eigendur staðarins eru hjónin Jakob Jakobsson
og Guðmundur Guðjónsson, eigendur Jómfrúarinnar við Lækjargötu, ásamt syninum Jakobi Einari Jakobssyni.
h ver verður munurinn á þeim matföngum sem boðið verður upp á í Munnhörp-
unni og því sem við þekkjum af Jóm-
frúnni?
„Jómfrúin er smurbrauðsveit-
ingahús, klassískt og danskt.
Svona staður sem þarf að vera til
í hjarta allra borga þar sem lítið
breytist en fólk getur gengið að
gæðunum vísum ár eftir ár. Auk
þess er Jómfrúin hádegisveitinga-
hús, en þar er lokað klukkan sex
síðdegis alla daga,“ segir Jakob
Einar Jakobsson.
„Á Munnhörpunni ætlum við
okkur að taka norræna eldhúsið
með tilheyrandi hreinleika, fersk-
leika, einfaldleika og með réttu og
góðu siðferði aðlaga það hugmynd-
um okkar um smáréttaveitingahús
í Hörpunni. Staðurinn hefur fengið
undirtitilinn „Nordic tapas“ sem er
greinileg vísun í okkar hugmyndir.
Einhverjir myndu segja að tapas
væri spænskt eingöngu en við
leituðum ráða og spurðumst fyrir
innan fagstéttar matreiðslumanna
innanlands sem og utan og allir
voru sammála um að tapas væri
orðið að nokkurs konar alþjóð-
legu samheiti yfir litla rétti sem
og „multi dish service“. Þess vegna
kýldum við á það að kalla okkur
þessum undirtitli í stað hefð-
bundins Restaurant/café sem er
orðið togað og teygt og segir oft og
tíðum ekki mikið um hvaða stefnu
staðurinn hefur. En við lítum fyrst
og fremst til norræna eldhússins
og áðurnefndur hreinleiki, fersk-
leiki og einfaldleiki verður að vera
í fyrirrúmi. Norræna eldhúsið
snýst líka mikið um gott siðferði,
virðingu fyrir hráefnunum, dýrum
og uppruna þeirra, réttlæti í við-
skiptum, fækkun milliliða og
að leita ekki langt yfir skammt.
Auðvitað er okkar staður umtals-
vert stærri en þeir staðir sem hafa
fengist við svipaða matargerð hér
á landi og því horfum við á þessa
stefnu sem ákveðið verklag, sem
við viljum fylgja og tilheyra, frem-
ur en ófrávíkjanlega reglu.“
Gott kaffi og meðlæti allan
daginn ...
Hversu marga gesti tekur Munn-
harpan í sæti?
„Hjá okkur verða 150 sæti innan-
dyra en auk þess er skrautfjöður
í okkar hatti útisvæðið sem snýr í
suður með útsýni á miðborgina og
inn Lækjargötuna. Við erum auð-
vitað kaffihús Hörpunnar líka og
leggjum mikinn metnað í að geta
boðið upp á gott kaffi allan daginn;
fólk mun koma til okkar og tylla
sér niður með kaffi og meðlæti
yfir miðjan daginn á skoðunarferð
sinni um Hörpu. Á kaffiseðlinum
er sætabrauð og kökur og við
verðum með kaffiþjón á morgun-
vaktinni frá kl. níu en eldhúsið
verður opið frá kl. 11.30 til 22.00.
En þótt ég nefni hér kaffi og með-
læti þá verður matseðillinn okkar í
gangi allan daginn og ef það verð-
ur steikjandi sól á útisvæðinu, þá
segir mér svo hugur að kokteila-
listinn komi til með að verða þar
aðlaðandi fyrir marga líka!“
... og girnilegir smáréttir og
matur af matseðli
Verður mikil breyting á matseðli frá
degi fram að kvöldi?
„Þegar við tókum smá forskot-
sopnun 4., 5. og 6. maí í tengslum
við opnunartónleika Hörpunnar
fengum við grun okkar staðfestan:
Þegar um meiriháttar viðburði
verður að ræða í húsinu og við
getum átt von á 1.500-2.000 manns
í Hörpu á sama tíma sem allir eru á
leið á sama viðburðinn, verðum við
að vera með sérstakan matseðil.
Gott dæmi er til dæmis val á milli
tveggja og fjögurra smárétta.“
Hvert snýr fólk sér sem vill panta
borð, til dæmis fyrir tónleika eða í
hléi, og hvað er þá boðið upp á?
„Þegar um stærri viðburði er
að ræða verður sérstakur matseð-
ill, til dæmis val um tvo eða fjóra
rétti sem matreiðslumaðurinn
setur saman af okkar „standard“ -
matseðli sem verður í boði. Í hléi
viljum við geta boðið fólki sem
borðaði fyrir sýningu að ganga að
„sínu borði“ með fyrirfram pönt-
uðum veitingum.
Annars er barinn alltaf opinn í
hléi og fólk mun einnig geta keypt
sér af kaffiseðli „yfir deskinn“ og
fengið sér sæti hjá okkur. Hægt
verður að panta borð í gegnum
síma 528 5111 en einnig inni á nýju
heimasíðunni okkar sem fer í loftið
fyrir helgi (www.munnharpan.is).“
Hvernig leggst í þig að pabbi þinn
og ektamaður hans eigi Jómfrúna
og þú verðir nú rekstrarstjóri hér í
Munnhörpunni?
„Mjög vel. En við stöndum ekki
einir að þessu. Við höfum frá-
bært starfsfólk á báðum stöðum.
Yfirmatreiðslumeistari á Munn-
hörpunni heitir Sigurður Daði
Friðriksson og yfirþjónn er Ólína
Laufey Sveinsdóttir. Þetta leggst
ljómandi vel í okkur feðgana þrjá
enda sumarið fram undan, þetta er
sannkallaður „familybuisness.“-akm
h vernig kom það til að þú réðir þig til starfa í Hörpu? Það vildi nú bara þannig til að ég
sá starfið auglýst og ákvað að sækja um. Ég
bjó að góðri reynslu frá því að ég starfaði
sem sölustjóri ráðstefnu- og hvataferða hjá
Icelandair hotels. Ég er menntaður við-
skiptafræðingur frá Háskóla Íslands og með
MBA-gráðu frá Háskólanum í Reykjavík, en
ferðageirinn hefur alltaf togað í mig og það
er ekki oft sem að við fáum slík tækifæri,
sem Harpa er fyrir íslenska ferðaþjónustu.
Ég vildi bara ólm fá að taka þátt í þessu
ævintýri.
Hvað er það helst sem Harpa bætir við
fyrir ráðstefnuhald hér á landi?
Það er fjölmargt sem hægt er að nefna.
Þetta er einfaldlega bylting í allri aðstöðu,
bæði hvað varðar stærð og tækni. Þó að
grunnurinn sé tónlistarhús þá var í hönn-
unarfeli hússins ávallt tekið sérstaklega
tillit til þarfa ráðstefnuhalds. Atriði eins
og innbyggðir túlkaklefar, aðstreymi ráð-
stefnu-og fundargesta, hljóðkerfi, ljósabún-
aður og önnur þjónusta er öll í samræmi við
ströngustu kröfur sem gerðar eru til slíkra
þátta í dag.
Salir Hörpu eru allir búnir fyrsta flokks
tækjabúnaði sem keyptur hefur verið frá sér-
hæfðum framleiðendum út um allan heim.
Salurinn Silfurberg var svo sérhannaður
með tilliti til ráðstefnuhalds. Hann býður
upp á afar fjölbreytta uppstillingu sviðs og
sæta og stillanlegan hljómburð fyrir talað
mál. Það er svo margt sem Harpa kemur
með sem hefur vantað; S.s. hallandi sæta-
raðir, svalir og stórt opið sýningarrými
utan við salinu. Allt þetta gerir Hörpu mjög
að sveigjanlegum fundarstað sem er það
sem leitað er að varðandi ráðstefnuhús. Við
eigum von á að halda hér stóra alþjólega
fundi, ráðstefnur fagsamtaka og stærri inn-
lenda viðburði og húsið verður fullfært að
sinna öllu þessu, stundum fleiri en einum
viðburði í einu.
Ráðstefnugestir koma utan
háannatíma og gefa miklar tekjur
Mikið hefur verið rætt um kostnaðinn
við byggingu og rekstur Hörpu. En hvað
með tekjurnar sem hún skapar, eru þær ekki
töluverðar?
Já. Það er hinn hlutinn á jöfnunni sem við
ætlum að sýna fram á. Efnahagsleg áhrif
(bein og afleidd) af þeim möguleikum sem
Harpa skapar í heilsársferðaþjónustu á Ís-
landi eru að mati þeirra sérfræðinga sem við
höfum rætt við, umtalsverð. Hvort sem litið
er til flugfélaga, hótela, veitingahúsa eða
ferðaskipuleggjenda þá verður Harpa mikil
lyftistöng. Einnig skapar húsið ný tækifæri
fyrir sérhæfða aðila eins og ráðstefnuskipu-
leggjendur og viðburðahaldara. Með góðri
samvinnu allra hagsmunaaðila getur til-
koma húss eins og Hörpu orðið til að auka
heimsóknir tugþúsunda ferðamanna sem
hefðu ellegar ekki komið, bæði ráðstefnu-
gesta og gesta á aðra viðburði. Þær gjald-
eyristekjur sem þannig skapast munu verða
kærkomnar fyrir þjóðarbúið, segir Karitas.
Tugir manna munu starfa við
veisluþjónustu eingöngu
Hvað með aðra þjónustu sem fylgir fundum
og ráðstefnuhaldi?
Það er eins og oftast tíðkast í svona hús-
um, sérstök veisluþjónusta sem starfrækt
verður í Hörpu. Hún hefur fengið nafnið
Hörpudiskur og á eftir að framreiða tug-
þúsundir diska á næstu mánuðum. Fólkið
á bakvið hana er þrautreynt á sínu sviði,
en rekstraraðilinn er Jóhannes Stefánsson,
kenndur við Múlakaffi. Yfirmatreiðslu-
meistari Hörpudisksins er Bjarni Gunnar
Kristinsson sem síðast starfaði sem yfir-
matreiðslumaður á Grillinu á Hótel Sögu.
Með þeim er svo úrvalshópur matreiðslu-
manna og sérfræðinga í skipulagningu á
ráðstefnum og veislum. Allt í allt um 40
manns. Þannig að þetta ætti að gefa nokkra
vísbendingu um þau umsvif sem verða í
veislu- og fundahaldi í húsinu. Einnig verða
sem kunnugt er tveir veitingastaðir í Hörpu;
Munnharpan á jarðhæðinni og Kolabrautin
á efstu hæð.
En að lokum leikur okkur forvitni á að vita.
Eru einhverjar erlendar ráðstefnur fram-
undan?
Já. Ég get upplýst að það er fjöldi erlendra
ráðstefna nú þegar bókaður og má þar nefna
alþjóðlega ráðstefnu samtaka frumkvöðla-
kvenna síðar í þessum mánuði, Evrópuráð-
stefnu um hugræna atferlismeðferð sem
fram fer í haust, ráðstefnuna Via Nordica
sem verður á árinu 2012 og ráðstefnu Evr-
ópusambands tannréttingasérfræðinga árið
2013. Þetta eru þúsundir gesta sem koma í
tengslum við þessa viðburði eingöngu.
 ráðstefnuhús Á heiMsMælikvarða
Harpa er tækifæri
Það fer ekki fram hjá neinum að í Reykjavík er að opna tónlistarhús. En færri vita
að í Hörpu verður ein glæsilegasta aðstaða á Íslandi fyrir ráðstefnu- og fundahald.
Aðstaða sem mun að sögn þeirra sem til þekkja stórauka möguleikana á því að
laða alþjóðlegar ráðstefnur hingað til lands. Við ræddum við Karitas Kjartans-
dóttur, en hún hefur verið ráðin verkefnisstjóri ráðstefnuhalds í Hörpu.
Karitas Kjartansdóttir er verkefnisstjóri ráðstefnuhalds í Hörpu.
Siguður Daði Friðriksson yfirmatreiðslumeistari Munnhörpunnar og Jakob Einar Jakobsson einn þriggja eiganda staðarins.
L
jó
sm
yn
d/
H
ar
i
L
jó
sm
yn
d/
H
ar
i