Fréttatíminn - 12.04.2013, Blaðsíða 24

B jörg Þórhallsdóttir er stórt nafn í norskum listheimi. Hún sló fyrst í gegn með grafíkverkum sínum en nú
skrifar hún einnig bækur, heldur fyrirlestra
og hannar föt, skart og fylgihluti. Þá sinnir
hún góðgerðarmálum af miklu kappi og
reynir fyrst og fremst að styðja við bakið á
bágt stöddum konum víða um heim.
Björg var ekki orðin tveggja ára þegar for-
eldrar hennar fluttu með hana frá Ísafirði til
Noregs og hún hefur alla tíð verið á heims-
hornaflakki. Römm er þó sú taug sem bind-
ur hana við Ísland og þá ekki síst Vestfirði
en hún segist alltaf líta á sig sem Íslending
og þrátt fyrir allt flakkið finnist henni hún
alltaf vera komin heim þegar hún kemur
hingað og fær íslenska vinda í fangið.
„Ég veit bara að ég var búin til í kringlóttu
rúmi vegna þess að pabba þótti svo vænt um
mömmu og í hringlaga rúmi þurfti hún alltaf
að liggja nálægt honum vegna þess að ann-
ars myndi hún detta fram úr,“ segir Björg
geislandi af gleði og hressileika. „Mamma
og pabbi fluttu síðan út en ég kom til baka
þegar ég var nítján ára og bjó hér í eitt ár og
ég kem hingað alltaf tvisvar, þrisvar á ári.
Ég elska að vera á Íslandi. Þótt Íslendingum
finnist ég kannski ekki vera mjög íslensk þá
finnst mér ég vera rosalega íslensk.“
Björg hefur alla tíð verið listhneigð og
fór í listnám til Barcelona og síðar í listahá-
skólanum í Toulouse í Frakklandi. Í nám-
inu heillaðist hún af grafík og vann verk
sín meðal annars á vinnustofu sem ekki
ómerkari málarar en Picasso, Míró og Dalí
störfuðu á. „Eftir námið í Barcelona fór ég
með bestu vinkonu minni úr skólanum á
flakk um Evrópu þar sem við stöldruðum við
í nokkra mánuði og bjuggum til glermyndir
í glugga ýmissa bygginga, meðal annars á
Suður-Spáni og í Mónakó. Ég var eitthvað
í kringum 26 ára þarna og þetta var alveg
ótrúlegur tími í lífi mínu.“
Ást á fimmtán mínútum
Þetta flakk endaði í Frakklandi þar sem
Björg tók að sér að glerskreyta jóga-hof
fyrir eiginkonu moldríks manns og mikils
listunndanda. Og þar gripu örlögin hraust-
lega í taumana. „Þetta verk tók hálft ár og á
meðan kynntist ég þessum manni mjög vel
og hann sýndi mér listaverkin sín. Þetta er
stórkostlegt safn og þarna sá ég með eigin
augum verk sem ég hafði aðeins séð í lista-
sögubókum og lét mig aldrei dreyma um að
komast í tæri við.
„Þetta var alveg sjúkt allt saman en ég
staldraði sérstaklega við ótrúlega fallega
málaða mynd af manni sem var að synda í
kafi. Ég spurði hver hefði málað myndina
og var þá sagt að listamaðurinn, Eric Scott,
byggi þarna í fjöllunum fyrir ofan og eigand-
inn bauðst til þess að hringja í hann og leyfa
mér að hitta hann.“
Síðan var ekið upp í fjöll og þar sem Björg
sat og beið eftir því að listamaðurinn léti
sjá sig tók hún eftir vægast sagt myndar-
legum manni sem stefndi í áttina til hennar.
„Ég horfði á hann og hugsaði með mér: Vá!
Sex on legs!,“ segir Björg og skellihær. „Svo
kemur í ljós að þetta var listamaðurinn sem
við áttum að hitta. Hann sest við hliðina á
mér og ég kiknaði alveg í hnjánum og var
bergnumin á meðan við töluðum um lista-
sögu og allt mögulegt annað. Eftir fimmtán
mínútur horfir hann á mig og segir á ensku:
„Jæja, Björg. Viltu þá giftast mér?“ og ég
sagði auðvitað já,“ segir hún og skellir upp
úr. „Og mánuði seinna giftum við okkur í
sólsetrinu á strönd á Miami.“
Eric var 30 árum eldri en Björg þegar þau
kynntust. Hún var 26 ára en hann 56. „En
mér var alveg sama vegna þess að hann var
svo heillandi. Það mátti aldrei líta af honum
í meira en tvær mínútur þá var hann bara
umkringdur konum. Og körlum! Hann leit
út eins og einhvers konar blanda af sjóræn-
ingja og rokkstjörnu og var alveg heillandi.“
Hjónin flugu síðan til Suður-Frakklands
þar sem þau héldu fjögurra daga brúðkaups-
veislu í húsi sem Dave Stewart, úr hljóm-
sveitinni Eurythmics, lánaði þeim en Eric
var hátt skrifaður hjá frægðarfólki sem
keypti verk hans í stórum stíl.
Eyðingarmáttur alkóhólismans
Björg og Eric settust að í Suður-Frakklandi
og í mars árið eftir fæddist þeim sonurinn
Þórhallur Scott, sem er alltaf kallaður Tolli.
Hjónabandið varð þó hins vegar ekki alveg
eins og brúðurin unga hafði séð fyrir sér.
„Þetta var mjög erfitt hjónaband vegna
þess að hann var alkóhólisti þannig að ég
var alltaf að fara frá honum. Fram og til
baka, en við elskuðum samt hvort annað
alltaf. Þetta gekk bara svona vegna þess að
hann drakk svo mikið þannig að það var eig-
inlega ekki hægt að hafa barn á heimilinu.
En ég hætti aldrei að elska hann. Maður
hættir ekkert að elska.
Þegar ég fór frá honum í sjöunda skipti
fór ég heim til Noregs og var þar þegar
nágrannakona okkar hringdi og sagði mér
að Eric hefði fundist látinn heima. Þá var ég
þrítug og Tolli tveggja og hálfs árs.“
Björg segir að útför Erics hafi verið eins
og samkoma furðufugla. „Hann elskaði kon-
ur og átti fimm börn með fimm konum og
helling af fyrrverandi kærustum og þær
mættu þarna í löngum röðum, allar með
svört sólgleraugu.“
Allar hötuðust þessar konur innbyrðis
þannig að andrúmsloftið var sérkennilegt en
léttist aðeins þegar kom af því að kasta ösku
Erics fram af fjalli sem stóð við Nice. „Það
var svo skrýtið hvað þetta var mikil aska
miðað við hvað hann var mjór maðurinn,“
hlær Björg. Þannig að þegar allir hans nán-
ustu, eiginkonurnar fyrrverandi og börn,
höfðu kastað sinni handfylli var enn töluvert
eftir af listamanninum í kerinu. Þá tók næst
yngsti sonur hans upp á því að tæma kerið
upp í vindinn og „við fengum þetta allt beint
framan í okkur og allt í einu voru bara allir
komnir með Eric í eyrun og upp í munninn
og nefið. Þannig að þetta endaði nú bara
Tók bónorði eftir fimmtán mínútna kynni
Þetta var mjög
erfitt hjóna-
band vegna
þess að hann
var alkóhólisti
þannig að
ég var alltaf
að fara frá
honum. Fram
og til baka, en
við elskuðum
samt hvort
annað alltaf.
Björg Þórhallsdóttir er einhver
þekktasta myndlistarkona Noregs og
vegur hennar hefur vaxið hratt frá því
hún sneri óþekkt og allslaus heim fyrir
rúmum sjö árum eftir fráfall eigin-
manns hennar í Frakklandi. Þá sneri
hún baki við hálfgerðu Hollywood-lífi
og byrjaði aftur frá grunni. Björg var
getin í hringlaga rúmi á Ísafirði þar
sem hún fæddist árið 1974. Tæpra
tveggja ára flutti hún með foreldrum
sínum til Noregs en hún segist alltaf
líta á sig sem Íslending og hún er stolt
yfir vestfirskum uppruna sínum. Í list
sinni hvetur Björg fólk og þá ekki síst
konur til þess að vera þær sjálfar og
láta draumana rætast. Boðskapur
hennar hefur fallið vel í kramið hjá
Norðmönnum og hún vill breiða
fagnaðareindi sitt út á Íslandi.
Framhald á næstu opnu
Lj
ós
m
yn
d/
H
ar
i
24 viðtal Helgin 12.–14. apríl 2013