Fréttatíminn - 02.11.2012, Blaðsíða 40
ALDREI KALT Í VETUR MEÐ WEBASTO BÍLAHITARA
BÍLASMIÐURINN HF – BÍLDSHÖFÐA 16, 110 REYKJAVÍK – SÍMI 567 2330 – BILASMIDURINN@BILASMIDURINN.IS
BÍLASMIÐURINN HF
F rá því að ég var óharðnaður unglingur hefur mig dreymt um að keyra um á Porsche
911 sportbíl. Gott ef ekki hékk vegg-
spjald með mynd af bílnum í her-
berginu mínu. Unglings-ég sá fyrir
mér að svona upp úr tvítugu væri
framtíðarútgáfan búin að eignast
slíkan grip. Sannleikurinn er hins
vegar sá, núna um tuttugu árum eftir
að bílprófið var tekið, að það er því
miður ekki svo.
Ég á Ford Focus. Gráan station
sem er orðinn átta ára gamall. Utan
þess að hafa fjögur hjól, sem vantar
reyndar á tvo hjólkoppa, þá er hann
nokkurn veginn eins langt frá því að
vera kraftmikill sportbíll og hægt
er. Ég er svo sem ekki mikið að
pæla í þeirri staðreynd, svona dags
daglega. Bíllinn fer aftur á bak og
áfram, beygir og bremsar og gerir
það nokkuð möglunarlaust. Það þýð-
ir þó ekki það að þessi framtíðar-ég
spái ekki í hvurnig það væri að þeyt-
ast um á svona tryllitækjum. Þau
sjást jú af og til á götum borgarinnar.
En upp í slíkt tæki hafði ég ekki
stigið fæti. Fyrr en á mánudaginn
síðasta. Þá bauðst mér að fara í ferð
til Austurríkis að prufukeyra nýja út-
gáfu af Porsche 911, Carrera 4s.
Mikið af öllu
Ég veit satt að segja ekki mikið um
sportbíla og veit í raun ekki almenni-
lega hvað skilur þennan nýja frá
þeim eldri. Eitthvað hefur það með
breiddina á bílnum að gera en hann
er álíka breiður og steypubíll, að
ég held. Auk þess sem þessi er fjór-
hjóladrifinn með mjög tæknilegri
og flottri dreifingu á afli milli öxla.
Um hestöfl, newtonmetra og hvað
þetta allt heitir veit ég lítið en þó að
það er mikið af öllu saman í þessum.
Þennan gráa mánudagsmorgun
á bílaplani fyrir utan hipsteralegt
hótel í austur-Austurríki upplifði ég
þennan æskudraum minn og settist
inn í Porche 911 sportbíl og keyrði af
stað. Fann reyndar ekki hvar ég átti
að stinga í lyklinum en eftir dágóða
stund var því reddað. Svissinn er öf-
ugu megin. Svona ef ske kynni að ég
þyrfti að hlaupa í bílinn og svissa á
með vinstri og setja í gír með hægri.
Gott að vita af þeim möguleika.
Spólvörnin af á heimtröðinni
Ég tætti af stað og áður en ég vissi
af sýndi mælirinn þriggja stafa tölu.
Ansans hugsaði ég, þetta verð ég að-
eins að passa. Bíllinn var sem límdur
við veginn. Svona svipað og Fókus-
inn á 30 í Hamrahlíðinni. Áfram
var keyrt um vínhéruð Austurríkis.
Bæði á kræklóttum skemmtilegum
akstursvegum og líka leiðinlegum
umferðarteppuvegum, eins og
gengur.
Það er nú einhvern veginn þannig
með mannskepnuna að hún aðlagar
sig að öllum skrambanum, fljótt og
örugglega. Því öllu má nefnilega
venjast og áður en ég vissi af var ég
orðinn hagvanur. Eins og ekkert
væri eðlilegra, transportandi um í
Porsche bíl sem kostar á þriðja tug
milljóna. Stóð meira segja sjálfan
mig að því að bora í nefið – um borð
í Porsche! Svona rétt eins og ég væri
á Fókusnum. Ég fattaði það þó ekki
fyrr en ég var að nudda því sem
þar hafði fundist saman í kúlu milli
fingranna. Það var þá sem ég áttaði
mig á því að þessir tveir, Fókusinn
og Porsinn, áttu fleira sameiginlegt
en dekkin fjögur.
Það var þó engin hætta á að bora
í nefið þegar bílnum var ekið á fullri
ferð á kröppum vegunum þarna í út-
landinu. Ég þakka bara fyrir að hafa
ekki fundið út úr því hvernig taka
átti spólvörnina af fyrr en ég ók inn
heimtröðina að hótelinu í síðasta
skiptið og lét ýla almennilega í
dekkjunum. Ella væru St. Bernards-
hundar enn að leita að mér með
koníaksstaup til að ylja frosnar tær
þarna í snæviþöktum hlíðum. Hefði
sá ágæti takki ekki vafist aðeins
fyrir mér.
Tíu raða fjármögnun
Í skemmtilegustu beygjunum velti
ég því svo auðvitað stundum fyrir
mér hvernig í ósköpunum ég gæti
mögulega upplifað þennan æsku-
draum minn. Að eignast svona
bíl. Fyrsta hugsunin var að selja
íbúðina. Ég þykist þess þó fullviss
að betri helmingurinn myndi seint
samþykkja það. Grái fiðringurinn
kannski. Hann ku geta orðið skæð-
ur. Ég veit ekki með hann.
Fyrsti viðkomustaðurinn á heim-
leiðinni var því í Sunnubúðinni. Þar
var keyptur 10 raða sjálfvalsmiði í
Víkingalottóið. Þetta venjulega Lottó
dugar nefnilega sjaldnast til.
Haraldur Jónasson
hari@frettatiminn.is
Porsche er draumur margra – en ansi fjarlægur, hvað þá nýr Porsche 911 Carrera 4S. Haraldur
Jónasson tók slíkan grip til kostanna í Austurríki fyrr í vikunni. Akstursmátinn var annar en
hér heima þar sem fjölskyldubíllinn er átta ára grár Fókus skutbíll – sem vantar á tvo koppa.
Öllu má venjast
Tveir skólar
Vélin í Porsche 911 Carrera
4S er risastór og hún kem-
ur bílnum mjög hratt mjög
hratt. Þetta var prófað og
stóðst. Það var líka ýtt á
alla takka sem fundust. Allir virkuðu þeir eins og hugur manns og svei mér þá
ef ekki var ekki takki til þess að láta bílinn spúa eldi út um púströrið.
Bílarnir sem ég prófaði voru bæði blæjubíll og venjulegur en áttu það
báðir sameiginlegt að vera með gírskiptingu sem hagaði sér svo gott sem
sjálfskipting en er einhvern veginn beinskipt samt og gott ef ekki komu tvær
kúplingar við sögu þarna einhvers staðar svo bíllinn skipti hraðar milli gíra.
Ég skildi ekki almennilega þýska verkfræðinginn sem reyndi að útskýra þetta
fyrir mér. Það sem ég veit er hins vegar þetta: Bíllinn skipti ekki úr öðrum gír
fyrr en á sirka 119 kílómetra hraða! Það er að segja ef allt var gefið í botn og
við skulum ekki blekkja neinn, það var alltaf.
Það er reyndar hægt að aka þessum bíl á annan hátt. Rúlla honum
mjúklega upp í 7. gír og halda honum í 90 kílómetra hraða eins og er löglegt
hér á fróni en þá er alveg eins hægt að eiga Ford af station gerð.
Tveir pólar í akstri á 911 Carrera 4S
Blæjuútgáfan af Porsche
Carrera 4s er ekkert slor.
Breiðari bíll, stærri dekk
og fjórhjóladrif sér um að
halda kerrunni á veginum.
Það er alveg hægt að
eiga blæjubíl á Íslandi.
Hitastigið taldi 3.5 gráður
og það þurfti ekki einu
sinni húfu.
Kunnulegur bíll í baksýnis-
speglinum. Fókusinn var
skilinn eftir í ryki.
Geymslupláss er ekki
mikið og stenst bíllinn varla
golfpokaprófið. En bónus-
pokum má troða þarna
ofan í.
Nýja fjórhjóladrifið er
hátæknilegt mjög og sér
bíllinn um að dreifa aflinu
þangað sem þess er þörf.
Hvernig aflið dreifist er
hægt að sjá á skjá.
Það voru bílar fyrir nokkur
hundruð milljónir króna
í bílastæðinu fyrir utan
hipsterahótelið þarna í
Austurríki. Ljósmyndir/Hari
40 bílar Helgin 2.-4. nóvember 2012