Fréttatíminn - 09.12.2011, Side 10

Reykhólar loks á
eigin landi
Samningur um kaup Reykhólahrepps
á landinu undir Reykhólaþorpi af
ríkinu var undirritaður á laugardag.
Þetta eru um 98 hektarar lands og
kaupverðið rétt tæplega 17,5 milljónir
króna. Jón Bjarnason sjávarútvegs- og
landbúnaðarráðherra ásamt Árna
Snæbjörnssyni aðstoðarmanni sínum,
sem er raunar frá Stað í Reykhóla-
sveit, og fulltrúar hreppsins, Ingibjörg
Birna Erlingsdóttir sveitarstjóri,
Andrea Björnsdóttir oddviti og Sveinn
Ragnarsson formaður skipulagsnefnd-
ar, hittust á miðri leið milli Reykjavíkur
og Reykhóla í veitingaskálanum Baulu
í Borgarfirði til þess að skrifa undir.
Þar með standa Reykhólar loksins á
eigin landi, segir á vef Reykólahrepps.
Kaup þessi hafa verið lengi á döfinni
en frumkvæðið kom frá Reykhóla-
hreppi. - jh
Sameinað Húnaþing vestra
Sameining sveitarfélaganna Bæjarhrepps og Húna-
þings vestra var samþykkt af meirihluta þeirra sem
kusu í sveitarfélögunum síðastliðinn laugardag. Slík
sameining var felld árið 2005. Í Bæjarhreppi kaus
61 og sögðu 39 já eða 63,9 prósent en nei sögðu
22 eða 36,1 prósent, að því er innanríkisráðuneytið
greinir frá. Hærra hlutfall samþykkti sameininguna í
Húnaþingi vestra en þar sagði 271 já við sameiningu
eða 83,9 prósent en nei sögu 50 eða 15,4 prósent.
Kjörsókn var mun meiri í Bæjarhreppi eða 88 pró-
sent en í Húnaþingi vestra var kjörsókn í kringum
40 prósentin. Sameiningin tekur formlega gildi um
áramótin. Sveitarstjórn Húnaþings vestra verður
sveitarstjórn hins sameinaða sveitarfélags þar til
kosin verður ný sveitarstjórn í kosningum árið 2014.
Bæjarhreppur fær áheyrarfulltrúa í nefndum og
ráðum. Nafn hins sameinaða sveitarfélags verður
Húnaþing vestra.- jh
Tilgangur-
inn með
þessu er
að taka
stór fram-
kvæmda-
væn svæði
á lands-
byggðinni í
gíslingu.
 Vestfirðir tillaga um þjóðgarð fellur í grýttan jarðVeg
Eigum að verða eins og
indjánar á verndarsvæðum
Sveitarstjórnir Vesturbyggðar, Reykhólahrepps og Tálknafjarðar undrast framkomna
þingsályktunartillögu án samráðs við heimamenn um þjóðgarð á sunnanverðum Vestfjörðum.
þ ingsályktunartillaga þingmann-anna Róberts Marshall og Marðar Árnasonar um þjóðgarð við Breiða-
fjörð norðanverðan fellur í grýtta jörð
meðal heimamanna, að því er fram kemur
í ályktunum sveitarstjórna á svæðinu. For-
svarsmenn sveitarfélaga á sunnanverðum
Vestfjörðum undrast tillögu þess efnis að
stór hluti Reykhólahrepps, það er að segja
meginhluti Austur-Barðastrandarsýslu og
austasti hluti Vesturbyggðar skuli gerður
að þjóðgarði án nokkurs samráðs við þá
sem hlut eiga að máli.
Í tillögu þingmannanna segir að
Alþingi feli umhverfisráðherra að undir-
búa stofnun þjóðgarðs við norðanverðan
Breiðafjörð, á svæðinu milli Þorskafjarðar
og Vatnsfjarðar. Samkvæmt henni á land-
svæði þjóðgarðsins að ná frá vestanverð-
um Þorskafirði um Djúpafjörð, Gufufjörð,
Kollafjörð, Kvígindisfjörð, Skálmarfjörð,
Vattarfjörð, Kerlingarfjörð, Mjóafjörð,
Kjálkafjörð og Vatnsfjörð, og svo langt
upp í dali og hálendi að norðan sem hæfa
þykir.
Umhverfis- og náttúruverndarnefnd
Reykhólahrepps lýsti á fundi í nýliðnum
mánuði furðu sinni á því að aðilar komi
fram með frumvarp til verndunar svæða
án samráðs við sveitarstjórn og íbúa.
„Ákvörðun um verndun svæða á að vera
ákvörðun sveitarstjórnar, íbúa sveitar-
félagsins og þeirra fagaðila sem þau leita
til,“ segir þar. Bent er á að skipulagsvaldið
sé hjá sveitarfélögunum og samkvæmt ný-
samþykktu aðalskipulagi Reykhólahrepps
sem gildi til 2018 sé ekki gert ráð fyrir
þjóðgarði.
Bæjarráð Vesturbyggðar lýsti einnig
yfir undrun sinni á framkominni þings-
ályktunartillögu og því „að ekki sé haft
samráð við íbúa svæðisins og hagsmuna-
aðila um svo afdrifaríka tillögu sem hafa
mun áhrif á svæðið allt.“ Undir þetta tekur
hreppsnefnd Tálknafjarðarhrepps.
„Það er verið að leggja til þjóðgarð
án nokkurs samráðs við sveitarfélögin
og landeigendur sem eiga þarna land,“
sagði Eyrún Ingibjörg Sigþórsdóttir, odd-
viti Tálknafjarðarhrepps, í viðtali við vef
BB á Ísafirði, og bætti við: „Ef tillagan
verður samþykkt gæti það sett vegagerð
á svæðinu í uppnám. Vegir um þjóðgarða
eru ekki byggðir upp með hámarksör-
yggi í huga og hraða sem þjóðvegir hafa
almennt. Það verður aldrei of oft undir-
strikað að þetta er eini vegurinn til okkar
og frá.“
Í greinargerð þingsályktunartillögunn-
ar segir að ef Hornstrandir eru undan-
skildar sé ekki mikið um náttúrufriðlönd
á Vestfjörðum. Náttúrufar á umræddu
svæði sé afar sérstætt, þröngir firðir
og dalir, og hálendi milli fjarða og ofan
dala. Þá sé gróðurfar fjölbreytt sem og
jarðmyndanir. Berjaland sé geysimikið og
fuglalíf mikið. Veðursæld sé mikil í fjörð-
unum enda gott skjól fyrir norðanáttum
og lega landsins móti suðri láti vel við sól.
Margir hafa lýst skoðunum sínum á
athugasemdakerfi vefs Reykhólahrepps.
Þar segir Þórður Áskell Magnússon til
dæmis: „Ótrúlegur hroki sem lands-
byggðinni er sýnd trekk ofaní æ. Ég hef
það á tilfinningunni að við sem búum
við Breiðafjörð eigum að verða eins og
Indíánar á verndarsvæðum, til sýnis fyrir
ferðamenn.“ Sig. Grímur Geirsson skrifar
á svipuðum nótum: „Tilgangurinn með
þessu er að taka stór og framkvæmda-
væn svæði á landsbyggðinni í gíslingu til
að koma í veg fyrir alla uppbyggingu og
framþróun úti á landi.“
Jónas Haraldsson
jonas@frettatiminn.is
Þingsályktunartillaga um þjóðgarð á sunnanverðum Vestfjörðum fellur í grýttan jarðveg heimamanna. Ljósmynd HT
S T Y R K T A R F É L A G L A M A Ð R A O G F A T L A Ð R A
... fyrir Ísland með ástarkveðju
H
V
ÍT
A
H
Ú
SI
Ð
/S
ÍA
-
1
1-
18
08
SÖL
UTÍ
MA
BIL
5.-1
9. D
ESE
MB
ER
Með kaupum á Kærleikskúlunni
styður þú starf í þágu fatlaðra
barna og ungmenna.
Casa - Kringlunni og Skeifunni | Epal - Skeifunni, Hörpu og Leifsstöð | Kokka - Laugavegi
Kraum - Aðalstræti og Garðatorgi | Listasafn Reykjavíkur - Hafnarhúsinu | Líf og list - Smáralind
Hafnarborg - Hafnarfirði | Módern - Hlíðarsmára | Þjóðminjasafnið - Suðurgötu
Blóma- og gjafabúðin - Sauðárkróki | Póley - Vestmannaeyjum | Valrós - Akureyri
Bláa Lónið - Grindavík | Pósturinn um allt land | netverslun www.kaerleikskulan.is
A
T
A
R
N
A
Nóatúni 4 · Sími 520 3000
www.sminor.is
Heimilistæki,
ljós og símar
í miklu úrvali.
Fjöldi tækja
á sérstöku
jólaverði.
2011
Sími 412 2500 - sala@murbudin.is - www.murbudin.is
– Afslátt eða gott verð?
Kletthálsi Rvk
Akureyri
Reykjanesbæ
Húsavík
Vestmannaeyjum
KALT ÚTI
Rafmagnshitablásari
2Kw 1 fasa
6.590
Rafmagnshitablásari
5Kw 3 fasa
11.990
Panelofnar í MIKLU ÚRVALI!
FRÁBÆRT VERÐ!
Rafmagnshitablásari 2Kw
1.995
Gas hitablásari 15Kw
17.900
KRANAR OG
HITASTILLAR FRÁ
Olíu hitablásari 28Kw
79.900
Nokkrar stærðir á lager
10 fréttir Helgin 9.-11. desember 2011