Fréttatíminn - 09.12.2011, Blaðsíða 40

F áir höfundar eru svo brattir að senda frá sér bók með eins árs millibili. Þetta hefur þó Jónatan Grétarsson afrekað en hann yrkir ekki með bókstöfum heldur með ljós og skugga. Jónatan sendi frá sér sína fyrstu ljós-
myndabók í fyrra, Andlit – Íslenskir listamenn, og er nú mættur
með annan doðrant, stútfullan af ljósmyndum.
Jónatan segir að nýja bókin sé hugsuð bæði fyrir heimamarkað
og til útflutnings. Titillinn og stuttur formáli eftir Stefán Mána
er því á ensku. Nafnið er með þeim lengri í flóði ársins: Icelandic
Queens / Artists / Angels / Stages / Scapes /BDSM and The Kid
en hvert orð er jafnframt titillinn á köflum bókarinnar. Þeir eru
mislangir, sá stysti er aðeins ein mynd. Alls geymir bókin hins
vegar 200 nýjar myndir og 40 sem hafa áður komið út á prenti.
Þær síðarnefndu eru úr listamanna- og leikaraseríu Jónatans, en
í þeim nýju heldur hann inn á öllu háskalegri slóðir en áður. Jafn-
vel gæti einhverjum þótt nóg um í kaflanum sem gefur innsýn inn
í leður- og latexklædda grímuveröld
áhugafólks um BDSM kynlíf.
Annar kafli, þar sem leður kemur
líka mikið við sögu, er með vígaleg-
um myndum af íslenskum meðlimum
í mótorhjólasamtökunum Vítisenglar
þar sem húðflúr og skegg setja svip
sinn á fyrirsæturnar.
Jónatan er fæddur 1979. Hann lauk
sveinsprófi í ljósmyndun frá Iðn-
skólanum í Reykjavík 2002 og hefur
einnig stundað nám við International
Center of Photography í New York.
Hann hefur tekið þátt í samsýning-
um blaða- og ljósmyndarafélagsins
og unnið sem ljósmyndari fyrir tímarit auk þess að reka eigið
stúdíó.
Flestar af myndum bókarinnar tók hann í ljósmyndastofu sem
hann var með við höfnina í Hafnarfirði. Útgáfu bókarinnar fagnar
hann hins vegar í dag (föstudag), í nýju stúdíói sem hann opnaði
í Hamraborg 1 í Kópavogi í haust. Þar líka rúmgott sýningarrými
þar sem Jónatan ætlar að sýna myndir úr bókinni í desember og
ef til vill lengur.
Á slóðir leðurs
og latex
Í nýrri bók Jónatans Grétarssonar koma saman
dragdrottningar, BDSM-unnendur og Vítisenglar í
bland við kunnugleg andliti úr listaheiminum.
Magnús Jónatansson er í portrettkafla bókarinnar. Ekki í BDSM eða Vítisenglahlutanum. Fulltrúar úr þeim
köflum eru hins vegar á hinum myndunum tveimur.
40 ljósmyndir Helgin 9.-11. desember 2011