Fréttatíminn - 11.10.2013, Blaðsíða 22

Svo ég tali bara
hreint út þá finnst
mér hann kannski
sleppa frekar
billega frá
því að vera
borgarstjóri.
Ólst upp í fátækt
og varð krati
B jörgvin Guðmundsson er kominn yfir áttrætt og á að baki langan og fjölbreyttan starfsferil í fjölmiðlum, stjórnar-ráðinu og borgarpólitíkinni, svo eitthvað sé nefnt. Hann
hefur nú gefið út ævisögu sína þar sem hann horfir yfir farinn
veg. Bókina nefnir hann eftir vinsælum útvarpsþætti sem hann
stýrði í áratug, Efst á baugi.
„Ég er búinn að vinna við þetta nokkur undanfarin ár. Þetta er
ekki hrist fram úr erminni,“ segir Björgin um bókina. „Ég byrja
nú á því að segja frá því úr hvaða jarðvegi ég er sprottinn og að
ég hafi alist upp í fátækt. Þá voru engar atvinnuleysistryggingar
og menn urðu bara að bjarga sér sjálfir og ég segi nú frá því að
sennilega hafi þetta ástand gert mig að jafnaðarmanni. Ég gekk í
Alþýðuflokkinn og Félag ungra jafnaðarmanna sautján ára.“
Tengslin við Alþýðuflokkinn gerðu Björgvin síðan frekar auð-
velt að fá vinnu sem blaðamaður á Alþýðublaðinu þegar hann var
tvítugur, strax að loknu stúdentsprófi.
„Ég var í tíu ár á Alþýðublaðinu og síðan eitt ár á Vísi. Og áður
en þessari blaðamennsku lauk var ég byrjaður með útvarpsþátt-
inn Efst á baugi með Tómasi Karlssyni sem var á Tímanum. Við
vorum með þann þátt vikulega alveg í tíu ár frá 1960 til 1970.
Þátturinn varð mjög vinsæll og mikið hlustað enda byrjaði
hann áður en sjónvarpið kom til sögunnar þannig að við fengum
forskot út á það. Í þættinum tókum við fyrir erlenda atburði og
byggðum á erlendum dagblöðum en ekki Newsweek og Time
eins og margir héldu. Þetta var heilmikið úthald að gera þetta
vikulega í tíu ár.“
Björgvin var einnig kominn á kaf í borgarpólitíkina um þetta
leyti: „Ég fór í framboð til borgarstjórnar 1962 og náði þá inn sem
varamaður en var kosinn aðalmaður 1970. Ég var svo leiðtogi
Alþýðuflokksins í borgarstjórn næstu tólf árin og er oddviti Al-
þýðuflokksins þegar íhaldið missir meirihlutann 1978. Þá varð ég
fyrsti formaður borgarráðs eftir valdaskiptin. Við ákváðum það,
nýi meirihlutinn að láta formennskuna í borgarráði rótera vegna
þess að þegar við vorum að semja um meirihlutann þá lagði ég
til að völdum og áhrifum yrði skipt jafnt. Á þeim tíma var ennþá
talsverð andúð á Alþýðubandalaginu í Alþýðuflokknum og
ekki víst að það yrði samþykkt að fara í meirihlutasamstarf ef
þeir yrðu yfirgnæfandi. Þeir fengu nefnilega fimm fulltrúa í
þessum kosningum, við tvo og framsókn einn. Og ég held
að þetta hafi verið lykillinn að því að þetta gekk upp.“
Björgin var mest alla starfsævi sína embættismaður í
stjórnarráðinu. „Eftir að ég hætti í blaðamennskunni fór
ég í stjórnarráðið 1964. Þá var Gylfi Þ. Gíslason viðskipta-
ráðherra og hann réði mig í viðskiptaráðuneytið. Þar var ég
í sautján ár formaður í gjaldeyrisnefndinni sem var nokkurs
konar haftanefnd síns tíma og varð síðar einnig formaður í
verðlagsnefnd. Þetta voru nú ansi krefjandi störf.“
Björgvin starfaði með einum átta ráðherrum
á embættismannsferlinum og nefnir fjóra
sem honum líkaði sérlega vel við að
vinna með. „Mér fannst best að vinna
með Gylfa, Ólafi Jóhannessyni, Lúðvík
Jósepssyni og Jóni Baldvin. Þeir veittu
mér allir verulegan trúnað.“
En hvernig finnst gamalreyndum
borgarfulltrúanum Reykjavíkurborg
stjórnað þessi misserin: „Já, svona
jújú. Henni er alveg þokkalega stjórn-
að en mér finnst nú að vísu að borgar-
stjórinn komi ekki nóg við sögu. Þar
sem hann er borgarstjóri finnst mér að
hann ætti að taka meiri þátt í að stýra
borginni. Ég hef það nú á tilfinningunni
að stjórnin sé mest í höndum Dags B.
Eggertssonar og Samfylkingarinnar.
Ég vil nú samt ekki alveg strika yfir Jón
Gnarr. Hann á sínar góðu hliðar og nýtur
sín kannski best við að koma fram út á við.
Sennilega hefði hann bara átt að vera for-
seti borgarstjórnar vegna þess að borgar-
stjórinn þarf að vera eins og embættis-
maður. Mér finnst Jón Gnarr ekki rækja það
hlutverk til fulls og svo ég tali bara hreint út
þá finnst mér hann kannski sleppa frekar
billega frá því að vera borgarstjóri því þetta
er náttúrlega geysilega ábyrgðarmikið
starf.“
Þórarinn Þórarinsson
toti@frettatiminn.is
Björgvin Guðmundsson hefur
hrærst í ýmsu á langri ævi sem hann
fer yfir í bók sinni Efst á baugi sem
kom út á dögunum. Björgvin byrjaði
ungur í blaðamennsku á Alþýðu-
blaðinu, blandaði sér í borgar-
pólitíkina um árabil og sinnti ýmsum
verkefnum í stjórnarráðinu undir
stjórn átta ráðherra. Hann telur
Reykjavík ágætlega stjórnað í dag
þótt hann gruni að Jón Gnarr sleppi
full auðveldlega frá sínu hlutverki.
Björgvin Guðmundsson segir sögu sína
í blaðamennsku, pólitík og stjórnarráðinu í
bókinni Efst á baugi sem ber nafn samnefnds
útvarpsþáttar sem hann stjórnaði við miklar
vinsældir á árunum 1960-1970. Mynd/Hari
NÝTT
Nicotinell er samstarfsaðili
Krabbameinsfélagsins
Nicotinell Spearmint 2 mg og 4 mg lyfjatyggigúmmí. Inniheldur nikótín. Ábendingar: Til meðferðar á tóbaksfíkn en lyfið
dregur úr nikótínþörf og fráhvarfseinkennum og það auðveldar þar með reykingarfólki sem vill hætta að reykja, að hætta og
auðveldar þeim sem ekki geta hætt, eða eru tregir til þess, að draga úr reykingum. Skammtar fyrir fullorðna 18 ára og eldri:
Skammta skal ákvarða út frá því hversu háður nikótíni einstaklingurinn er. Mælt er með 4 mg lyfjatyggigúmmíi fyrir
einstaklinga með mikla nikótínþörf og fyrir þá sem ekki hefur tekist að hætta með notkun 2 mg lyfjatyggigúmmís. Ef þú
reykir fleiri en 30 sígarettur/sólarhring má miða við notkun 4 mg, 20-30 sígarettur/sólarhring er miðað við 2 eða 4 mg eftir
þörf en ef reykt er minna en 20 sígarettur á sólarhring er æskilegt að nota 2 mg. Ef þú færð aukaverkanir við notkun stærri
skammtsins (4 mg lyfjatyggigúmmí), skaltu íhuga minni skammt í staðinn. Tyggja skal eitt stk við reykingaþörf þar til finnst
sterkt bragð. Þá skal láta það hvíla milli kinnar og tannholds. Þegar sterka bragðið minnkar skal tyggja aftur. Þetta skal
endurtaka í 30 mín. Venjuleg notkun er 8-12 stk, þó ekki fleiri en 15 stk af 4 mg og 25 stk af 2 mg lyfjatyggigúmmíi á
sólarhring. Meðferðarlengd er einstaklingsbundin en skal í flestum tilfellum standa í a.m.k. 3 mánuði, skal þá draga smám
saman úr notkun lyfjatyggigúmmísins. Meðferð skal hætt þegar neyslan er komin niður í 1-2 lyfjatyggigúmmí á sólarhring.
Venjulega er ekki mælt með notkun lyfsins lengur en í eitt ár. Sumir, sem eru hættir að reykja, gætu þó þurft lengri meðferð
til þess að forðast að byrja aftur að reykja. Geyma skal afgangs lyfjatyggigúmmí þar sem reykingaþörf getur skyndilega
komið upp aftur. Ráðgjöf getur aukið líkurnar á því að reykingafólk hætti að reykja. Nota má lyfið til að lengja reyklaus
tímabil og draga þannig úr reykingum. Ef ekki hefur dregið úr fjölda sígaretta á sólarhring eftir 6 vikur skal leita faglegrar
ráðgjafar. Reykingum skal hætt um leið og einstaklingurinn er reiðubúin til þess, þó ekki síðar en eftir 6 mánaða meðferð.
Leita skal faglegrar ráðgjafar ef ekki hefur tekist að hætta reykingum eftir 9 mánaða meðferð. Frábendingar: Ofnæmi fyrir
nikótíni eða einhverju hjálparefnanna, reykleysi. Ráðfærðu þig við lækni eða lyfjafræðing því ekki er víst að þú megir nota
lyfið ef þú: ert á meðgöngu eða með barn á brjósti, hefur nýlega fengið hjartabilun eða hjartastopp, ert með hjarta- eða
æðasjúkdóm, of háan blóðþrýsting, sykursýki, ofvirkan skjaldkirtil/nýrnahettur, magasár eða verulega skerta nýrna- og/eða
lifrarstarfsemi eða ef þú ert yngri en 18 ára. Einstaklingum með gervitennur og þeim sem eiga í erfiðleikum með að tyggja
tyggigúmmí er ráðlagt að nota önnur lyfjaform nikótínlyfja. Sjúklingar með arfgengt frúktósaóþol skulu ekki nota lyfið.
Athuga ber að lyfið inniheldur natríum og bútýlhýdroxýtólúen (E321). Lesið allan fylgiseðilinn vandlega áður en byrjað
er að nota lyfið. Sjá notkunarleiðbeiningar í fylgiseðli. Geymið þar sem börn hvorki ná til né sjá. Jafnvel lítið magn
af nikótíni er hættulegt börnum og getur valdið alvarlegum einkennum eða dauða. Markaðsleyfishafi: Novartis Consumer
Health S.A. Umboð á Íslandi: Artasan ehf., Suðurhrauni 12a, 210 Garðabæ
®
Loksins
á Íslandi!
Nicotinell með
Spearmint bragði
- auðveldar þér að
hætta reykingum
22 viðtal Helgin 11.-13. október 2013