Fréttatíminn - 08.03.2013, Blaðsíða 34

Efri vörin skal vera loðin og hananú
Marsmánuður er genginn í garð og það
þýðir tvennt. Mottumars er byrjaður og
Hönnunarmars ekki langt undan. Þótt
krafturinn sé ekki eins mikill í mottuátakinu
og undanfarin ár eru menn ekki hræddir við
að skarta myndarlegu yfirskeggi og margir
tengja þetta tvennt saman og hanna eitthvað
alveg nýtt úr skegginu.
S keggvöxtur manna er misjafn sem og gran-stæðið sjálft. Menn með voldugt stæði undir nefinu hafa jafnan allt til að bera
tignarlegt yfirskegg. En efrivararloðnan hefur
mátt þola margt misjafnt þessi síðustu ár. Hún
hefur verið nokkurskonar samnefnari yfir lúða
og alls ekki þótt mönnum til framdráttar. Menn
jafnvel sagðir líkjast þýskum klámmyndaleikur-
um hafi þeir vogað sér að skarta skeggi. Það var
þó ekki alltaf þannig. Allt fram undir og jafn vel
rétt yfir 1980 þótti yfirskeggið ljá mönnum þokka
og tignarlegt yfirbragð. En með nýrómantískum
hetjum á borð við Duran Duran féll það úr náð að
hafa hár á efri vörinni. Reyndar eins og flest allur
skeggvöxtur yfirleitt á þessum síðustu tveimur
áratugum liðinnar aldar. Þannig að Þjóðverjinn
stóð einn eftir og ekki hafa þeir þótt heppilegir
sem fyrirmyndir svo vitnað sé í fyrrnefnda leik-
arastétt.
Mottumars gaf þeim, sem vildu vera í öruggu
vari fyrir pólítískri rétthugsun samlanda, tæki-
færi til að prófa sig áfram með andlitshárið. Enda
allt gert í góðu gamni fyrir gott málefni.
Þannig hefur yfirskeggið náð að læða sér bak-
dyramegin inn í þjóðarsálina og nú þykir ekki
lengur tiltökumál að sjá vel snyrt yfirskegg á
ungum jafnt sem öldnum – jafn vel utan mars-
mánaðar.
Haraldur Jónasson
hari@frettatiminn.is
Hvað sem má segja um yfirskegg er ljóst að þegar vel tekst til er ekkert karlmannlegra en þykk og þrútin motta. Nokkrar hetjur hafa í gegn um súrt
og sætt haldið sér á mottunni án þess að láta samfélagið hafa áhrif á sig og eiga allan heiður skilinn. Númer eitt sal nefna bandittann sjálfan Burt
Reynolds. Sá hefur, nánast einn síns liðs, haldið lífi í yfirskegginu í Hollywood. Teikningar/Hari
Einn er sá maður á Íslandi
sem hefur haldið mott-
unni í gegn um súrt
og sætt. Friðrik Þór
Friðriksson leikstjóri
hefur svo gott sem frá
því honum óx grön
skartað myndarlegri
mottu og nú þegar
grái liturinn hefur
tekið við af þeim ljósa
hefur lúkkið þroskast og
batnað um leið.
Tom nokkrum Selleck má svo
þakka það ásamt Burt að 9.
áratugurinn, tími pastellita og
fermingardrengja, var ekki alveg
skegglaus. Sá þriðji er svo Sam
Elliott (þeir sem ekki kannast við
hann, vinsamlega gúgla núna. Við
bíðum á meðan). Þessir þrír eiga
það líka allir sameiginlegt að líta
hálf kjánalega út án skeggsins.
Nánast eins og fermingar-
drengirnir sem þeir reyndu að
halda í skefjum þarna um árið.
Vondu kallarnir hafa oftar
en ekki borið yfirskegg.
Hitler, Stalín og Saddam
voru allir með íkonísk
yfirskegg sem þóttu
auka veldmennslusvip
þeirra. Dolla tókst
reyndar svo vel upp að
ekki nokkur sála hefur
notað hans mottu síðan.
Ekki einu sinni Charlie
Chaplin sem þó sportaði
sinni á undan.
Vikuleg snyrtingin
Fátt er verra en illa
snyrt yfirskegg. Bæði
fyrir eigandann og þá
sem horfa á illgresið.
Annað er það líka, þegar skegginu
er ekki viðhaldið, að matur verður
þar eftir. Ekki að ástæðulausu sem
yfirskegg nefnast súpusigti. Greiða
niður skeggið með þétt tenntri greiðu.
Klippa línu en passa að hún verði ekki
kjánalega bein. Klippa úr báðum áttum.
Uppruni tegundanna
Tegundir yfirskeggs eru
margar og leiðirnar til að
snyrta eru því oft æði ólíkar.
En grunnreglan er sú að hafa
jafna línu yfir vörunum. Þeir sem
vilja vera snyrtilegir bjóða upp á línu
fyrir ofan yfirvörina en þeir hörðustu
og láta skeggið vaxa niður að þeirri
neðri. Passa verður þó að ef látið er
vaða í yfirskegg niður á neðrivör þá
þarf allt hárið að ná jafn langt niður.
Litlu kvikindin
Þeir sem hafa prófað
að safna skeggi fatta
það mjög fljótlega að það
getur verið pirrandi á ákveðnu stigi.
En þetta kláðastig stendur yfirleitt
frekar stutt. Það eru þó oft pirrandi
lítil hár næst munnvikunum og að-
eins inn á efrivörina. Þessum hárum
er gott að eyða með góðum skærum.
Passa að lyfta bara aðalhárunum frá
þannig að ekki verði slys.
Þunnildi
Sé vilji fyrir sneggra
skeggi þarf helst að fjár-
festa í góðum bartskera.
Nota greiðuna til þess að
mata vélina og passa gullnu
regluna. Það er auðvelt
að taka meira en erfiðara
er að bæta við. Greiða svo
aftur í gegn og klippa hárin sem
sluppu við reiði vélarinnar með skær-
unum góðu.
100% dúnsæng á fermingartilboði
Stærð 140x200
Lín Design Laugavegi 176, gamla sjónvarpshúsið Sími 533 2220 www.lindesign.is Sendum frítt úr vefverslun á næsta pósthús
Létt og hlý dúnsæng sem færir þér einstakan svefn.
790 gr ofnæmisprófaður dúnn
24.990 kr (áður 33.490 kr)
Eingöngu 100% náttúruleg efni, bómull & dúnn.
100%
dúnn Dúnmjúkur draumur
FermingartilboðÖll fermingartilboðin
www.lindesign.is
34 mottumars Helgin 8.-10. mars 2013