Fréttatíminn - 25.01.2013, Blaðsíða 24

Nicotinell
með 15%
afslætti
í janúar
Við hlustum og ráðleggjum þér
15%
afslátt
ur af ö
llum
Nicotin
ell vöru
m
í janúa
r
Allar tegundir, allir styrkleikar
og allar pakkningastærðir.
Allar tegundir, allir styrkleikar
og allar pakkningastærðir.
Höfuðborgar-
svæðið
Austurver
Domus Medica
Eiðistorg
Fjörður
Glæsibær
Hamraborg
JL-húsið
Kringlan
Landsbyggðin
Glerártorg Akureyri
Hrísalundur Akureyri
Dalvík
Hella
Hveragerði
Hvolsvöllur
Keflavík
Selfoss
Vestmannaeyjar
Þorlákshöfn
manns en ég held að í fyrra hafi verið framin yfir
hundrað morð þar. Og það sem er verst er að maður
verður ónæmur fyrir þessu. Við köllum þetta „Isl-
and fever “ eða eyjasótt og þegar maður er kominn
með hana þá verður maður bara að fara burt til að
ná samhenginu. Bókarinn sem við vorum með, til
dæmis, hún skaut manninn sinn sex sinnum með
skammbyssu. Þegar hún var að útskýra þetta fyrir
mér þá sagði hún að þetta hefði bara verið spurn-
ingin um hana eða hann. Hann hafi verið að fara í
hana með sveðju á lofti. Þetta er bara veruleikinn
þarna og maður er auðvitað gáttaður. Hún fór síðan
í fangelsi í einhvern smá tíma. Það er ekkert mál að
múta löggunni þannig að þú sleppir. Svo drap sonur
hennar mann líka. Það var alveg eitt kvöldið sem
fór í það. „Ó nei. Sonur hennar drap mann. Jæja,
ókey. Hvað gerum við í því? “ Normið þarna er svo
galið og fjarri því sem við eigum að venjast. Mig
langar samt í sólbað. Ég viðurkenni það alveg núna
í janúar,“ segir Þóra og hlær.
Sókndjarfur kokkur
Þóra og Völli kynntust fyrir hálfgerða tilviljun þeg-
ar Þóra fór í ferð til Bahama-eyja ásamt vini sínum.
„Þar kynntist ég Völla og allt í góðu með það. Síðan
rakst ég seinna á hann á miðjum Laugaveginum
og heilsa honum. Við vorum þá bæði á lausu og
hann er þrautseigari en andskotinn þegar honum
dettur einhver vitleysa í hug. Og þarna fékk hann
þá snilldarhugmynd að það væri rosa sniðugt að
kvænast mér og hann linnti ekki látum fyrr en það
gerðist. Ég var svona að íhuga það á tímabili að fá á
hann nálgunarbann. Hann svífst einskis og er mjög
fylginn sér í öllu svona.“
Kærustuparið naut síðan lífsins á Bahama þar
sem Þóra tók til hendinni á heimili piparsveinsins.
„Hann bjó náttúrlega bara í versta piparsveinagreni
sem ég hef augum litið. Þetta var skelfilegt. Við
erum að tala um sjö metra lofthæð, trommusett úti
á miðju gólfi, risastór skjár fyrir myndvarpa, tvö
Harley-Davidson mótorhjól og ég veit ekki hvað.
Þetta var bara greni!“ Segir Þóra og glottir prakk-
aralega. „Það tók mig ár að fá trommusettinu skipt
út fyrir borðstofuborð og ég þurfti að sækja svona
eðlilega hluti af nokkurri hörku og mér tókst smám
saman að temja hann. En svo náttúrlega stofnuðum
við fjölskyldu og þá náttúrlega bara horfa hlutirnir
allt öðruvísi við. Það er rosa fínt og gaman að búa
þarna þegar maður er barnlaus en þetta horfir öðru-
vísi við þegar börnin eru komin.“
Mamma eldar eitur
Börn þeirra hjóna eru orðin tvö og á hressasta
aldri, fjögurra og tveggja ára. „Þetta er hressandi
sko. Ég hef ekki sofið út í fjögur ár. Ég er að verða
svolítið langeyg eftir því. Mér finnst frekar illa með
mig farið. Ég er svo mikil B-manneskja þannig að
ég var eitthvað búin að reyna að semja við Völla um
að hann tæki morgunvaktina en hann er búinn að
þverbrjóta það. Alltaf að fá allt skriflegt!“
Eitt er þó á hreinu þegar kemur að verkaskipting-
unni á heimilinu og það er að kokkurinn má gjöra
svo vel að elda líka heima hjá sér.
„Ég kom því mjög skýrt á framfæri strax í upphafi
okkar sambúðar að ég kynni ekki að elda og hefði
hvorki neinn sérstakan metnað né náðargáfu á því
sviði. Þannig að þetta var eiginlega spurning um
lífsafkomu hjá honum. Ég féll ekki á þá gryfju að
reyna eitthvað að sýna mig og sanna í eldhúsinu og
ef einhver eldar á heimilinu þá er það hann. Honum
finnst það líka gaman og hann er fínn í að elda bara
góðan heimilismat. Mér finnst þetta alveg magnað.
Ég er ekki þessum gáfum gædd að geta horft inn
í ísskáp og hrúgað einhverju saman sem gengur
upp. Mér finnst magnað að fólk geti þetta. Einhvern
tíma bauð hann mér upp á fisk með banönum og ég
hélt að hann væri galinn en þetta var rosalega gott.
Ég ét þetta allt saman og hann er rosalega flinkur
í því sem hann gerir. Sem betur fer. Meira að segja
börnin sögðu við mig um daginn: „mamma á ekki
að elda. Hún eldar bara eitur.“ Og mér finnst þetta
enginn áfellisdómur. Mér finnst þetta bara rosalega
gott.“
Kokkurinn á Borginni
Þóra segir það afskaplega gott að vera komin heim
og að þrátt fyrir að draumurinn sé að reka lítinn
veitingastað í kjallaranum einhvern tímann í fram-
tíðinni þá sé Hótel Borg aðal málið. „Þetta er eitt
flottasta veitingarými bæjarins og staðsetningin er
auðvitað frábær. Þetta er áskorun en það er nauð-
synlegt í lífinu.“
Með Völla í rekstrinum er Haukur Víðisson
veitingamaður. „Haukur hefur gríðarlega reynslu á
sínu sviði og við erum virkilega spenntir fyrir þessu
dæmi öllu. Þarna er gamli glæsileikinn til staðar en
við ætlum samt að stíga eitt skref til baka og hafa
þetta aðeins meira „casual“ en verið hefur. Spila
mikið á stemninguna og vonandi búa til eitthvað
nýtt og spennandi,“ segir Völli.
„Hitt er bara meira svona fjölskyldudraumurinn,
eitthvað sem við getum dundað okkur við í ellinni
eða þannig,“ segir Þóra sem trúir enn að þrátt fyrir
andstreymið muni draumurinn rætast.
Rosalega fín saman
Þóra og Völli vinna saman að öllu sem þau gera og
bæta hvort annað upp þegar á reynir. Þóra er með
skrifstofu heima þar sem hún sinnir vefnum sínum
foreldrahandbókin.is og vinnur að uppfærslu og við-
bótum við samnefnda bók hennar sem kom út fyrir
tveimur árum og er löngu uppseld. Hún stefnir að
því að endurbætta útgáfan komi út á vormánuðum.
„Ég er svo frjáls og tek mér bara það fyrir hendur
sem mér dettur í hug sem er frábært en kemur illa
út þegar fólk spyr hvað ég geri vegna þess að þá er
eins og ég geri ekki neitt þótt ég sé alltaf að.“
Þóra og Völli gerðu ekki alls fyrir löngu sjón-
varpsþættina Delicious Iceland ásamt Gunnari Kon-
ráðssyni, þar sem Völli eldaði úr íslensku hráefni
eins og honum einum er lagið. Þátturinn endaði á
BBC og hefur verið sýndur á sjónvarpsstöðvum um
víða veröld.
„Við erum búin að leggja grunninn að fleiri þátt-
um og ætlum þá í íslenska fiskinn sem ég held að
sé svolítið smart. Þá er hugmyndin að sýna hvaðan
fiskurinn kemur, hvernig hann er veiddur og hvað
þessir karlar eru að gera og tékka líka á stemning-
unni í þorpunum okkar úti á landi.“
Það er deginum ljósara að hjónin eru samhent
og vinna vel saman og Þóra staðfestir það. „Já, við
erum nefnilega rosalega fín saman. Við erum sam-
mála um og grínumst stundum með að hann fær oft
svolítið brjálaðar hugmyndir sem ég tóna svo niður.
Drifkrafturinn í honum er rosalegur en ég tölti á
eftir og kem sterk inn á einhverjum tímapunkti þeg-
ar hans sérfræðiþekkingar nýtur ekki við. Þannig
að við erum fín blanda,“ segir Þóra sem sótti dálítið
villtan piparsvein til Bahama-eyja, tamdi hann og
rótfesti í miðbæ Reykjavíkur.
Þórarinn Þórarinsson
toti@frettatiminn.is
Það er líf og
fjör á heim-
ilinu. Völundur
Snær og Þóra
með börnin
tvö. Mynd úr
einkasafni.
24 viðtal Helgin 25.-27. janúar 2013