Fréttatíminn - 17.02.2012, Qupperneq 2

Óskar Hrafn
Þorvaldsson
oskar@
frettatiminn.is
FELLSMÚLI • SKÚLAGATA • GARÐABÆR • MJÓDD
Skipulagning og breyttar áherslur hafa orðið til þess að fyrirtæki geta
haldið árshátíðir í Hörpunni. Um næstu helgi verður þar til að mynda
árshátíð stjórnarráðsins og treður poppgoðið Páll Óskar Hjálmtýsson
upp. Þórunn Sigurðardóttir, stjórnarformaður rekstrarfélags Hörp-
unnar, segir að árshátíðir hafi ekki endanlega verið afskrifaðar
í húsinu eftir að ljóst varð að þær trufluðu aðra starfsemi í
því. Greint var frá því í nóvember að hætt hafi verið að bóka
árshátíðir þar. Þórunn segir að nú þegar starfsmenn séu
að kynnast húsinu betur gangi vel að halda þar árshátíðir.
„Við erum alltaf að prófa okkur áfram og höfum náð
góðum tökum á því að keyra veislur með tónlistarvið-
burðunum.“ - gag
Óttast að sitja eftir í launum
Það er ósæmandi fyrir Hafnarfjörð að laun starfs-
manna bæjarins séu lægri en laun starfsmanna
nágrannasveitarfélaga, segir meðal annars í bréfi
sem Karl Rúnar Þórsson, formaður Starfsmanna-
félags Hafnarfjarðar, sendi bæjarstjórninni.
„Við erum að reyna að tryggja að við sitjum ekki eftir.
Þessu bréfið var vísað til bæjarstjóra og við eigum
von á að heyra frá honum fljótlega,“ segir Karl sem
bendir á í bréfinu að nú þegar laun bæjarfulltrúa og
ríkisstjórnarinnar hafi verið hækkuð sé rétt að hefjast
þegar handa við að leiðrétta einnig laun bæjarstarfs-
manna. Það hafi verið gert í Kópavogi. - gag
Bauð rúmar átján milljónir
í byggingarlóð
Rétt rúmlega þrí-
tugur karlmaður
átti hæsta tilboð í
staka lóð af fimm
sem buðust í
grónum hverfum
Hafnarfjarðar.
Tilboðið hljóðaði
upp á 18,3 milljónir króna. Lóðin stendur að Arnar-
hrauni 50 og seldist á 17,5 milljónir króna í góðærinu
en var skilað aftur til bæjarins. „Lóðin er mjög stór
eða 721 fermetrar á besta stað í bænum. Þar var áður
gamall róluvöllur,“ segir Steinunn Þorsteinsdóttir,
upplýsingafulltrúi Hafnarfjarðarbæjar: „Við
fengum verðmat á lóðina í desember upp á
11,5 milljonir króna. Þetta var eina tilboðið.“
Bæjarstjóra hefur verið falið að semja við
þá sem áttu hæstu tilboðin í hverja lóð fyrir
sig. - gag
Á sama tíma og umræðan um fiskveiðistjórnunarkerfið og auðlegðarskatt á sjávarútvegs-
fyrirtæki stendur sem hæst í þjóð-
félaginu hafa tveir stórir hluthafar í
sjávarútvegsrisum keypt glæsihallir í
miðbænum. Samanlagt verð húsanna
tveggja er hátt í þrjú hundruð milljónir
króna.
Guðmundur Kristjánsson, stærsti
eigandi Brims, keypti villuna Fjölnis-
veg 11 af þrotabúi félagsins Fjölnisvegs
9 ehf, sem var áður í eigu Hannesar
Smárasonar. Eftir því sem heimildir
Fréttatímans herma staðgreiddi Guð-
mundur húsið en ásett verð var 190
milljónir króna. Þetta er í annað sinn
sem Guðmundur eignast húsið en hann
átti það um nokkurra mánaða skeið
árið 2005 áður en hann seldi Fjölnis-
vegi 9 ehf það. Villan á Fjölnisvegi
er 433 fermetrar að stærð á þremur
hæðum og er hin glæsilegasta. Hannes
átti sjálfur húsið við hliðina og hugðist
tengja húsin saman. Ekki fékkst þó
leyfi fyrir því hjá borgaryfirvöldum.
 Tíska andliTshÁr
„Bartana burt“ voru skilaboðin frá Valhöll
Flestir tóku eftir því að Ármann Kr. Ólafs-
son, nýskipaður bæjarstjóri í Kópavogi,
skartaði forláta börtum á blaðamannafundi í
síðustu viku þegar nýr meirihluti Sjálfstæðis-
manna, Framsóknar og Y-lista Kópavogsbúa
var kynntur til sögunnar. Nú eru bartarnir
farnir og segir Ármann í samtali við Frétta-
tímann að þetta hafi verið svokallaðir meiri-
hlutabartar. „Ég byrjaði að safna þeim þegar
meirihlutinn féll og lofaði sjálfum sér með
að þeir myndu vera þar til nýr meirihluti yrði
myndaður,“ segir Ármann.
Þetta uppátæki hans vakti mismikla lukku.
„Konan tók þessu með stóískri ró en börnin
mín tvö báðu mig á hverjum degi að raka
bartana af. Verst lét þó Guðlaugur Þór Þórð-
arson, þingmaður Sjálfstæðisflokks. Hann
sagðist hafa fengið það verkefni frá Valhöll
að losa mig við bartana. Það væri hreinlega
skipun frá æðstu stöðum,“ segir Ármann og
bætir við að þetta sé ekki í fyrsta sinn sem
Guðlaugur Þór gerist tískulögga: „Hann
skammaði mig mjög þegar ég var í lopapeys-
unni fyrir alþingiskosningarnar árið 2009.
Hann hefur sennilega haft rétt fyrir sér því
ég fauk út af þingi í þeim kosningum,“ segir
Ármann hlæjandi.
Ármann minnti óneitanlega á poppgoðið Elvis
Presley þegar bartarnir voru hvað þéttastir.
Fjöldi árshátíða haldinn í Hörpu
Hér má sjá lóðina með aðstoð
Google Earth.
 FasTeignir lúxusvillur
Kvótaeigendur kaupa
lúxusvillur í miðbænum
Tvö glæsileg einbýlishús hafa selst í miðbænum undanfarnar vikur. Kaupendurnir eru báðir stórir
hluthafar í sjávarútvegsfyrirtækjum.
Guðmundur, sem er einatt
kenndur við Brim, hefur verið
stórtækur í fasteignakaupum á
undanförnum árum í gegnum
félag sitt B-16 fasteigna-
félag. Hann býr á Nesvegi í
ævintýralega stóri villu sem
hann reisti á rústum hússins
Marbakka sem hann lét rífa
árið 2006. Mönnum ber ekki
saman um hvort húsið sé átta
hundruð eða tólf hundruð fer-
metrar að stærð en hann rauf
meðal annars skarð í sjógarð
við fjöruna við litla hrifningu
yfirvalda á Seltjarnarnesi. Þá á
Guðmundur Bræðraborgarstíg
16, Iðunnarhúsið svokallað,
sem er rúmlega þúsund fer-
metrar að stærð. Brim skilaði
2,3 milljarða króna hagnaði á
árinu 2010.
Á sama tíma keypti Helga
S. Guðmundsdóttir, fyrrver-
andi eiginkona Þorsteins Más
Baldvinssonar, 327 fermetra
einbýlishús á Laufásvegi 66.
Ásett verð á eignina var 89
milljónir. Helga á rétt tæplega
helmingshlut í eignarhalds-
félaginu Steini, sem er stærsti
hluthafinn í Samherja, stærsta
útgerðarfyrirtæki landsins,
með tæplega fjörutíu pró-
sent hlut þegar með er talin
helmingseign í Fjárfestinga-
félaginu Firði sem á rúmlega
tíu prósent hlut í Samherja.
Helga á fyrir hús á Nesbala
á Seltjarnarnesi. Samherji
hagnaðist um átta milljarða á
árinu 2010. Eignarhaldsfélagið
Steinn fékk sem nemur 470
milljónir í arðgreiðslu frá Sam-
herja árin 2009 og 2010.
Óskar Hrafn Þorvaldsson
oskar@frettatiminn.is
Fjölnisvegur 11. Ein
villan enn í eignasafn
Guðmundar
Kristjáns-
sonar.
Helga S. Guðmundsdóttir á nú
einbýlishús á Seltjarnarnesi og í
Reykjavík.
Ögmundur af-
salar sér hálfri
milljón á mánuði
Ögmundur Jónasson innanríkis-
ráðherra þiggur ekki ráðherra-
laun heldur aðeins þing-
fararkaup. Ögmundur fær því
greiddar 589.559 krónur í laun
á mánuði. Auk þess fær hann
greiddan síma- og tölvukostnað
og 22.737 krónur mánaðarlega
vegna aksturs. Þetta upplýsir
ráðherrann á heimasíðu vinstri
grænna sem og á sinni eigin.
Ögmundur ákvað að afsala
sér ráðherralaunum þegar
hann varð heilbrigðisráðherra
á árinu 2009 til þess að geta
farið fram á þann niðurskurð
sem hann taldi þurfa í þeim
geira. Hann hefur heldur ekki
þegið ráðherralaun síðan hann
settist aftur í ráðherrastól.
Miðað við þetta fer
hann á mis við rúma
hálfa milljón króna
á mánuði, sem
greitt er fyrir störf
ráðherra. Fréttatíminn
reiknaði upp launin
hans í síðustu viku
miðað við þau
lög sem gilda í
landinu. - gag
2 fréttir Helgin 17.-19. febrúar 2012