Fréttatíminn - 20.04.2012, Síða 24

H
V
ÍT
A
H
Ú
S
IÐ
/S
ÍA
–
1
2
-0
7
8
1
ASKJA · Krókhálsi 11 · 110 Reykjavík · Sími 590 2100 · askja.is
Viðurkenndur sölu- og þjónustuaðili Mercedes-Benz á Íslandi
Þú finnur „Mercedes-Benz Ísland“
á Facebook
Mercedes-Benz GLK er kraftmikill og ríkulega búinn sportjeppi sem eyðir
frá aðeins 6,7 lítrum á hundraðið í blönduðum akstri. Dráttargeta 2.000 kg.
Verð aðeins 8.690.000 kr.
Í Öskju á Krókhálsi 11 bíður þín glæsilegur GLK til reynsluaksturs.
www.mercedes-benz.is.
Stórstjarnan Mercedes-Benz GLK
Tveggja turna tal
Nokkuð ljóst virðist vera að slagurinn um sigur í
forsetakosningum ársins mun standa á milli sitjandi forseta,
Ólafs Ragnars Grímssonar, og fjölmiðlakonunnar Þóru Arnórs-
dóttur. Aðrir frambjóðendur mælast ekki.
Ó lafur Ragnar Grímsson hefur verið forseti Íslands frá árinu 1996. Þá var Þóra Arnórsdóttir
21 árs. Nú berjast þau tvö um stólinn
sem Ólafur hefur setið í sextán ár. Skoð-
anakönnun, sem Fréttablaðið gerði undir
lok síðustu viku, sýndi, svo ekki verður um
villst, að þau tvö hafa skilið aðra frambjóð-
endur eftir í reyk. Samkvæmt könnuninni hafa
bæði rúmlega 46 prósent fylgi.
Staða þeirra er að mörgu leyti ólík. Þóra er byrj-
uð í sinni kosningabaráttu. Hún hefur safnað næg-
um fjölda meðmælenda í öllum kjördæmum – gerði
það reyndar á mettíma eitt laugardagseftirmiðdegi.
Hún hefur verið dugleg við að mæta í viðtöl og á
bak við hana er mikill fjöldi fólks sem spannar til
að mynda pólitískt litrófið eins og það leggur sig
– frá grjótharðri frjálshyggjumanneskju í Sig-
ríði Andersen til Lífar Magneudóttur sem er
járngrimm vinstri manneskja. Hún er með
öfluga spunavél á bak við sig, menn á borð
við sjálfstæðismanninn Friðjón Friðjóns-
son og Gauk Úlfarsson úr Besta flokkn-
um. Á meðal stuðningsmanna hennar eru
Stefán Pálsson, Svanhildur Hólm Vals-
dóttir, Ingimar Karl Helgason, Hlynur
Sigurðsson, Karl Th. Birgisson og Einar
Karl Haraldsson. Og talandi um Karl
og Einar Karl. Stuðningur þeirra við
framboð Þóru hlýtur að vera reiðarslag
fyrir Ólaf Ragnar. Báðir voru þeir
í innsta hring hans þegar hann
var kjörinn forseti eftir harða
kosningabaráttu árið 1996. Og
gegndu lykilhlutverki í sigri
hans. Þeir félagar eru ekki þeir
einu sem hafa yfirgefið Ólaf Ragnar
frá því að hann var fyrst kjörinn. Sig-
urður G. Guðjónsson, Gunnar Steinn
Pálsson, Þórólfur Árnason og Óskar
Guðmundsson sagnfræðingur eru allir
horfnir á braut og eftir situr Ólafur Ragnar
með Guðna Ágústsson og Baldur Óskarsson á
sitt hvorri öxlinni. Fjölmargir sjálfstæðismenn
munu væntanlega styðja Ólaf Ragnar eftir
framgöngu hans í Icesave-málinu en það er
erfitt fyrir hægri menn að styðja Ólaf Ragnar
opinberlega. Hann hefur lýst því yfir að hann
muni ekki hefja kosningabaráttu fyrr en í lok
maí þegar frestur til að skila inn framboði
rennur út. Enginn skyldi vanmeta Ólaf.
Þótt vinirnir og spunameistararnir hafi
margir hverjir yfirgefið hann þá er
hann öflugur baráttumaður. Og
sagan er honum hliðholl því sitj-
andi forseti hefur aldrei tapað.
En sitjandi forseti hefur senni-
lega heldur aldrei fengið jafn
öflugan andstæðing og nú.
Óskar Hrafn Þorvaldsson
oskar@frettatiminn.is
Handhafinn
Ólafur Ragnar
Grímsson á
embætti að
verja.
Áskorandinn
Þóra Arnórsdótt-
ir þarf að sigra
Ólaf Ragnar til
að ná sínum
markmiðum.
24 forsetakosningar 2012 Helgin 20.-22. apríl 2012