Fréttatíminn - 20.04.2012, Síða 46

„Sætur og sveittur“
Jónas
Haraldsson
jonas@
frettatiminn.is
HELGARPISTILL
Æ
Te
ik
ni
ng
/H
ar
i
„Ætli það vilji enginn opna fyrir greyinu?,“
spurðu mæðgurnar þegar þær sáu ungan
mann berja að dyrum í dönsku konungshöll-
inni, Amalienborg, um liðna helgi. Þær voru
þar saman að frílista sig í dönsku vori, kona
mín og tvær dætur, án afskipta karlkynsins og
kunnu því vel. Einmitt vegna þess voru þær
mættar í Amalienborg til að skoða kjóla Mar-
grétar Þórhildar drottningar og fleira fallegt
í höllinni. Það er ekki víst að karlarnir í lífi
þeirra hefðu verið leiðitamir í kjólaskoðunina
en þarna skipti álit þeirra engu. Þeir voru fjarri
góðu gamni.
Það var á sama tíma og mæðgurnar voru að
kaupa miða á kjólasýninguna að þær sáu unga
manninn koma á hjóli að höllu drottningar.
Hann var rjóður í vöngum og sveittur undir
hjólahjálminum. Þær horfðu betur á unga
manninn og síðan hver á aðra. Gat það verið
að þetta væri hann, sjálfur krónprinsinn? Þær
færðu sig aðeins nær manninum sem hélt
áfram að banka. Enginn hleypti honum inn en
samt var það svo skrýtið að enginn amaðist við
honum heldur. Það var einhvern veginn eins
og hann ætti heima þarna en hefði bara gleymt
lyklunum að höllinni.
„Þetta er hann, þetta er Friðrik krónprins og
enginn annar,“ sagði yngri dóttirin, vel að sér í
léttfréttum danskra fjölmiðla sem varla senda
frá sér tölublað eða netskeyti án myndar af
krónprinsi sínum, eiginkonunni sætu og börn-
unum sem snerta hina mýkri strengi í danskri
þjóðarsál. Þá eru ótaldir aðrir meðlimir hinnar
tignu fjölskyldu, ættmóðirin sjálf, Henrik
drottningarmaður og yngri prinsinn, Jóakim,
prinsessan konan hans og afkomendur þeirra.
„Mamma,“ sagði stelpan, „réttu mér símann
þinn. Við smellum af honum mynd og seljum
í Séð og heyrt. Á þeim bæ hljóta menn að vilja
mynd af framtíðarkóngi Danmerkur þar sem
hvorki móðir hans, drottningin, né prinsessan,
konan hans, vilja hleypa honum inn. Þetta er
eiginlega heimsfrétt.“ „Já,“ sagði eldri systirin,
„myndinni verður örugglega slegið upp á for-
síðu með krassandi fyrirsögn: „Of sveittur að
mati drottningar“ eða „Prinsinum ekki hleypt
inn í höllina“ eða eitthvað í þá veru. Svo getur
vel verið að blaðamennirnir skoði myndina
betur og verði mildari í fyrirsögninni, til
dæmis: „Krúttlegur krónprins“ eða „Sætur og
sveittur“ – það fer allt eftir því hvernig okkur
tekst að mynda hann.“
Merkilegt má það vera að dætrum mínum
skyldi fremur detta í hug að senda Séð og
heyrt þessa tímamótamynd en að gauka henni
að föðurnum sem þó hefur stritað í blaða-
mennsku frá því löngu áður en þær fæddust.
Kannski hafa þær metið það svo að áhugi hans
á dönskum prinsi væri takmarkaður, jafnvel
þótt um væri að ræða sjálfan krónprinsinn og
vissulega þann sætari af sonum Margrétar
Þórhildar og Henriks. Jóakim er vafalaust
ágætis maður en ekki eins súkkulaðisætur og
sá eldri þótt sú lýsing ætti kannski ekki við
ásýnd framtíðarkonungins þar sem hann knúði
dyra, sveittur í aðskorinni hjólabrók.
Í þann mund sem dóttir okkar brá upp síma
móður sinnar og smellti af opnuðust hallar-
dyrnar og Friðrik skaust inn. Önnur hvor
kvennanna í lífi hans, drottningin eða prins-
essan, hafa séð aumur á honum. Ég gef mér
það að minnsta kosti, fremur en að dyravörður
í höllinni hafi verið svo lengi að svara hinu kon-
unglega banki. Hafi svo verið kembir sá góði
maður varla hærurnar í embætti, að minnsta
kosti ekki eftir að Friðrik tekur við kóngs-
ríkinu.
„Hvernig er myndin?,“ spurði eldri dótt-
irin eftir að sú yngri hafði óvænt brugðið sér í
hlutverk blaðaljósmyndarans. „Æ, ég veit það
ekki,“ sagði sú yngri þar sem hún rýndi á skjá
símans, „ég náði bara einni mynd af honum á
hlið.“ Eftir nánari skoðun kvað hún upp sinn
dóm: „Séð og heyrt kaupir þetta aldrei, þeir
halda bara að við séum að plata.“ Mægðurnar
höfðu af íslenskri kurteisi ekki hætt sér mjög
nærri hinum konungborna hjólreiðamanni.
Myndin sýndi aðeins þokukennda veru, séða á
hlið. Það var ekkert konunglegt við það sem
þar sást og ekki bætti mjó slegin hjóla-
brókin úr skák. Það má Friðrik þó eiga
að hann hjólar með hjálm. Slíkt er furðu
sjaldgæf sjón á götum Kaupmannahafnar
þar sem annar hver maður fer ferða sinna á
hjóli. Sagan segir að fyrrum forsætisráðherra
Danmerkur hafi látið mynda sig með
hjólahjálm til þess hvetja landa sína til
aukinnar notkunar þessa öryggistækis
en litið heldur ógáfulega út, höfuðstór með
allt of lítinn hjálm. Í framhaldinu hafi jafn-
vel þeir sem byrjaðir voru að nota hjálma
lagt þeim. Viturlegra hefði verið að nota
Friðrik krónprins í þá herferð. Hann
ber sig betur á allan hátt – þótt deila
megi um hjólabrókina.
„Svona, svona,“ sagði lífsreynd móð-
irin, „þið geymið þetta augnablik bara í minni
ykkar. Það er bara krydd í tilveruna að hafa
séð prinsinn. Drífum okkur nú að skoða kjóla
móður hans.
Þeir voru glæsilegir, eins og vænta
mátti af prinsessu- og drottningar-
kjólum. Safnkonan sem þeirra
gætti veitti góða leiðsögn og
sagði sögu kjólanna. „Verðið
þið ekki örugglega hér á
morgun?,“ bætti hún við,
„þá á drottningin afmæli,
kemur fram á hallarsval-
irnar og veifar fólki. Ef þið
verðið heppnar kemur
krónprinsinn fram
líka.
Þið ættuð
að sjá hann,“
sagði hún með
glampa í augum,
„hann er rosalega
sætur.“
Félag eldri borgara í Reykjavík og nágrenni kynnir byggingu 49 þjónustuíbúða að Hólabergi 84 í
Reykjavík. Íbúðirnar verða tengdar við Menningarmiðstöðina Gerðuberg þar sem mikið og öugt
félagslíf er fyrir eldri borgara. Að auki er bókasafn staðsett í Gerðubergi sem og mötuneyti.
Í nánasta umhver Gerðubergs er heilsugæsla, tannlæknastofa, bakarí, Fella- og Hólakirkja auk
þess sem Breiðholtslaug er hinum megin götunnar.
GLÆSILEGAR ÍBÚÐIR FYRIR ELDRI BORGARA
K YN N I R
Hólaberg 84, Reykjavík
FAGRABERG
Allar nánari
upplýsingar á
www.fagraberg.is
Söluaðili: Byr fasteignasala
Sími: 483 5800 - www.byrfasteign.is
Byggingaraðili:
Sveinbjörn Sigurðsson hf.
www.fagraberg.is
ÍBÚÐIRNAR VERÐA TILBÚNA
R
TIL AFHENDINGAR Í NÓVEM
BER!
Verð frá:
65 fm íbúð, stæði í bílakjallara
22.292.000,- kr.*
90 fm íbúð, stæði í bílakjallara
30.085.000,- kr.*
* Verð miðast við byggingavísitölu í apríl 2012.
38 viðhorf Helgin 20.-22. apríl 2012