Bændablaðið - 24.04.2013, Síða 42

42 Bændablaðið | Miðvikudagur 24. apríl 2013
Ferðaþjónusta bænda efndi
nýverið til teiknisamkeppni
meðal barna 4-11 ára í tengslum
við markaðsátakið „Páskasæla
í sveitinni“ sem kynnti þá fjöl-
mörgu gistimöguleika, veitingar
og afþreyingu sem finna má
hjá ferðaþjónustubændum um
allt land. Fjölmargar myndir
bárust í keppnina og þakkar
Ferðaþjónusta bænda þeim öllum
fyrir sem sendu inn mynd.
Sex duglegir krakkar sendu inn
skemmtilegustu myndirnar að mati
dómnefndar og hljóta gistingu eða
upplifun í sveitinni að launum, en
búið er að hafa samband við vinn-
ingshafa sem fá send til sín gjafabréf.
Vinningshafar í aldursflokknum
4-7 ára:
Steingrímur Ragnarsson, 5 ára,
hlýtur gistingu í eina nótt fyrir 2
fullorðna og 2 börn að Gistihúsinu
Egilsstöðum.
Sólveig Eggerz Bech, 4 ára,
hlýtur gistingu fyrir 2 fullorðna og
2 börn í eina nótt með morgunverði
að Skjaldarvík í Eyjafirði.
Heiða Rachel Wilkins, 7 ára,
hlýtur eina nótt með morgunverði
í 6 manna fjölskyldu svítu að Hótel
Hálandi við Sprengisandsveg.
8-11 ára vinningshafar
Rakel Ösp Gylfadóttir, 11 ára, hlýtur
gistingu fyrir 2 fullorðna og 2 börn
í eina nótt í gestahúsi með morgun-
verði og reiðtúr í 1 klst. fyrir fjóra
að Hestheimum í Ásahreppi.
Sóley Bestla Ýmisdóttir, 8 ára,
hlýtur gistingu fyrir 2 fullorðna og
2 börn í eina nótt með morgunverði
að Hótel Læk í Hróarslæk.
Guðrún Perla Gunnarsdóttir, 11
ára, hlýtur heimsókn í sauðburð fyrir
alla fjölskylduna, legg og skel og
litasett og liti frá Bjarteyjarsandi í
Hvalfirði.
Hér má sjá vinnings myndirnar sex
en skoða má allar innsendar myndir
á Facebook-síðu Ferðaþjónustu
bænda.
Allir krakkar sem sendu inn mynd
munu svo fá sendan lítinn glaðning
frá Ferðaþjónustu bænda.
Í dómnefnd sátu: María
Reynisdóttir, starfsmaður skrifstofu
Ferðaþjónustu bænda, Bryndís
Óskarsdóttir, grafískur hönnuður,
og Hildur Jóhannesdóttir framhalds-
skólakennari.
Myndir úr teiknisamkeppni Ferðaþjónustu bænda meðal 4 –11 ára barna:
Páskasæla í sveitinni
Sólveig Bestla Ýmisdóttir, 8 ára, teiknaði þessa skemmtilegu mynd.
Það er mikið að gerast á þessari mynd eftir Steingrím Ragnarsson, 5 ára.
Guðrún Perla Gunnarsdóttir, 11 ára, gerði þessa mynd sem sýnir hefðbundinn
torfbæ og húsdýr í girðingu.
Heiða Rachel Wilkins, 7 ára, gerði þessa mynd.
Athyglisverð mynd eftir Rakel Ösp Gylfadóttur, 11 ára.
Svona sér Sólveig Eggerz Bech, 4 ára, páskasæluna í sveitinni.
Þjóðskrárupplýsingar úr
Granna fyrir Skeiða og
Gnúpverjahrepp 1 apríl 2013
sýna að fjöldi íbúa er núna 517
og fer þeim stöðugt fjölgandi
eins og sjá má hér að neðan:
Fjöldi íbúa fyrir 1 mánuði 515
aukning 2 eða 0,39% (4,66%/ári)
Fjöldi íbúa fyrir 3 mánuðum
504 aukning 13 eða 2,58%
(10,30%/ári)
Fjöldi íbúa fyrir 12 mánuðum
507 aukning 10 eða 1,97%
"Við í Skeiða- og Gnúpverja-
hreppi erum ánægð með þessa
þróun því við teljum sveitina
góðan kost til búsetu. Sveitin
er nútímavædd í nálægð við
höfuðborgina", sagði Kristófer
Tómasson, sveitarstjóri. /MHH
Fólki fjölgar og
fjölgar í Skeiða- og
Gnúpverjahreppi
Bændablaðið
Kemur næst út
8. maí