Fréttatíminn - 05.08.2011, Qupperneq 10
Óskar Hrafn
Þorvaldsson
oskar@
frettatiminn.is
Þarft þú heyrnartæki?
Pantaðu tíma í fría heyrnarmælingu í síma 568 6880
Að láta mæla heyrnina er einföld leið til að
ganga úr skugga um hvort kominn sé tími til
að nota heyrnartæki.
Erum með mikið úrval vandaðra
heyrnartækja sem eru búin fullkomnustu
tækni sem völ er á. Einföld og þægileg í
notkun og nánast ósýnileg bak við eyra.
Í tilefni af 10 ára starfsafmæli Heyrnartækni þá
ætlum við að styrkja KRAFT í sumar með ákveðinni
upphæð af hverju seldu heyrnartæki. KRAFTUR er
stuðningsfélag fyrir ungt fólk sem greinst hefur með
krabbamein og aðstandendur þeirra.
Raftónlist við rætur Snæfellsjökuls
Sennilega
sá elsti sem
tekið hefur
þátt í Gay
Pride
Viðtal við Þóri Björnsson
Bls. 20
Nordica Spa. Ljósmynd/Hari
Líkamsrækt EigEndaskipti
Ferðafrömuður í eigendahóp Nordica Spa
Breytingar hafa orðið á eigendahópi
líkamsræktarstöðvarinnar Nordica
Spa sem er til húsa á Hótel Nordica.
Ferðafrömuðurinn Þorsteinn Guð-
jónsson, sem er framkvæmdastjóri
Ferðaskrifstofu Íslands, hefur ásamt
eiginkonu sinni, Bjargeyju Aðal-
steinsdóttur, og systur, Kristínu
Laufeyju, keypt 45% hlut í fyrir-
tækinu. Þau hjónin ráku líkams-
ræktarstöðina Þokkabót í Vest-
urbæ Reykjavíkur til ársins 2000
þegar reksturinn var seldur Jónínu
Benediktsdóttur. Þorsteinn segir, í
samtali við Fréttatímann, að hann
sé ekki á leið út úr ferðabransanum.
„Bjargey mun sjá um íþróttahlut-
ann og systir mín, Kristín Laufey,
verður rekstrarstjóri. Ég held áfram
í mínu,“ segir Þorsteinn. Hann
viðurkennir að slá þurfi hressilega
í klárinn og taka til í rekstrinum
en óttast það ekki. Bjargey hefur
gífurlega mikla reynslu eftir áratuga
starf innan líkamsræktarstöðva.
Þorsteinn segir að kaupin á
hlutnum hafi að langmestu leyti
falið í sér yfirtöku á skuldum en auk
þess leggja nýir eigendur fé inn í
reksturinn.
BifrEiðagjöLd CO2-LOsun þriðjungs BíLafLOtans Ekki skráð
Býður leið til að fá leið-
réttingu bifreiðagjalda
Of há bifreiðagjöld greidd af sumum bílum sem ekki eru með skráða CO2-losun.
g reiða á síðari hluta bifreiðagjalda í júlí en lögum var breytt 27. desember síðastliðinn og miðast þau nú við CO2-losun bíla. Álag á
símkerfi Umferðarstofu var gríðarlegt skömmu eftir
áramótin þegar kom að greiðslu fyrri hluta gjald-
anna.
Skráning CO2-losunar hluta
bílaflotans liggur ekki fyrir, eða
nálægt þriðjungi hans, að sögn
Viktors Urbancic hjá Tækniþjón-
ustu Íslands en fyrirtækið hefur
fundið leið til að fá leiðréttingu
bifreiðagjalda fyrir eigendur þeirra
bíla sem ekki eru með skráða CO2-
losun. Í sumum tilfellum, segir á
heimasíðu Tækniþjónustu Íslands,
co2skraning.is, borga bíleigendur
of há bifreiðagjöld í nýja kerfinu.
Félagið býðst til að kanna, gegn
vægu gjaldi, bifreiðagjöld þeirra
bíla sem ekki eru með skráða CO2-
losun. Viðkomandi bíleigandi fær
síðan tölvupóst þar sem tilgreind
eru ný gjöld. Ákveði hann að það
borgi sig að breyta gjöldunum og fá
skráningargögnin send Umferðar-
stofu kostar það 20 þúsund krónur.
„Menn geta fengið eða keypt þessar
tölur frá Evrópu,“ segir Viktor, „en
við sömdum við TUV Nord, eitt
stærsta tækniþjónustufyrirtæki í
Evrópu, um tímabundinn afslátt af
þessum gögnum. Ytra kosta þau um
66 þúsund krónur.“ Hann segir það
hugmynd Tækniþjónustu Íslands
að menn geti með þessum hætti
fengið endurgreidda ofgreiðsluna
og gjöldin haldist rétt eftir það.
Viktor segir að íslensk stjórnvöld
séu með reglu til vara um bifreiða-
gjöld ef CO2-losun liggur ekki fyrir,
byggða á þyngd bíls eins og áður
var. Í sumum tilvikum geti sú regla
verið sæmilega réttlát en í öðrum
ekki. Það eigi t.d. við um tiltölulega
létta bíla með nýlegum vélum, ekki
síst dísilvélum. Þar geti ofgreiðsla
á ári verið nálægt 15-20 þúsund
krónum. Viktor nefnir dæmi um 36
þúsund króna ofgreiðslu af húsbíl
á ári, 18 þúsund á hvoru gjalda-
tímabili.
Jónas Haraldsson
jonas@frettatiminn.is
Dæmi
um 36
þúsund
króna of-
greiðslu
á ári.
Viktor Urbancic. Leiðrétting býðst á of háum bifreiðagjöldum. Ljósmynd/Hari
Helgi Magnús
vararíkissaksóknari
Ögmundur Jónasson innanríkisráðherra
hefur skipað Helga Magnús Gunnarsson í
embætti vararíkissaksóknara við embætti
ríkissaksóknara, að því er fram kemur í
tilkynningu innanríkisráðuneytisins. Helgi
Magnús fæddist 4. desember 1964. Hann
lauk embættisprófi í lögfræði frá Háskóla
Íslands 1998 og stundaði framhaldsnám
á háskólastigi í rannsókn og saksókn
efnahagsbrota við Polithøgskolen 2004-
2005. Hann fékk leyfi til málflutnings
fyrir héraðsdómi 2001. Hann hefur veitt
efnahagsbrotadeild ríkislögreglustjóra
forstöðu frá árinu 2007, en hefur verið
í leyfi frá þeim störfum síðan haustið
2010 er hann var kosinn varasaksóknari
Alþingis. - jh
Íslenska raftónlistarhátíðin Extreme Chill Festival 2011, Undir Jökli, verður haldin um
helgina, frá föstudegi til sunnudags, 5-7. ágúst, á Hellissandi við rætur Snæfells-
jökuls. Hátíðin var einnig haldin á Hellissandi í fyrra. Í ár munu um 30 íslenskir
tónlistarmenn koma fram auk tveggja erlendra. Í kvöld, föstudagskvöld, verða
tónleikar í félagsheimilinu Röst. Á morgun, laugardag, hefst dagskráin utandyra með
útitónleikum sem standa frá kl. 13 til 19 og verður dagskráin svo færð í félagsheimilið
Röst kl. 20. Í ár verður hátíðin tileinkuð íslenska raftónlistarfrumkvöðlinum Bjössa
Biogen, Sigurbirni Þorgrímssyni, en hann lést í byrjun þessa árs. Erlendu tónlistar-
mennirnir eru Biosphere og Solar Fields, auk rjóma íslenskrar raftónlistar. Sala miða
stendur til hádegis í dag, föstudag, á miði.is og í verslunum Brims á Laugavegi og í
Kringlunni. - jh
10 fréttir Helgin 5.-7. ágúst 2011