Fréttatíminn - 05.08.2011, Síða 23
Sk
já
rB
íó
V
O
D
, S
kj
ár
Fr
el
si
o
g
Sk
já
rH
ei
m
ur
e
r a
ðg
en
gi
le
gt
u
m
S
jó
nv
ar
p
Sí
m
an
s.
M
eð
D
ig
it
al
Ís
la
nd
+
fæ
st
a
ðg
an
gu
r a
ð
Sk
já
Ei
nu
m
o
g
Sk
já
Fr
el
si
.
HEFST Í ágúST á SKJáEINUM
ekkert
venjulegt
sjónvarp
„Maður getur ekki hætt að horfa“
usa today
„Soprano-fjölskyldan er eins og
hópur af smábörnum í samanburði
við Borgia-ættina“
Miami Herald
„Jeremy Irons er hryllilega góður“
entertainment Weekly
E
N
N
E
M
M
/
S
ÍA
/
N
M
4
7
6
18
Hringdu núna og tryggðu þér áskrift
í síma 595 6000, eða smelltu þér á skjareinn.is
aÐeIns
Á MÁnuÐI
3.490 KR.
SKJáREinn
Ótrúlega margir flottir og myndarlegir
gay karlmenn
Hvar eru flottustu „gay“ menn í heiminum?
„Ja, nú spyrðu góðrar spurningar. Ég held
það séu flottir menn alls staðar. Það er bara
misjafnt hvern maður hittir. Það er til mikið
af alveg ótrúlega flottum og myndarlegum
gay mönnum. Svo er mikið um að maður sjái
mjög fallegan mann með öðrum manni, sem
er ekkert sérstaklega glæsilegur, en þeir
eru saman og auðséð að það er mjög kært á
milli þeirra. Fyrir fjórum, fimm árum var ég
á Jumbo Center á Kanaríeyjum og þar sá ég
tvo menn milli sjötugs og áttræðs sem gengu
hönd í hönd og það var svo mikil blíða á milli
þeirra að það var eins og þeir væru sautján
ára unglingar. Þeir ljómuðu. Ég er sem betur
fer þannig gerður að ég hef aldrei gert grein-
armun á fólki eftir þjóðerni, lit, kynhneigð
og þekki ekki rasisma. Það skiptir mig engu
máli hvort elskhugar mínir hafa verið háir
eða lágir, grannir eða feitir – ég fell alltaf fyrir
augunum.“
Hann segist ekki eiga sér neitt lífsmottó.
„Ég hef verið mjög heppinn með skapferli
en mér hefur verið sagt að ég hafi stundum
verið hvass í orðum þegar ég var kominn í
glas, hafi sagt meiningu mína, sem stund-
um hafi verið óþarfi. Svo eru aðrir kunn-
ingjar sem segjast ekki kunna við mig svona
mildan!“ segir hann skellihlæjandi. „Ég hafði
alltaf mitt að segja, stundum var það kannski
ekki réttlátt.“
Þórir segist telja sig hafa verið heppinn í
lífinu og þegar hann lítur til baka yfir árin 85
segir hann:
„Ég hef verið heilsuhraustur, það var bara
þetta ökklabrot og svo sykursýkin núna. Ég
hef alltaf haft gaman af að hafa fólk í kringum
mig og í gamla daga þótti sjálfsagt að fólk
kæmi til mín og fengi sér í glas um helgar. Ég
starfaði til sjötugs, vann lengi hjá Loftleiðum
við farmiðasölu, fyrst í Lækjargötunni og svo
á Vesturgötu 2. Síðar fór ég að vinna hjá heild-
versluninni Kötlu og síðustu árin áður en ég
lét af störfum starfaði ég hjá útfararþjónustu.
Það fannst mér mjög gefandi starf.“
Sigurður Einarsson, vinur Þóris, segir mér
skemmtilega sögu frá þeim tíma þegar Þórir
vann á útfararstofunni:
„Þannig var að með Þóri vann lengi vel
maður sem hafði verið barþjónn árum saman
áður en hann fór að starfa í útfararþjónust-
unni. Þessi maður var með endemum kurteis
og ansi oft sást til hans tuldra eitthvað áður
en hann lokaði kistunni. Menn voru forvitnir
að vita hvað hann væri að segja og einn dag-
inn heyrði Þórir hvað það var. Fyrrum bar-
þjónninn sagði sem sagt: „Var það eitthvað
fleira áður en við lokum, herra minn?“
Heiðursfélagi MSC í Skotlandi og Bretlandi
Þórir er heiðursfélagi MSC í Skotlandi og
Bretlandi og þau lönd heimsækir hann mikið.
Um árabil bjó hann ásamt vini sínum í húsi
í London og það var þar sem hann kynntist
fyrst MSC London.
„Það hefur verið ríkjandi misskilningur
að þessi klúbbur gangi út á sex. Eins og ég
sagði þér áðan viljum við bara hafa karlmenn
karlmannlega klædda og erum eins konar
bræðralag.“
Hann segir mér margar skemmtilegar sög-
ur þegar við tölum um hvort „gay“ fólk sendi
frá sér einhverja sérstaka strauma:
„Ég get nú sagt þér eina skemmtilega sögu
af því,“ segir hann og brosir. „Þannig var að
klæðskeri nokkur hafði búið í Kaupmanna-
höfn í langan tíma og eftir heimkomuna var
honum boðið í veislu hjá heldri borgara. Þá
kemur mágur eiginkonu heldri borgarans
upp að klæðskeranum og segir: „Jæja, mér
er sagt að þú sért sódó.“ Klæðskerinn lét sér
ekki bregða heldur svaraði: „Þá skulum við
takast í hendur því mér hefur verið sagt að
það þurfi einn til að þekkja annan.“
Þetta finnst okkur báðum góð saga – nema
orðið „sódó“ nokkuð ljótt. Þórir kippir sér
ekkert upp við það þótt hann sé kallaður
hommi, samkynhneigður, „gay“ eða hvað:
„Mér finnst bara að það eigi ekkert að vera
að draga menn í dilka. Það skiptir engu máli
af hvoru kyninu maður heillast. Við erum öll
manneskjur. Mér finnst sorglegt þegar Ísland
hefur verið of lítið fyrir marga og menn hafa
hrakist til útlanda vegna kynhneigðar sinnar.
Einn þeirra var Hörður Torfason eins og flest-
ir vita, en hann kom sem betur fer til baka og
við, ásamt fleirum, stofnuðum Samtökin ´78.
Hörður hafði nefnilega kynnst Samtökunum
´48 í Danmörku og okkur fannst því tilvalið að
kalla okkar ´78. Aftur á móti er ég lítið hrifinn
af því þegar verið er að kalla samkynhneigða
karlmenn kvenmannsnöfnum. Það varð
hluti af menningunni hér, hommarnir sjálfir
byrjuðu á þessu og ég var lengi kallaður Tóta.
Ég verð að segja eins og er að þessi „siður“
hefur alltaf farið í taugarnar á mér. Mér finnst
það óvirðing við karlmennskuna að karlmenn
virði ekki skírnarnöfn sín, hvað þá að aðrir
séu að uppnefna þá.“
Vildi hafa fæðst þrjátíu árum síðar
Hann segir að ef hann mætti breyta ein-
hverju, þá væri það að hafa fæðst þrjátíu árum
síðar en hann gerði.
„Á sjötta og sjöunda áratugnum voru
nokkrir gay menn í einkauppreisn, stóðu með
sjálfum sér og gerðu það sem þeim fannst
réttast. Það er alltaf best þegar fólk þarf ekki
að lifa í lygi og það gleður mig hversu mikil
framför hefur orðið í réttindabaráttu samkyn-
hneigðra á Íslandi. Ég myndi alveg þiggja að
vera 55 ára núna!“
Þóri finnst mest um vert í lífinu að eiga
góða vini og kunningja:
„Annars hefur lífið breyst mikið hjá mér
eftir að ég hætti að smakka vín. Ég sakna
þess ekki beint, en mér finnst aldrei eins
skemmtilegt að vera edrú innan um drukkið
fólk og mér fannst þegar ég drakk sjálfur. Ég
gæti verið í partíum alla daga ársins, það er
alltaf verið að bjóða mér í samkvæmi, en ég er
alveg búinn á því um miðnættið. Ég les mikið,
þótt ég sjái bara með öðru auganu, og núna
eiga skáldsögur hug minn allan en í gamla
daga las ég mikið af ljóðum. Það má segja
að ég sé alæta á bækur. Sem krakki fór ég á
Bæjarbókasafnið og það má segja að það hafi
ekki komið út sú barnabók sem ég las ekki.“
Á ferð og flugi
Þegar viðtalið er tekið eru þrír dagar í Gleði-
gönguna. Um leið og Þórir hefur hlýtt á
skemmtiatriðin þarf hann að undirbúa næstu
utanlandsför því hann er stöðugt á ferð og
flugi:
„Um síðustu jól og áramót dvaldi ég hjá
vinum mínum Ómari og Árna í Berlín, svo
fór ég til Skotlands í janúar þar sem MSC
heldur alltaf hátíðlegan fæðingardag Roberts
Burns með „Burns dinner“ og þangað mæta
hátt í hundrað manns. Ég kom heim 2. júlí
frá London þar sem ég tók þátt í Gay Pride,
þangað sem mættu um milljón manns, og á
miðvikudaginn held ég til London og þaðan á
Gay Pride í Brighton. Þar verða staddir allir
vinir mínir úr MSC Scotland og MSC. Þetta
verður því fjórða utanlandsferðin mín á átta
mánuðum. Og ertu virkilega að spyrja hvort
ég ferðist aleinn? Ég held nú það, ég er svo
ungur ennþá að ég ferðast algjörlega á eigin
vegum! Ég er ekki dauður – ég er lifandi
ennþá!“
Þórir er heiðursfélagi MSC í Skotlandi og Bretlandi.
viðtal 23 Helgin 5.-7. ágúst 2011