Fréttatíminn - 05.08.2011, Blaðsíða 28

Fært til bókar
Ekki gjaldgeng á heimaslóð
Annie Mist Þórisdóttir varð heims-
meistari í CrossFit. Hún sýndi þar með
og sannaði að íþróttir eru ekki aðeins
heilsubót heldur geta þær verið veru-
legur fjárhagslegur ávinningur afreks-
fólks því verðlaun fyrir fyrsta sætið á
heimsmeistaramótinu námu nálægt
29 milljónum króna. Annie Mist hefur
því, þótt ung sé að árum, komið sér vel
fyrir fjárhagslega með einurð sinni og
atorku. Viðskiptablaðið fjallaði nýverið
um Annie Mist og heimsleikana. Þar
kom fram að keppni og þátttaka í Cross-
Fit hefur vaxið ört síðustu ár en banda-
ríski íþróttavöruframleiðandinn Ree-
bok er nú orðinn helsti stuðningsaðili
leikanna. Reebok gerði nýlega styrktar-
og auglýsingasamning við Annie Misti.
Einhverjum gæti dottið í hug að svo
glæsilegur árangur fleytti hinni ungu
afrekskonu langt þegar horft verður til
næsta íþróttamanns ársins hér á landi
en af því getur ekki orðið að óbreyttu
því CrossFit er ekki keppnisgrein innan
Íþróttasambands Íslands.
Fjárhagslegir hagsmunir ekki
í vegi eignaþingmanna
Fjárhagslegir hagsmunir
vefjast ekki fyrir þeim fimm
alþingismönnum sem greiða
auðlegðarskatt, að mati Við-
skiptablaðsins sem miðar
við svör þeirra á heimasíðu
Alþingis. Þingmennirnir eru
Sigmundur Davíð Gunnlaugsson, for-
maður Framsóknarflokksins, en hrein
eign hans nemur um 600 milljónum
króna ef marka má skattgreiðslurnar,
Álfheiður Ingadóttir, þingmaður VG,
með um 108 milljónir í hreina eign,
Pétur H. Blöndal, þingmaður Sjálf-
stæðisflokksins, með tæpar 100 millj-
ónir, og sama gildir um flokksformann
hans, Bjarna Benediktsson, en hrein
eign Jóns Gunnarssonar, þingmanns
Sjálfstæðisflokksins, er um 80 milljónir
króna. Í könnun blaðsins á svörum
þingmannanna kemur fram að Sig-
mundur Davíð er ekki í neinni launaðri
stjórnarsetu, hvorki í einkareknum né
opinberum félögum. Utan þings á hann
þó sæti í skipulagsráði Reykjavíkur. Þá
á formaður Framsóknarflokksins helm-
ingshlut í félaginu Menning ehf., sem er
félag á sviði skipulagsfræði. Menning er
ekki starfandi og hefur hvorki tekjur né
gjöld. Pétur Blöndal er sá eini í hópnum
sem fær greidd laun fyrir stjórnarsetu,
10 þúsund krónur í árslaun sem stjórn-
armaður í félaginu Ad Astra og um 180
þúsund krónur í árslaun frá sama
félagi. „Aðrar eignir sem Pétur
á,“ segir blaðið, „eru skuldlaus
íbúð við Kringluna og félagið
Silfurþing ehf. Hlutafé þess
félags er 1,2 milljónir króna
að nafnverði og eigið fé
neikvætt. Álfheiður, Jón og
Bjarni eiga engin félög, sam-
kvæmt hagsmunaskráningunni.
Álfabyggð?
„Dulin búseta á Vesturlandi“
Svokölluð dulin búseta á Vesturlandi
eykur álag á opinbera þjónustu án þess
að tekjur komi á móti. Erfitt er hins vegar
að mæla dulda búsetu og þar með að
ákvarða ráðstöfun skatttekna.
The end
„Kvikmyndaskólinn fékk viðvörun“
Menntamálaráðuneytið varaði stjór-
nendur Kvikmyndaskóla Íslands við því
að stækka skólann árið 2007.
Er þetta ekki boðhlaup?
„Hlaup byrjar aftur í Skaftá“
Hlaup er að hefjast að nýju í Skaftá, í
þetta sinn úr austari katlinum, en ekki er
búist við að hlaupið nái hámarki í byggð
fyrr en á föstudag.
Dvel ég í draumahöll
„Sofandi á 130 km hraða“
Lögreglan á Vestfjörðum kærði 29
ökumenn í síðustu viku fyrir of hraðan
akstur. Lögreglan segir í dagbók sinni að
sá sem hraðast ók hafi mælst á 130 km/
klst. og þakkaði ökumaðurinn lögreglu-
manni fyrir að stöðva akstur sinn, með
þeim orðum að hann hefði verið sofandi.
Prik fyrir viðleitni
„Hjólastígar eru 85% á eftir áætlun“
Í hjólreiðaáætlun fyrir Reykjavíkurborg
sem var samþykkt samhljóða í janúar
2010, þ.e. á síðasta kjörtímabili, er mælt
fyrir um að fram til ársins 2015
verði lagðir 40 kílómetrar
af nýjum hjólastígum.
Í fyrra var lagður einn
kílómetri og á þessu ári
verður tæplega tveggja kílómetra stígur
lagður.
Þvottabretti eru líka íslensk
náttúra
„Ferðamenn í hættu á götóttum
Geysisvegi“
Framkvæmdir við fjölfarna ferðamanna-
leið, um Laugardal milli Laugavatns og
Geysis, hafa staðið yfir í allt sumar. Það
kemur illa niður á ferðaþjónustunni.
Verkið er komið fram úr áætlun.
Þú tryggir ekki eftir á
„ESA rannsakar nýtt eignarhald Sjóvá“
Nýtt eignarhald á Sjóvá breytir því ekki
að Eftirlitsstofnun EFTA heldur áfram
að rannsaka hvort íslenska ríkið
hafi veitt ólögmætan ríkisstyrk til
að bjarga félaginu.
 Vikan sem Var
Samsæri
T Tannálfar komu ekki mikið við sögu í mínu ungdæmi. Aðrir álfar voru fremur á ferli og bæjar- og vegamálayfirvöld í mínu ágæta bæjarfélagi tóku tillit til álfabyggðar og sveigðu stofnbraut fram hjá henni. Sá fjöl-farni vegur dregur nafn af heimili álfanna
og því ekki nema von að íbúum sem fyrir
voru væri sýnd tilhlýðileg virðing.
Í Hafnarfirði er beinlínis gert út á álfa.
Ferðamenn fara þar um slóðir og skoða
byggðir þeirra. Í viðtölum við erlenda
ferðamenn og í ferðadálkum um Ísland í
erlendum blöðum er álfatrú okkar gert hátt
undir höfði. Ýtt er undir þá kenningu að
Íslendingar séu sérkennilegir, ef ekki bein-
línis skrítnir, sem vel má vera eftir margra
alda einangrun í myrkri og kulda.
Rafmagnið og öll sú birta sem því
fylgdi hefur trúlega heldur dregið úr álfa-
og huldumannatrú og nánast gengið af
draugum dauðum. Draugar eiga erfiðara
með að athafna sig í skjannabirtu samtím-
ans. Skammdegið hefur ekki lengur áhrif
á híbýli fólks. Nú er jafnbjart innandyra í
desember og í júní og götulýsing í þéttbýli
sér til þess að alltaf er ratljóst.
Sá sem er á ferð í myrku dreifbýli getur
þó skilið trú forfeðranna og ótta. Mönnum
hættir þá til að heyra í másandi óvættum á
eftir sér þótt þar sé enginn á ferð annar en
vindurinn.
Kannski má ekki líkja saman álfum og
huldufólki annars vegar og draugum hins
vegar. Huldufólkið var mönnum gott nema
gert væri á hlut þess. Pistilskrifarinn er
ekki nógu vel að sér í fræðunum til að
greina á milli álfa og huldufólks en hefur
það þó á tilfinningunni að um meinlaust
samfélag sé, eða hafi verið, að ræða. Al-
mennt er þó ekki talið neinum til framdrátt-
ar að vera eins og álfur út úr hól. Draug-
arnir voru hins vegar annarrar náttúru og
engin lömb að leika við.
En álfar lifa í samtímanum, með
einum eða öðrum hætti. Það heyrðu afi
og amma á leiðinni úr sumarbústaðnum
um verslunarmannahelgina. Aftur í sátu
barnabörn, sex ára stúlka og átta ára
drengur, systkin einmitt á þeim aldri
sem börn fá fullorðins-tennur í stað
barnatanna. Þau voru betur að sér í álfa-
fræðum en afi og amma, að minnsta kosti
þeim fræðum er sneru að tannálfum. Þeir
koma verulega við sögu hjá börnum á
þessu æviskeiði.
Það getur kostað grát og gnístran
tanna, í bókstaflegri merkingu, að missa
tennur. Barnatennurnar vilja skekkjast
áður en þær detta úr og stundum lafa þær
á einni taug og eru til vandræða. Barnið
leyfir ekki að tönninni sé kippt burtu, ótt-
ast að vonum sársauka. Þá blæðir stund-
um, sem veldur kvíða. Það er því þörf á
huggun þegar tönnin losnar að lokum og
þar kemur tannálfurinn sterkur inn.
Foreldrarnir lofa að téður álfur leggi
eitthvað gott til, fái hann tönnina. Við það
er staðið og því er tannálfurinn börnun-
um kær. Hann leikur ekki ólíkt hlutverk
og jólasveinar sem færa þægum börnum
gott í skóinn en óþægum kartöflu sem
ekki er jafn eftirsóknarvert.
Efinn er hins vegar fylgifiskur mann-
skepnunnar, sama á hvaða aldri hún er.
Þess vegna efast sum börn um tilvist jóla-
sveinsins, einkum þegar árunum fjölgar.
Það breytir þó engu um skó í glugga. Það
er sama hvaðan gott kemur. Hið sama
á við um tannálfinn. Það eru ekki allir
jafn sannfærðir. Það heyrðum við sem
framar sátum í bílnum á heimleiðinni úr
helgarfríinu.
„Ég fann tönnina mína fjórum dögum
eftir að hún datt úr í náttborðsskúffunni
hjá pabba,“ sagði eldra barnið, átta ára
drengurinn. Tannálfurinn hafði að sönnu
skilað sínu en drengnum þótti eitthvað
bogið við það að tönnin sjálf, einmitt það
sem tannálfurinn sóttist eftir, lægi í reiði-
leysi í náttborðsskúfu einhvers sem ekki
var aðili að málinu, jafnvel þótt um sjálfan
pabba væri að ræða.
Yngra barnið, sex ára stúlkan, sætti sig
ekki við að tilvist svo merkilegrar veru
sem tannálfsins væri dregin í efa. „Ég
skrifaði tannálfinum bréf með tönn-
inni minni og bað hann að senda
mér teikningu af sér svo ég sæi
hvernig hann lítur út. Tannálfur-
inn sendi mér teikninguna svo ég
veit hvernig hann er – og ég veit
að pabbi kann ekki að teikna,“
sagði stúlkan kotroskin. Þar
með taldi hún sig hafa mátað
stóra bróður sem allt þóttist
vita.
Afi stalst til að gjóa aug-
unum í baksýnisspegil bílsins
meðan á þessum viðræðum í
aftursætinu stóð, enda síður að
sér í þessari tegund álfafræða en
börnin. Hann sá því þegar drengur-
inn, með talsvert meiri lífsreynslu en
litla systir, hallað sér að henni og sagði
með sannfæringarkrafti þess sem sér í
gegnum helstu samsæri:
„Mamma kann að teikna.“
Jónas
Haraldsson
jonas@
frettatiminn.is
HeLGarPisTiLL
Te
ik
ni
ng
/H
ar
i
iPod Touch
Lófatölva fyrir dagsins önn
Epli.is, Laugavegi 182, sími 512 1300 | Opið 10-18 mánudaga til föstudaga og 12-16 laugardaga | www.epli.is
Verð frá 55.990.-
Tónlist, vídeó, leikir, forrit,
rafbækur, hljóðbækur,
podvörp, ljósmyndir, Safari
netvafri, póstforrit, kort,
FaceTime, HD vídeóupptaka,
Nike+iPod stuðningur
Aðeins 101 gramm
Allt að 40 klst rafhlöðuending
www.noatun.is
Verslanir Nóatúns eru
opnar allan sólarhringinn
Nýttu þér nóttina í
Nóatúni
28 viðhorf Helgin 5.-7. ágúst 2011