Læknablaðið - 01.04.1968, Side 81

LÆKNABLAÐIÐ
95
stjórnar Læknafélags Reykjavíkur. Verður það verkefni næstu stjórnar
að halda fast fram þeirri stefnu, sem núverandi stjórn og meðstjórn
hafa þegar markað í þessu máli, því að telja verður það mikið spor
aftur á bak í læknisþjónustumálum borgarinnar, ef setja verður upp
sérstaka miðstöð fyrir vaktlæknaþjónustuna í bænum.
Gjald fyrir Þegar gjald fyrir símlyfseðla hækkaði úr kr. 10.00 í kr.
símlyfseðla 25.00 um síðastliðin áramót, óskuðu apótekarar eftir
breyttu fyrirkomulagi á innheimtu gjalds fyrir símlyf-
seðla. Formaður L. R. og stjórn heimilislæknafélagsins ræddi þá við
fulltrúa frá apótekurum, og síðar var rætt við Gunnar Möller, forstjóra
S. R., og náðist samkomulag, sem er í aðalatriðum eftirfarandi:
Læknar þurfa nú ekki að undirrita símlyfseðla, og er það með
samþykki landlæknis. Apótekarar senda lyfseðla vikulega til S. R.,
sem svo getur sent einstaka símlyfseðla til viðkomandi læknis tii
áritunar, ef ástæða þykir til. Apótekarar skuldbinda sig til að standa
skil á gjaldinu fyrir símlyfseðla á þriggja mánaða fresti, hafi læknir-
inn eigi sjálfur vitjað gjaldsins fyrir þann tíma, þó þannig, að upphæðin
hafi náð kr. 1000.00. Nái gjaldið samtals ekki kr. 1000.00 yfir árið,
greiðist það aðeins í árslok, nema læknirinn vitji þe&s sjálfur. Sam-
komulag þetta var gert við apótekara í Reykjavík, Kópavogi og Hafnar-
firði og undirritað 29. janúar 1968.
Verkefni Um það var getið 1 síðustu ársskýrslu stjórnar L. R., að
fram undan starfsár það, sem hún fjallaði um, hefði mótazt verulega
af launadeilu sjúkrahúslækna. Segja má, að það starfsár,
sem nú er liðið, hafi nokkuð mótazt af stríðsþreytu eftir átök þessi.
í upphafi kjaradeilunnar var það ásetningur þeirra lækna, sem að henni
stóðu, og stjórnar Læknafélags Reykjavíkur, að fylgjast skyldu að
launakjör og starfsaðstaða. Þes.si atriði varð þó að skilja að, sökum
þess að ekki var til sömu aðila að sækja, og enn fremur sökum þess,
að læknar viðurkenndu, að ýmislegt það, er varðaði starfsaðstöðuna,
mundi taka verulegan tíma að framkvæma. Raunin hefur hins vegar
orðið sú, að sá róður hefur orðið allþungur.
Það, sem áunnizt hefur, er, að læknaráð hefur „de facto“ verið
stofnað á Landspítalanum og Rannsóknarstofu Háskólans. í ráði þessu
eiga sæti allir sérfræðingar spítalans, aðstoðarlæknar og fulltrúar
kandídata ásamt yfirlæknum. Læknaráðið hefur samið drög að reglu-
gerð fyrir starfsemi sína, sem send hafa verið heilbrigðismálaráðherra,
en afgreiðsla þeirrar reglugerðar hefur dregizt mjög úr hömlu af
ýmsum ástæðum, sem of langt yrði að rekja hér. Það verður eitt af
verkefnum næstu stjórnar Læknafélags Reykjavíkur að styðja við
bakið á læknum Landspítalans til að flýta fyrir því, að reglugerðin um
læknaráð verði staðfest af hlutaðeigandi yfirvöldum, og verður að
teljast vafasamt, að þeir muni sætta sig við að halda áfram störfum,
ef staðfesting fæst ekki á reglugerðinni.
Annar árangur af baráttu lausráðinna lækna fyrir bættri starfs-
aðstöðu er sá, að í smíðum eru mörg læknaherbergi í byggingu Land-
spítalans. Þessi læknaherbergi munu væntanlega verða tilbúin á þessu