Læknablaðið - 01.02.1969, Qupperneq 75

LÆKNABLAÐIÐ
35
að meðaltali 4.9 sinnum, en hver karl 3.1 sinnum til læknis
á tveggja ára tímabili.
3) Fjörutíu af hundraði erinda voru afgreidd með viðtali og
klínískri skoðun, en 41% með viðtali einvörðungu. Vitjanir
voru rúmlega 4% allra erinda, en aðgerðir og/eða lækninga-
rannsóknir 14%.
4) Frávísanir til lækna utan héraðs fengu tíu af hundraði þeirra
einstaklinga, sem til læknis leituðu, en hins vegar voru ein-
ungis tveir hundraðshlutar erindanna afgreiddir með þessum
hætti.
5) Tíu af hundraði héraðshúa áttu lengri eða skemmri viðdvöl
á heimilislæknasjúkrahúsi héraðsins á einu ári.
6) Á tveimur árum var 26% einstaklinga, er leituðu læknis, vís-
að 418 sinnum til meðferðar utan stofu.
7) Á einu ári voru greindar 336 sjúkdómategundir í 2092 skipti
eftir reglum, sem lýst er nánar. Sjúkdómarnir eru flokkaðir
eftir líffærakerfum og greint frá fjölda tilfella.
8) Birt er skrá yfir algengustu sjúkdómategundirnar, sem sýnir,
að 47.5% allra sjúkdómstilfella eru af 21 sjúkdómstegund.
9) Sýklaeyðandi lyf voru notuð í 22% erinda, lyf gegn bjúg og
hækkuðum blóðjjrýstingi í 11% erinda, verkjalyf í 10% er-
inda og geðróandi lyf í 9% erinda.
10) Loks kemur fram skrá, sem sýnir, að átta sjúkdómaflokkar
eru aðaltilefni 45% allra erinda, sem sjúklingar áttu við
lækna.
Þakkir
Við þökkum landlækni og Iieilhrigðisstjórn fyrir jákvæðar
undirtektir, sém auðvelduðu okkur söfnun þeirra heimilda, sem
hér hafa verið birtar. Einnig viljum við þakka forsvarsmönnum
liéraðsins fyrir góða samvinnu. Tólf læknanemar og kandídatar
unnu með okkur á tímabilinu, og er vönduð vinna þeirra horn-
steinn þessarar ritsmíðar. Allt heilbrigðisstarfsfólk héraðsins sýndi
áhuga og samvizkusemi, en sérstaklega viljum við jiakka Sigrúnu
Stefánsdóttur iiéraðshjúkrunarkonu, sem lagði mikla vinnu af
mörkum við söfnun þessara heimilda.