Læknablaðið - 01.11.1972, Blaðsíða 33

LÆKNABLAÐIÐ
171
LÆKNABLAÐIÐ
58. árg. Nóvember 1972
FELAGb^nt-UiöMlfiAN H.F.
VANDAMÁL
SYKURSJÚKRA
Hinn 16. desember 1971 voru
stofnuð Samtök sykursjúkra í
Reykjavík. Markmið þess félags
er að vinna að málefnum sykur-
sjúkra og tryggja þeim viðunandi
heilsugæzlu. Af hugvekju Þóris
Helgasonar í þessu blaði er ljóst,
að stofnun samtaka þessara er
mjög tímabær og æskilegt er, að
starfsemi þeirra nái sem fyrst til
allra sykursjúkra á landinu.
Ljóst er, að hópur sykursjúkra
hér á landi er stærri en ýmsir
hafa ætlað, þótt endanleg rann-
sókn á tíðni sjúkdómsins hafi ekki
verið gerð. Ástæða er til að ætla,
að eftirliti og meðferð slíkra
sjúklinga sé hér verulega ábóta-
vant sakir lélegrar aðstöðu.
Reynsla erlendra manna er sú,
að það sé fyrst og fremst nákvæmt
eftirlit og strangt aðhald, sem
vænlegast sé til að lengja dag
hins sykursjúka. Slíku eftirliti
verður vart komið við nema á sér-
stofnunum (göngudeildum), sem
sjúklingarnir geta leitað til. Til
slíkra stofnana þarf allfjölmennt,
sérþjálfað starfslið.
Engin slík stofnun er til hér á
landi. Hinir fáu sérfróðu um með-
höndlun sykursjúkra geta hvergi
nærri sinnt þeim sem skyldi, og
á sjúkrahúsum fá sjúkhngar oft
ekki inni, fyrr en í óefni er kom-
ið. Fjöldi andvana og ólífvænlegra
barna sykursjúkra ’kvenna er hér
uggvænlegur. Virðist hér þörf stór-
um betra eftirlits og fæðingar-
hjálpar fyrir þungaðar, sykur-
sjúkar konur, ef nást á sami
árangur og víða erlendis.
Auk beinnar þjónustu við syk-
ursjúka er þess að vænta, að hin
nýju samtök beiti sér fyrir rann-
sóknum, m.a. á tíðni sykursýki
hérlendis. Áherzlu verður að
leggja á miðlun upplýsinga milli
skyldra samtaka og stofnana, m.a.
til að forðast dýran tvíverknað.
Eðlilegt væri því, að Samtök syk-
ursjúkra og Hjartavernd sam-
ræmdu starfsemi sína að því
marki, sem við á, til heilla fyrir
bæði samtökin.
Verkefni hinna nýju samtaka
er mikið. Læknar fagna stofnun
þessa nauðsynjafélags og munu
án efa leggja því lið. Heil-
brigðisyfirvöld landsins með heil-
brigðisráðherra í broddi fylkingar
hafa þegar sýnt málefnum hinna
nýju samtaka mikinn áhuga og
má því vænta fulls stuðnings
þeirra til lausnar á vandamálum
sykursjúkra. Slíkar undirtektir
eru lofsverðar.