Læknablaðið - 01.08.1974, Page 52

136
LÆKNABLAÐIÐ
STYRKTARSJÓÐUR EKKNA OG MUNAÐAR-
LAUSRA BARNA ÍSLENSKRA LÆKNA.
í sumar barst Styrktarsjóði ekkna og
munaðarlausra barna íslenzkra lækna kr.
100.000.00 gjöf frá bjónunum Ingibjörgu
Sigurjónsdóttur og dr. phil. Sverri Magn-
ussyni, lyfsala í Hafnarfirði.
Fé þetta gáfu þau í tilefni þess, að 27.
júlí 1974 voru liðin 100 ár frá fæðingu föð-
ur Sverris, Magnúsar Jóhannssonar, hér-
aðslæknis.
Magnús Jóhannsson var skipaður hér-
aðslæknir í svokallað 9. læknishérað árið
1898, með aðsetri á Sauðárkróki, en árið
1900 var hann skipaður í Hofsóshérað, með
aðsetri á Hofsósi, með nýrri héraðsskipan.
Hann þjónaði síðan Hofsóshéraði til dauða-
dags.
Magnús andaðist árið 1923 í blóma lífs-
ins, eftir 25 ára starf í héraði. Lét hann
eftir sig eiginkonu, frú Rannveigu Tómas-
dóttur, prests á Völlum í Svarfaðardal, og
sjö börn á aldrinum 2-16 ára.
Sverrir segir, að líta beri á gjöf þeirra
hjóna sem þakklætisvott fyrir mjög kær-
kominn styrk, sem fjölskyldu hans hlotn-
aðist frá sjóðnum, þegar miklir erfiðleikar
steðjuðu að, og er þeim systkinum þessi
stuðningur enn í fersku minni.
Stjórn sjóðsins færir hjónunum alúðar
þakkir fyrir þetta rausnarlega framlag,
sem ætti að verða okkur hvatning til þess
að efla sjóð okkar, svo að hann megni að
veita meira en óverulegan jólaglaðning
þeim, sem hann er ætlaður.
— 9 —
Frá stjórn Styrktarsjóðs ekkna og mun-
aðarlausra barna íslenzkra lækna hefur
Læknablaðinu borizt ósk um að prenta að
nýju Skipulagsskrá sjóðsins ásamt ágripi
af sögu hans.
Styrktarsjóður ekkna og munaðarlausra
barna íslenzkra lækna, eins og sjóðurinn
heitir samkvæmt stofnskrá, var stofnaður
í ársbyrjun árið 1926 af Læknafélagi
Reykjavíkur og þá kosin bráðabirgðastjórn
fyrir sjóðinn. Stjórn þessa skipuðu lækn-
arnir Þórður Thoroddsen, Gunnlaugur
Claessen og Þórður Edilonsson.
Fyrsti stjórnarfundur sjóðsins var hald-
inn 9. febrúar 1926, og var þar ákveðið að
senda umburðarbréf til allra íslenzkra
lækna með áskorun um að þeir gerðust fé-
lagar í sjóðnum og greiddu árleg tillög til
hans, sem þótti hæfilega ákveðið kr. 30.00
á mann. Voru undirtektir lækna góðar,
ekki sízt héraðslækna og varð því sjóður-
inn strax sjóður allra íslenzkra lækna, þótt
hann væri stofnaður að frumkvæði
Reykjavíkurlækna. Var einnig með skipu-
lagsskrá hans ákeðið að tillög til hans yrði
ákveðinn hluti af árgjöldum lækna til fé-
laga sinna, þ. e. Læknafélags Reykjavíkur
og Læknafélags íslands, og hefur svo verið
æ síðan.
Samkvæmt reglugerð sjóðsins er óheim-
ilt að árleg úthlutun úr sjóðnum nemi
hærri upphæð en 2/3 af vöxtum stofnsjóðs-
ins og 2/3 af árlegum tillögum lækna. Á
verðbólgutímum, eins og verið hafa lengst
af frá því sjóðurinn var stofnaður, kom
brátt í Ijós, að það fé, sem sjóðurinn hafði
til úthlutunar, hrökk skammt til þess að
gagn væri að. Þurfti því að afla sjóðnum
tekjuauka á annan hátt. Því var það á ár-
inu 1941 að stofnaður var annar sjóður,
eða deild innan upprunalega sjóðsins, svo-
nefndur Spila- og samskotasjóður. Upphaf-
lega voru keypt spil á framleiðsluverði og
síðan seld læknum og velunnurum sjóðsins
á „okurverði“, eins og frá er sagt í fundar-
gerðarbók sjóðsins. Þessi sjóður er undan-
þeginn ákvæðum reglugerðar um tak-
mörkun eyðslueyris og hefur hann allur
verið notaður til árlegrar úthlutunar, sem
með því móti hefur getað numið nokkurri
upphæð. í sjóð þennan hafa farið tekjur
af Ártíðarskrá eða dánarminningakortum