Læknablaðið - 01.08.1974, Page 63

LÆKNABLAÐIÐ
141
■4. STÖRF, SEM UNNIÐ ER AÐ NÚ
■4.1. Unnið er að þeirri áætlun, sem gera á
samkvæmt lögum um heilbrigðisþjón-
ustu um sjúkrahús og heilbrigðisstofn-
anir fyrir landið allt fyrir 10 ára tíma-
bil. Ekki er hægt að segja fyrir um,
hvenær þessi áætlun liggur fyrir, en
væntanlega verða drög að henni til-
búin í lok ársins.
■4.2. Unnið hefur verið að stöðlun heilsu-
gæzlustöðva fyrir 1 lækni, 2 lækna og
fleiri lækna ásamt starfsliði og er
þessi stöðlun mjög langt á veg komin,
þannig að öruggt má telja, að ákveðn-
ir staðlar liggi fyrir um þetta fyrir árs-
lok, og raunar fé þeir arkitektar, sem
nú taka til við slíka vinnu, mjög ákveð-
in fyrirmæli að vinna eftir.
4.3. Stöðlun á vistheimilum og dvalarheim-
ilum fyrir aldraða og sjúkradeildum
sjúkrahúsa.
Það má segja hið sama um þetta verk-
efni og það, sem fyrr var rætt. Það er
unnið að þessu máli í ráðuneytinu nú
og liggja fyrir í meginatriðum þær
ákvarðanir um staðla, sem væntanlega
verður farið eftir í framtíðinni.
4.4. Á árinu hafa farið fram allmiklar at-
huganir á hagkvæmni þess, að nota
tilbúin hús eða húshluta sem heilsu-
gæzlustöðvar, embættisbústaði og
dvalarheimili fyrir aldraða. Ávinningur-
inn af notkun slíkra aðferða virðist
fyrst og fremst vera tímasparnaður, en
fjárhagslegur vinningur virðist vera
mjög lítill.
5. BYGGINGAR, SEM NÚ ERU HAFNAR
5.1. Á Akureyri er rétt byrjað að byggja
við sjúkrahúsið, þ. e. byrjað að grafa
grunn, en eins og allir vita, er gert ráð
fyrir því, að þar rísi mjög stórt sjúkra-
hús, sem verður aðalsjúkrahús lands-
ins, utan Reykjavíkur.
5.2. Á Neskaupstað er einnig byrjað að
byggja við sjúkrahús og þar verður
bæði Iegudeild og heilsugæzlustöð.
5.3. Á Selfossi er byrjað að byggja upp
sjúkrahús, sem á að rýma 35 sjúklinga,
ásamt heilsugæzlustöð, sem á að geta
þjónað 6-8000 manns.
5.4. í Vestmannaeyjum verður sjúkrahúsið
tilbúið í næsta mánuði og auk þess er
verið að byggja þar hjúkrunarheimili,
sem Rauði Kross íslands gefur fyrir 40
vistmenn.
5.5. í Reykjavík er byrjað að byggja geð-
deild fyrir 60 sjúklinga við Landspítal-
ann og er það fyrri áfangi.
5.6. Landspítali og Læknadeild Háskólans
hafa komið sér saman um samvinnu
við uppbyggingu á svæðinu kringum
Landspítalann fyrir læknadeild og rík-
isspítalana. Þar á í framtíðinni að vera
aðalmiðstöð læknakennslunnar í land-
inu og við gerum ráð fyrir því, að tann-
læknadeild verði byggð þar og bygg-
ing hefjist á næsta ári. Einnig verði
byrjað á næsta ári að byggja rann-
sóknastofubyggingu og byggingu fyrir
preklíniskar deildir.
5.7. Til bráðabirgða hafa verið tekin í notk-
un á Landspítala gamla 6. deildin
fyrir rannsóknastofur Landspítalans,
gamla þvottahúsið fyrir veirufræði og
sýklafræði og nú er að hefjast bygg-
ing á bráðabirgðahúsi, sem verður um
800 m2, þar sem sýklafræði og augn-
sjúkdómafræði fá inni.
Nýja fæðingadeildin hefur dregist
og það er augljóst nú, að fáist ekki
aukafjárveiting til þeirrar byggingar,
kemst hún ekki í not fyrr en seint á
næsta ári.
6. FÉ TIL FRAMKVÆMDA Á
Á ÁRINU 1974
Því fé, sem ætlað er á fjárlögum til fram-
kvæmda í heilbrigðisstofnunum á árinu
1974, má skipta í nokkra þætti:
6.1. Sjúkrahús og heilsugæzlustöðvar á
vegum sveitarfélaga.
Til þessa er ætlað á árinu 262.100.000.-.
6.2. Til læknisbústaða 15.370.000.-.
6.3. Til elliheimila 17.600.000.-.
6.4. Til framkæmda á vegum ríkisspítala
143.200.000
6.5. Framkvæmdir á vegum gæzluvistar-
sjóðs 20.000.000.-.
Samtals eru þannig áætlaðar úr ríkissjóði
458.270.000.- til ýmis konar framkvæmda,
sem geta talizt til heilbrigðisstofnana.
Á móti þessum framlögum ríkisins eiga
að koma framlög frá sveitarfélögum, 15%