Fréttatíminn - 23.12.2010, Síða 20

Íslensk framleiðsla
Hollur hátíðarmatur
Fylltur kalkúnn fullkomnar veisluna.
Uppskriftir og eldunarleiðbeiningar á
www.kalkunn.is
Þ etta er eins konar óður til sveitarinnar og fólksins þar, augnablik sem ég hef verið við-staddur,“ segir Hrafn um bókina og mynd-
irnar sem hana prýða. Hrafn hefur áður skrifað um
Árneshrepp í bókinni Þar sem vegurinn endar en
nú eru það myndirnar sem tala. Þær eru teknar á
síðustu þremur árum og sýna sveitunga Hrafns í
leik og starfi í hinni stórbrotnu náttúru á Strönd-
um. „Ég var með myndavélina á lofti á öllum árs-
tímum og fylgdist með sveitungum mínum í leik
og starfi þannig að bókin gefur vonandi svolítið
góða mynd af búsetunni við ysta haf.“
Hrafn er þekktari sem rithöfundur og blaða-
maður en ljósmyndari en ljósmyndaáhuginn hefur
ágerst með árunum og honum fannst því tilvalið að
hvíla sig á lyklaborðinu og fylla bók af myndum úr
því safni sem orðið hefur til hjá honum við dvölina
á Ströndum. Hann segist hafa átt því láni að fagna
að hafa unnið með mörgum góðum ljósmyndurum
gegnum tíðina.
„Íslendingar eiga ótrúlega marga fyrsta flokks
ljósmyndara. Ég hef unnið með mörgum snjöllum
ljósmyndurum og ætla ekki að bera mig saman
við þá, enda er ég aðeins áhugamaður og á mikið
ólært. En mér finnst fátt skemmtilegra en að vera
á randi með myndavélina, sérstaklega í sveitinni
þar sem boðið er upp á sífellda veislu fyrir öll
skilningarvit. Mér finnst gaman að taka myndir.
Ég er oft vopnaður myndavélinni og hef víst reynt
dálítið á þolrifin í vinum mínum fyrir norðan. En
fyrir vikið náði ég að klófesta mörg skemmtileg
og söguleg augnablik sem lífið býður daglega upp
á. Með bókinni vildi ég deila með öðrum upp-
lifun minni á sveitinni sem er mér svo kær,“ segir
Hrafn. Við ysta haf – Mannlíf og náttúra í Árnes-
hreppi á Ströndum er seld í bókaverslunum Iðu og
Eymundsson auk þess sem fólk getur nálgast hana
hjá Hrafni sjálfum símleiðis eða á Facebook.
Fyrir nokkrum árum sneri Hrafn Jökulsson baki við skarkala Reykjavíkurborgar og settist að í
afskekktustu sveit landsins í Árneshreppi á Ströndum. Hann var þarna í sveit á sumrin þegar
hann var strákur og hefur alla tíð síðan borið sterkar taugar til Stranda. Hann hefur nú ort
sveitinni sinni óð, með myndavélina að vopni, í ljósmyndabókinni Við ysta haf – Mannlíf og
náttúra í Árneshreppi á Ströndum sem kom út í síðustu viku.
Sigursteinn bóndi í Litlu-Ávík með
útilegukind í fanginu. Hún heitir Ill
og strauk eitt haustið til að bjarga
dætrum sínum frá sláturhúsinu.
Það tókst.
Alls konar augnablik við ysta haf
Eldur á Finnbogastöðum.
Engu varð bjargað þegar
íbúðarhúsið á Finnboga-
stöðum varð eldi að bráð
16. júní 2008.
Engin uppgjöf! Daginn eftir
brunann á Finnbogastöðum
var þjóðhátíðardagur Ís-
lendinga. Guðmundur bóndi
Þorsteinsson fékk lánaðan
fána, því ávallt er flaggað
á Finnbogastöðum 17. júní.
Örfáum vikum síðar var
fyrsta skóflustungan að nýju
húsi tekin.
Með bókinni
vildi ég deila
með öðrum
upplifun minni
á sveitinni sem
er mér svo kær.
Smalastúlka á Ströndum. Árný Björnsdóttir frá Melum stendur vaktina í Veiðileysu. Höfuðbólið Bær í Trékyllisvík á fallegum vetrardegi.
20 fréttir Helgin 23.-26. desember 2010