Læknablaðið - 15.04.1986, Blaðsíða 30

98
L/UKNABLAÐIÐ 1986; 72: 98
FUNDARGERÐ AÐALFUNDAR LÆKNAFÉLAGS
REYKJAVÍKUR
Aðalfundur Læknafélags Reykjavíkur var
haldinn í Domus Medica miðvikudaginn 12.
mars 1986. Kristján Baldvinsson, fráfarandi
formaður L.R., setti fundinn og skipaði
Hauk Þórðarson fundarstjóra og Halldór
Jónsson fundarritara. Því næst var gengið til
dagskrár.
Formaður flutti ársskýrslu L.R. fyrir
starfsárið 1985 til 1986. í upphafi minntist
hann látinna félaga en fimm félagsmenn
létust á árinu. Vottuðu fundarmenn minn-
ingu þeirra virðingu sína með því að rísa úr
sætum. Formaður rakti síðan efni skýrslun-
nar sem dreift var fjölritaðri á fundinum
ásamt reikningum félagsins. Ekki voru
gerðar athugasemdir við skýrsluna en rædd
nokkur atriði í samningi um sérfræðilækn-
ishjálp frá 24. maí 1985. Svarað var fyrir-
spurnum vegna hugsanlegra kaupa á orlofs-
bústað við Hreðavatn og vegna mettaðs
markaðs fyrir heimilislækna í Reykjavík og
vandamála við endurnýjun i framtíðinni.
Guðmundur I. Eyjólfsson, fráfarandi
gjaldkeri, skýrði reikninga liðins starfsárs.
Þeir voru síðan samþykktir athugasemda-
laust. Friðrik Karlsson skýrði frá rekstri
Domus Medica.
Kjósa átti þrjá aðalmenn og þrjá
meðstjórnendur til tveggja ára, tvo með-
stjórnendur til eins árs og þrjá varamenn.
Einugis lá fyrir tillaga stjórnar L.R. sem lögð
var fram á fundi 19. febrúar 1986. Var tillaga
stjórnar samþykkt.
Aðalstjórn: Magni S. Jónsson formaður,
Halldór Jónsson ritari, Atli Dagbjartsson
gjaldkeri.
Meðstjórnendur til tveggja ára: Haraldur
Briem, Ólafur F. Mixa, Þorsteinn Gíslason,
allir endurkjörnir.
Meðstjórnendur til eins árs: Einar Stein-
grimsson, Kjartan Örvar.
Varamenn til eins árs: Eiríkur Jónsson,
Ludvig A. Guðmundsson, Kristján Steins-
son.
Eftirtaldir læknar voru að tillögu stjórnar
kjörnir fulltrúar L.R. á aðalfund L.í. sam-
kvæmt félagslögum:
Aðalfulltrúar: Jón H. Alfreðsson, Jón
Níelsson, Kjartan Örvar, Ólafur F. Mixa,
Ludvig A. Guðmundsson, Þórður Harðar-
son, Tryggvi Ásmundsson.
Varafulltrúar: Þorkell Bjarnason, Sig-
urður Björnsson (onc.) Eiríkur Jónsson,
Vigfús Magnússon, Þengill Oddsson, Hann-
es Pétursson, Viðar Hjartarson.
Stjórn félagsins tilnefnir síðan aðra sjö
fulltrúa og varafulltrúa á fundinn.
Kjósa átti tvo endurskoðendur og tvo til
vara. Stungið var upp á sömu endurskoðend-
um og fyrir voru, þ.e. Magnúsi Ólafs-
syni og Þorgeiri Gestssyni og til vara Kjart-
ani Pálssyni og Sigurði Sigurðssyni. Voru
þeir allir endurkjörnir.
Fráfarandi gjaldkeri lagði fram tillögu um
óbreytt árgjald fyrir næsta starfsár, þ.e.
1.500 kr. Engar aðrar tillögur komu fram og
var tillagan síðan samþykkt einróma.
Fráfarandi formaður skýrði frá ákvörðun
stjórnar um val tveggja nýrra heiðursfélaga
L.R., þeirra Snorra Páls Snorrasonar og
Þórarins Guðnasonar. Hann flutti síðan
þakkir fráfarandi stjórnar til fyrrverandi og
núverandi stjórnar L.Í., til framkvæmda-
stjóra og starfsfólks L.R. og til Friðriks
Karlssonar og starfsfólks D.M.
Því næst tók til máls nýkjörinn formaður
og þakkaði fyrrverandi stjórn gott starf. Var
fundi síðan slitið.
Fundinn sátu einungis sjö félagsmenn.