Læknablaðið - 15.12.1990, Blaðsíða 23

497
NABLAÐIÐ
THE ICELANDIC MEDICAL JOURNAL
Læknafclag Íslands og
Læknafclag Rcykjavikur
76. ÁRG. - DESEMBER 1990
LÆKNAÐLAÐIÐ
OG
ÍSLENSK MYNDLIST
Undanfama mánuði hafa verið birtar myndir
af íslenskum myndverkum af ýmsum toga
á forsíðu Læknablaðsins eins og lesendur
blaðsins hafa án efa merkt. Hugmynd þessi
er að sjálfsögðu ekki ný, fremur en flest
annað undir sólinni, og hafa ýmis tímarit
víða um heim, þar á meðal læknatfmarit,
haft í frammi svipaða tilburði. í tilefni af 75
ára afmæli blaðsins á síðastliðnu ári taldi
ritstjóm ástæðu til að minna á einhvem
veigamikinn þátt íslenskrar menningar.
Leitað var til myndlistarmanna í þessu skyni
og er Læknablaðinu mikill sómi sýndur af
jákvæðum viðbrögðum þeirra og afkomenda
þeirra. Ástæða þessa var ekki síst sú að minna
bókhneigða lesendur á, að fleira en ritað mál
er homsteinn menningar hverrar þjóðar. Af
ástæðum sem teljast verða augljósar, er örðugt
að fjalla um ýmsar aðrar listgreinar, til dæmis
tónlist, á sama hátt, þótt ástæða væri til. I
upphafi var sú hugmyndin að finna myndverk
þar sem listamenn fjölluðu um óáran,
sjúkdóma, plágur og dauða. Sú leit bar lítinn
árangur, enda hafa myndlistarmenn hérlendir
margir verið tilfinningaríkir rómantíkerar
og tjáð landið, atvinnulífið, hughrif fólksins
og sín eigin í verkum sínum, fremur en að
auka á skammdegisþunglyndi landsmanna
með umfjöllun um þjáninguna. Á þessu
eru að sjálfsögðu nokkrar undantekningar.
Skemmst er að minnast eftirtektarverðrar
sýningar nemenda Myndlista- og handíðaskóla
Islands á verkum sem öll tjáðu túlkun þeirra á
alnæmi og haldin var í anddyri og göngum
Borgarspítala á síðastliðnu ári. Ritstjóm
hyggst halda myndbirtingum þessum áfram
enn um sinn og mun áfram njóta ómetanlegrar
aðstoðar listfræðinga á Listasafni Islands
við öflun og frágang mynda til birtingar, en
flest verkin hafa verið í eigu safnsins. Ekki
hefur verið leitast við að gefa með þessu
sérstakt yfirlit um íslenska listasögu og hefur
smekkur eins ritsjómarmanna ráðið mestu um
val myndverka. Áfram verður þó reynt að
velja verk frá sem flestum skeiðum hinnar
stuttu sögu íslenskrar myndlistar. Þótt ýmsir
telji að ekki tjói að deila um smekkinn, er
hann samt afstæður og óræður, og því vill
ritstjóm leita eftir hugmyndum lesenda um
frekara val myndverka til birtingar á næstu
mánuðum og eru þeir beðnir um að koma
skoðunum sínum á framfæri við starfsfólk eða
ritstjómarmenn blaðsins. Ýmsir lesendur eiga
sjálfir vafalítið góð söfn íslenskra myndverka
og væri áhugavert að birta sýnishom úr þeim
á forsíðu blaðsins.
Sigurður Guðmundsson