Dagblaðið Vísir - DV - 11.07.2007, Blaðsíða 2

Varahlutirnir sem Guðmundur
Gísli Viktorsson, tvítugur Reykvík-
ingur, keypti í bílinn sinn kostuðu
einungis þriðjung þess sem um-
boðið hafði gefið upp sem verð fyrir
varahlutina. Ástæðan var sú að hann
keypti þá á netinu. Þegar varahlut-
irnir voru komnir hingað og búið að
borga af þeim tolla og gjöld kostuðu
þeir 48 þúsund krónur. Hjá umboð-
inu hefðu þeir hins vegar kostað um
160 þúsund krónur.
„Mig vantaði kúplingssett í bílinn
minn, Dodge Stratus árgerð 2002,
þetta eru þrír hlutir pressa, diskur
og lega,“ segir Guðmundur Gísli. „Ég
hringdi upp í Ræsi sem er með um-
boð fyrir Dodge á Íslandi og spurði
þá hvað kúplingssettið kosti. Maður-
inn þar tjáði mér að þeir ættu þetta
auðvitað ekki til á lager en þeir buð-
ust til að panta þetta fyrir mig. Þetta
er auðvitað umboðið og þeir eiga að
sjá um þetta fyrir mann. Ég var hins
vegar ekki ánægður með verðið sem
þeir nefndu við mig. Þeir vildu fá um
70 þúsund fyrir pressuna, um 60 þús-
und fyrir diskinn og 30 þúsund fyrir
leguna. Þetta var því um 160 þúsund
allt í allt,“ segir Guðmundur.
Guðmundi fannst það heldur
mikið og var ekki ánægður með þetta
boð Ræsis. „Ég fór bara á netið sjálf-
ur og fann þetta sama stykki hjá fyrir-
tæki í Bandaríkjunum sem sér um að
breyta svona bílum, gera þá aflmeiri
og fleira. Þeir áttu kúplingsettið til
og hjá þeim kostaði það 26 þúsund
krónur. Ég ákvað því að flytja settið
inn og með öllum innflutningstoll-
um og gjöldum kostaði þetta 48 þús-
und krónur,“ segir Guðmundur.
Özur Lárusson, framkvæmda-
stjóri Bílgreinasambandsins, segir
að til séu dæmi um að fólk hafi keypt
varahluti í gegnum netið og þeir
hafi verið ófullnægjandi. „Við vit-
um að fólk hefur keypt hluti í gegn-
um netið sem ekki passa og kannski
skemma aðra hluti í bílnum. Margar
hliðar eru því á málinu. Það er auð-
vitað betra að kaupa varahlutinn frá
viðurkenndum framleiðanda,“ segir
Özur.
miðvikudagur 11. júlí 20072 Fréttir DV
InnlendarFréttIr
ritstjorn@dv.is
Hægt að spara háar fjárhæðir með því að kaupa varahluti erlendis frá:
Fékk varahlutina á þriðjung af íslensku verði
Guðmundur Gísli Viktorsson Nýtt
kúplingssett vantaði í þennan dodge
Stratus. guðmundur gísli keypti
varahlutina á netinu á aðeins 48
þúsund krónur, innan við þriðjung þess
sem þeir áttu að kosta í umboðinu.
„Það var svo mikil öryggisgæsla að
það var ótrúlegt,“ segir Birgitta Jóns-
dóttir, Íslandsvinur og mótmæl-
andi. Fjöldi mótmælenda mætti í
Kringluna í gær ásamt predikar-
anum Billy og sögðust vilja særa
illa anda út úr Kringlunni. Mót-
mælunum fylgdu gríðarleg læti og
reyndu öryggisverðir að koma fólk-
inu átakalaust út. Yfirmaður örygg-
isgæslunnar í Kringlunni, Magnús
Pálsson, líkir ástandinu við átaka-
stæði í Miðausturlöndum. Hann
sagði einfaldlega: „Þau höguðu sér
eins og vitleysingar.“
Tveir predikarar
„Fólk hélt í fyrstu að þetta væri
einhver ofsatrúarhópur,“ segir
Birgitta hlæjandi um mótmælend-
urna sem mættu í Kringluna í gær.
Einn mótmælandinn klæddi sig
upp sem prest. Hann heitir Snorri
Páll Úlfhildarson Jónsson og er
tónlistarmaður. Hann leiddi hóp-
inn áfram með eldræðu um stór-
iðjustefnu á Íslandi og vildi særa út
illa anda auðvaldsins. Þá var pred-
ikarinn Billy ókominn en hann er
atvinnumótmælandi.
Ástandið var eldfimt að sögn
Birgittu en öryggisverðir brugðust
ókvæða við uppátækinu að hennar
sögn. Sjálf segist Birgitta hafa hleg-
ið að hamaganginum enda vildu
mótmælendurnir engum illt. Þeir
vilja bara vekja athygli á stóriðju-
stefnu ríkisstjórnarinnar.
Meinað inngöngu vegna
vondrar lyktar
„Einn strákur hnakkreifst við ör-
yggisvörðinn en honum var mein-
að að fara inn í búð því það var svo
vond lykt af honum,“ segir Birgitta
og hlær. Aðspurð hvort lyktin hafi
verið vond segir hún svo ekki vera.
Að lokum kom hinn raunveru-
legi predikari á svæðið. Þá upphófst
mikill hamagangur sem endaði á
því að öryggisverðir komu mót-
mælendum út um dyr Kringlunn-
ar. Í kjölfarið læstu þeir öllum inn-
gönguleiðum.
Óvægin árás
„Ég fæ ekki séð hvernig Kringl-
an tengist stóriðjustefnu, húsið var
byggt fyrir tuttugu árum og þá var
aðeins eitt álver á landinu,“ segir
Magnús Pálsson yfiröryggisvörður
í Kringlunni. Það er ljóst að hon-
um og hans starfsfólki er verulega
brugðið. Hann segir að hamagang-
urinn hafi verið slíkur að hann líkir
því við átakasvæði í Miðausturlönd-
um. Hann segir að mótmælendur
hafi hagað sér hreinlega eins og vitl-
eysingar. En að lokum fór fólkið út
átakalaust. Mótmælendur hótuðu
að koma aftur að hans sögn en hann
svaraði því að þá tækju öryggisverð-
ir bara á móti þeim aftur.
„Maður varð ansi sveittur eft-
ir átökin,“ segir Magnús að lok-
um um þennan óvenjulega dag í
Kringlunni.
TrúaráTök í kringlunni
Valur GreTTisson
blaðamaður skrifar: valur@dv.is
Yfir fimmtíu mótmælendur
mættu í Kringluna um hádegisbil-
ið í gær og létu mikið fyrir sér
fara. Öryggisverðir áttu í mesta
basli með að koma þeim út. Pred-
ikarinn Billy kom á svæðið og
sagði stóriðjusinnum að iðrast.
„einn strákur hnakk-
reifst við öryggisvörð-
inn en honum var
meinað að fara inn í
búð því það var svo
vond lykt af honum.“
séra Billy klerkurinn kom eins og
stormsveipur inn í kringluna og gerði
allt vitlaust. Honum var að lokum vísað
út ásamt fylgismönnum sínum og
frelsuðum sálum í kringlunni.
Mótmælendur og öryggisvörður
andrúmsloftið var eldfimt á meðan
mótmælendur sögðust reyna að
særa illa anda út úr kringlunni.
Magnús Pálsson Yfiröryggisvörð-
urinn magnús átti erfiðan dag í gær
og sagði að mótmælendur hefðu
hagað sér eins og vitleysingar.
dV Myndir karl
áfram tafir á
Þingvallavegi
Á Þingvallavegi, milli Skálafells
og Gljúfrasteins, verða tafir næstu
daga vegna klæðningar. Þetta er
gert vegna þeirrar blæðingar sem
var í malbikinu í síðustu viku og
olli skemmdum á veginum. Um-
ferðarþjónusta Vegagerðarinnar
hvetur ökumenn til að aka ekki
hraðar en á 50 kílómetra hraða á
vegarkaflanum sem nú er sérlega
varasamur bifhjólamönnum.
Vegna vegaframkvæmda má
búast við töfum og lokunum víðs
vegar um landið.
Sólheimavegur verður lokað-
ur á milli Stærribæjar og Eyvíkur
í dag og á morgun frá klukkan
átta árdegis til sjö að kvöldi, og
13. júlí milli klukkan átta og þrjú
síðdegis.
Lést í
umferðarslysi
Maðurinn sem lét lífið þeg-
ar bifreið hans valt á Öxna-
dalsheiði sunnudaginn 8. júlí
síðastliðinn hét Þorbergur
Gíslason og var til heimilis
að Hveramýri 2, Mosfellsbæ.
Þorbergur var tuttugu og eins
árs gamall, ókvæntur og barn-
laus. Tilkynnt var um slysið
snemma morguns, en ekki er
vitað hvenær það varð. Tildrög
þess eru enn óljós og málið er
í rannsókn hjá lögreglunni á
Akureyri.
Svínað á
unglingum
Starfsgreinafélag Austurlands
hefur lýst yfir áhyggjum sínum
með aðbúnað og réttindi unglinga
á vinnustöðum. Félagið kemst
að því að flestir unglingar vinna
með námi og að vinnutíminn sé
oft í litlu samræmi við upphaf-
legar áætlanir. Þar að auki vinni
fjölmargir unglingar á launatöxt-
um sem eru undir viðurkennd-
um lágmarkslaunum og þeir sæti
jafnvel hótunum um uppsagnir
sætti þeir sig ekki við launakjör
sín. Forsvarsmenn Starfsgreina-
félagsins hvetja foreldra til þess
að vera á varðbergi og fara vel yfir
launaseðla barna sinna.
Annar áfangi í
umhverfismati
Annar áfangi Sundabrautar
er nú í málsmeðferð hjá Skipu-
lagsstofnun samkvæmt lögum
um mat á umhverfisáhrifum.
Mat á umhverfisáhrifum fyrir
annan áfanga hófst sumarið
2006. Þá voru kynnt drög að til-
lögu að matsáætlun og almenn-
ingi gafst tækifæri á að koma
með athugasemdir. Ýmsar
athugasemdir bárust og hefur
verið tekið tillit til þeirra í tillögu
að matsáætlun sem nú hefur
verið send til málsmeðferðar
hjá Skipulagsstofnun, sem mun
væntanlega auglýsa hana til
kynningar á næstu dögum.
Lögbundinn athugasemda-
frestur er 2 vikur, en vegna
sumarleyfa hefur frestur verið
lengdur í rúmar 4 vikur og er
því til 10. ágúst. Athugasemdum
skal skila til Skipulagsstofnunar.