Kjarninn - 17.04.2014, Side 32

03/04 viðSKipti
mikil tækifæri
Frá því að Róbert tók við stjórnartaumunum hjá Alvogen árið
2009 hafa hlutirnir gerst hratt. Fyrsta árið voru tekjurnar 37,1
milljón Bandaríkjadala en hafa hækkað jafnt og þétt síðan;
voru 55,6 milljónir dala árið 2010, 136,2 milljónir dala árið
2011, 215,9 milljónir dala árið 2012 og 373,2 milljónir dala í
fyrra. Vöxturinn hefur verið mikill, bæði innri og ytri vöxtur.
róbert Wessman
Forstjóri Alvogen hefur stór-
huga áform um uppbyggingu
lyfjafyrirtækisins og vonast til
þess að ná yfir 900 milljónum
Bandaríkjadala í árstekjum
innan þriggja ára.
HátækniSetur í VatnSmýrinni – framkVæmdir HófuSt í nóVember í fyrra
Hátæknisetur Alvogen verður reist við Sæmundar-
götu 15-19, innan Vísindagarða Háskóla Íslands,
og verður um ellefu þúsund fermetrar að stærð.
Heildarfjárfesting Alvogen vegna verkefnisins
er áætluð um 25 milljarðar króna, þar með talin
uppbygging á aðstöðu á Íslandi fyrir um 8 milljarða
króna, samkvæmt tilkynningu vegna framkvæmd-
anna. Um 400 ársverk munu skapast á rúmlega
tveggja ára framkvæmdatíma en auk þess er búist
við að 200 ný stöðugildi muni skapast til framtíðar
hjá Alvogen á Íslandi á næstu árum, samkvæmt
upplýsingum frá fyrirtækinu.
Búist er við að árlegar tekjur af starfsemi Alvogen
á Íslandi verði um 65 milljarðar króna þegar
fyrstu líftæknilyf félagsins fara á markað á árinu
2019 og um 200 ný framtíðarstörf verða til hjá
félaginu. Margt þarf þó að ganga upp svo þetta
verði að veruleika enda eru fimm ár langur tími í
viðskiptum. Stefnt er að því að starfsemi Alvogen
verði samofin háskólasamfélaginu í Vatnsmýri og
nái þannig að styðja við og nýta sér rannsóknir og
framhaldsmenntun, meðal annars á sviði lífvísinda,
lyfjaþróunar, viðskiptaþróunar og verkfræði.