Kjarninn - 17.04.2014, Síða 54

04/05 LÍfSStÍLL
neyta þess um páskahátíðina er hann óhjákvæmilega orðinn
þátttakandi í baráttunni við páskaeggið. Nánar tiltekið þarf
hann að ákveða hvort hann fær páskaeggið í verðlaun fyrir
vel heppnaða og næga hreyfingu eða lúskrast sakbitinn út að
ganga í einhvers konar afplánun eftir að hafa rifið í sig heilt
páskaegg í stjórnlausri neysluvímu og sykuræði.
áhrifaríkar aðferðir til að sigra páskaeggið
Hér að framan er gefin sú forsenda að frjáls maður kaupi
páskaegg en það er auðvitað blekking. Auglýsingar virka
alveg prýðilega og þegar hefðir og þrýstingur frá sam-
félaginu bætast við er auðvitað algerlega von-
laust að komast undan því að kaupa páskaegg.
Við kaupum öll páskaegg.
Að þessu sögðu er ljóst að páskarnir eru
fyrir allri alþýðu manna dæmdir til þess að
verða barátta við páskaeggið þar sem sigur
páskaeggsins virðist vera ljós fyrir fram.
En það er ekki svo. Örvæntið eigi.
Til eru aðferðir til þess að fara með sigur
af hólmi í baráttunni við páskaeggið og hér
skal bent á nokkrar þeirra.
Sá sem kemur heim eftir vel heppnaða
gönguferð eða fjallgöngu og sest síðan niður
með göngufélögum sínum eða fjölskyldu og
fær sér gómsætt páskaegg að launum upplifir
atvikið eins og afhendingu verðlauna.
Og þótt ekki viðri vel til fjallgangna er það engin afsökun
fyrir því að láta fallast bugaður á sverð páskaeggsins. Vel má
girða sig í brók, klæða sig vel og baksa fáeinar klukkustundir
gegn hríð og stormum á láglendi og setjast svo sigri hrósandi
að áti páskaeggs þegar heim er komið.
Lítum aðeins á ýmsa kosti sem dæmigerður páskaeggja-
eigandi á þegar kemur að því að vinna sér inn eitt stykki
páskaegg eða hluta þess.
Sá sem dvelur í sumarbústað í Grímsnesi eða nágrenni,
svo dæmi sé tekið, getur valið sér nokkur býsna áhugaverð