Kjarninn - 22.05.2014, Síða 48

11/13 ViðTal
skóla hérna og að þeir myndu alast upp á Íslandi. Hér er líka
miklu meira frelsi fyrir þá, þannig að það kom aldrei annað
til greina en að fara aftur heim undir það síðasta.“
Eftir að fjölskyldan fluttist aftur heim til Íslands tók
Heiðar sér nokkra mánuði til að hugsa um hvað hann ætti nú
að taka sér fyrir hendur. Flestir knattspyrnumenn sem snúa
til baka út atvinnumennsku kjósa að vera áfram viðriðnir
fótboltann en Heiðar ákvað að róa á gamalkunn mið. Úr
varð að Heiðar ákvað að hella sér út í útgerð, keypti sér
kvóta og Sómabát sem hann gerir út frá
Hafnarfirði.
„Ég keypti mér bát á Ólafsvík og sigldi
honum til Hafnarfjarðar í snarvitlausu
veðri. Fjölskyldan mín á Dalvík hefur
verið viðriðin sjómennsku í hundrað ár og
ég var eitthvað á sjó áður en ég fór á fullt
í fótboltann, auk þess sem ég hafði unnið
mikið í fiski á Dalvík. Þannig að þessi
ákvörðun lá vel við.“
Á árum áður fór Heiðar nokkra túra á togaranum Blika
EA sem ungur maður á Dalvík. „Ég varð hrikalega sjóveikur
og ældi úr mér lungunum í öll skiptin. Þegar ég ákvað að
fara aftur í sjómennskuna núna krosslagði ég bara fingurna
og vonaði að sjóveikin væri farin fyrir fullt og allt. Ég hef
allavega ekki orðið sjóveikur enn,“ segir Heiðar og hlær.
rómantíkin við sjómennskuna heillaði
Fyrrverandi knattspyrnuhetjan sem ákvað að gerast sjó-
maður er mjög sátt við ákvörðunina um að fara aftur á
sjóinn. „Mig langaði mikið að finna eitthvað að gera þar sem
ég gæti ráðið mér sjálfur. Ég er ekki með neina menntun í
einu né neinu og það takmarkaði möguleikana mína aðeins,“
segir Heiðar og brosir. „Svo hef ég líka gaman af líkamlegri
vinnu og vil stjórna mér sjálfur, hvenær ég vinn og hvenær
ekki. Þetta bara hentaði vel og ég sé ekkert eftir þeirri
ákvörðun.“
Fyrir mann sem hefur unnið við að keppa í hópíþrótt til
„Mig langaði mikið að finna
eitthvað að gera þar sem ég
gæti ráðið mér sjálfur. Ég er
ekki með neina menntun í einu
né neinu og það takmarkaði
möguleikana mína aðeins.“