Kjarninn - 22.05.2014, Side 89

03/06 fóTbolTi
3. brasilÍa 1982
Heimsmeistararnir teknir í kennslustund
Heimsmeistarakeppnin árið 1982 á Spáni er oft talin
ein sú besta sem haldin hefur verið. Ein af ástæð-
unum fyrir því er lið Brasilíumanna, sem spilaði
sambabolta af bestu gerð. Liðið frá 1982 minnti á
samlanda þeirra tólf árum áður, lið sem hafði Pele,
Tostao og Jairzinho innanborðs, fór alla leið og er
talið eitt það besta nokkurn tíma. Nú voru það Zico
og Sócrates sem voru stjörnurnar og mynduðu eitt
besta sóknarmiðjuteymi sem sést hafði. Auk þeirra
má nefna stjörnur á borð við framherjann Éder,
miðjumanninn Falcao og bakvörðinn Junior. Brasilíu-
menn áttu í engum erfiðleikum í riðlakeppninni og
unnu þar alla leikina gegn Sovétmönnum, Skotum
og Nýsjálendingum. Síðan unnu þeir nágranna sína
og ríkjandi heimsmeistara Argentínu nokkuð létt 3-1.
Ekkert lið átti að geta stöðvað sigurgöngu þeirra en
þá kom að leiknum sem kallaður var A tragédia do
Sarriá (hörmungin á Sarriá). Brasilíumenn mættu
Ítölum á Sarriá-vellinum í Barcelona þar sem stíf
vörn og þrenna frá Paolo Rossi tryggði Ítölum 3-2
sigur og sæti í undanúrslitum en Brasilíumenn voru
sendir heim. Leikurinn er oft talinn einn sá besti í
sögu heimsmeistaramótsins en hann reyndist banabiti
þessa frábæra liðs.
4. ÍTalÍa – 1990
)U£E¨UWPDUN5REHUWR%DJJLRJHJQ
Tékkóslóvakíu
Aldrei hefur ítölsk knattspyrna verið jafn sterk og
á árunum frá 1985 til 1995 eða þar um bil. Serie A
hafði flestar stórstjörnurnar og mestu vinsældirnar.
Ítölsk félagslið röðuðu inn Evróputitlunum. Þegar
kom að heimsmeistaramótinu 1990 var AC Milan
Evrópumeistari félagsliða, Sampdoria Evrópumeistari
bikarhafa og Juventus UEFA-bikarmeistari. Auk þess
var mótið haldið á Ítalíu og flestir bjuggust við sigri
heimamanna. Ítalir hafa lengi verið þekktir fyrir góðan
varnarleik og þetta landslið var engin undan tekning.
Varnarlínan er sennilega ein sú besta sem sett
hefur verið saman. Hún var samansett úr AC Milan-
mönnunum Franco Baresi og Paolo Maldini auk
Inter-mannanna Giuseppe Bergomi og Riccardo Ferri.
Í markinu var reynsluboltinn Walter Zenga, sem setti
met fyrir flestar mínútur án þess að fá á sig mark.
Ítalir fengu ekki á sig mark fyrr en í undanúrslitum
gegn Argentínu en það reyndist örlagavaldur þeirra,
þar sem þeir töpuðu í vítaspyrnukeppni. Þeir kláruðu
þó mótið með því að vinna brons gegn Englandi. Ítalir
áttu ýmsa góða framherja en það var varamaðurinn
Salvatore Schillaci sem stal senunni. Schillaci var
leikmaður Juventus en hafði spilað nánast allan feril
sinn í neðri deildunum í Ítalíu. Hann endaði sem
markahæsti leikmaður mótsins með 6 mörk.